MyStyle Myanmar ကိုအားပေးတဲ့ ပရိတ်သတ် အားလုံးမင်္ဂလာပါ။ ဒီတစ်ခေါက်မှာတော့ တစ်ပတ်အတွင်း သိသိသာသာ ဗိုက်အဆီကျစေမယ့် လေ့ကျင့်ခန်း Challenge Plan တစ်ခုကို ဖော်ပြပါရစေ။ ဘယ်အရာမဆို အချိန် အတိုင်းအတာနဲ့ လုပ်တဲ့အခါ ပျင်းတဲ့စိတ်လည်း နည်းပါးသွားစေပါတယ်။ လေ့ကျင့်ခန်းတွေက အချိန်တိုအတွင်း ထိရောက်တာမို့ ဘာလေ့ကျင့်ခန်းတွေလဲ ကြည့်လိုက်ရအောင်နော်-

၁။ Leg Raises

Photo Source: Pinterest

  • အိပ်လျက်အနေအထားနဲ့ ခြေထောက်ကို ဆန့်လျက် အပေါ် မြှောက်ပေးရပါမယ်။
  • ဒီလိုမြှောက်တဲ့အချိန် ဗိုက်ကြွက်သားကို အာရုံစိုက်ရပါမယ်။
  • ပြီးနောက် နဂိုအနေအထား ပြန်သွားရပါမယ်။
  • အခါ ၂၀ စာ ၂ ကြိမ် လုပ်ပေးရပါမယ်။

၂။ Russian Twists

Photo Source: Giphy

  • ခြေထောက်ကို ဒူးကွေးလျက် မ ထားပြီးနောက် ခန္ဓာကိုယ်ကို ဘယ်ညာ လှည့်ပေးရပါမယ်။
  • ဒါကို အခါ ၂၀ စာ နှစ်ကြိမ်လုပ်ရပါမယ်။

၃။ Scissors

Photo Source: We Heart It

  • အိပ်လျက်အနေအထားနဲ့ ခြေထောက်ဆန့်ထားကာ တစ်လှည့်စီ ကတ်ကြေးညှပ်တဲ့ ပုံစံမျိုး လုပ်ရပါမယ်။
  • အခါ ၂၀ စာ ၂ ကြိမ်လုပ်ရပါမယ်။

၄။ Bicycles

Photo Source: TrainHardTeam

  • အိပ်လျက်အနေအထားနဲ့ ခြေထောက် နှစ်ဖက်ကို ကွေးထားရပါမယ်။
  • ပြီးနောက် ဘယ်ဘက်ဒူးနဲ့ ညာဘက် တံတောင်ကို ထိအောင် လုပ်ပေးရပါမယ်။
  • ညာဘက်ကိုလည်း ဒီလိုပဲ လုပ်ရပါမယ်။
  • အခါ ၂၀ ၂ ကြိမ် လုပ်ရပါမယ်။

၅။ Dumbbell Side Bend (ညာ/ဘယ်)

Photo Source: Pinterest

  • အလေးတုံးကို ညာဘက်က ကိုင်ထားပြီး ခန္ဓာကိုယ်ကို ညာဘက်စောင်းရပါမယ်။
  • ညာဘက် စောင်းတာကို အခါ ၂၀ စာ ၂ ကြိမ် လုပ်ပေးရပါမယ်။
  • ပြီးနောက် ဘယ်ဘက်ကို အလေး ပြောင်းပြီး ဘယ်ဘက် အခါ ၂၀ စာ ၂ ကြိမ် စောင်းပေးရပါမယ်။

၆။ Plank

Photo Source: Popsugar

  • Plank ၁ မိနစ် ထောက်ပေးရပါမယ်။

လေ့ကျင့်ခန်းတွေ ကြားထဲမှာ ၁၅ စက္ကန့်စီ Stomach Vacuum လုပ်ရပါမယ်။

Stomach Vacuum

Photo Source: Brightside

ဒီလေ့ကျင့်ခန်းတွေကို တစ်ပတ်အတွင်း နေ့တိုင်း လုပ်ပေးပြီး ရေများများ သောက်ပေးရပါမယ်။

By MyStyle Myanmar