မင်္ဂလာပါ ပျိုမေလေးတို့ရေ… အလှအပရေးရာကဏ္ဍကနေ ပြန်လည်ကြိုဆိုလိုက်ပါတယ်နော်။ ဒီတစ်ခါမှာတော့ အသားအရေလေး ဝင်းလက်တောက်ပချင်သူတွေအတွက် ဘေးထွက်ဆိုးကျိုး လုံးဝမရှိပဲ သိသာထိရောက်စေမယ့် မျက်နှာပေါင်းတင်နည်းတွေနဲ့ မိတ်ဆက်ပေးချင်ပါတယ်နော်။
အသားအရေလေး သဘာဝအတိုင်း Glowပြီး စိုစိုပြေပြေလေးနဲ့လှချင်တဲ့ပျိုမေလေးတို့ရေ… အခုဖော်ပြပေးမယ့် နည်းလမ်းလေးတွေကို စမ်းကြည့်ဖို့ ရယ်ဒီဖြစ်ကြပြီလားပျိုမေလေးတွေရေ….
ပျားရည်နှင့် ပေါင်းတင်ပါ
ဒီနည်းလမ်းကို ပြုလုပ်မယ်ဆိုရင်တော့ ပျားရည် လက်ဖက်ရည်ဇွန်း ၂ ဇွန်း၊ နွားနို့ လက်ဖက်ရည်ဇွန်း ၄ ဇွန်းနှင့် ဝါဂွမ်းစအနည်းငယ်တို့ လိုအပ်ပါလိမ့်မယ်။ နွားနို့ကို နွေးသွားအောင် အပူပေးလိုက်ပါ။ ထို့နောက် ပျားရည်နှင့် ရောနှောလိုက်ပါ။ နွားနို့ နွေးနေတုန်းမှာပဲ ဝါဂွမ်းစကို နွားနို့အရောအနှောထဲ နှစ်ပြီးနောက် မျက်နှာပေါ် စိမ့်ဝင်သွားအောင် သုတ်လိမ်းလိုက်ပါ။
၁၀ မိနစ်ကြာအောင် သုတ်လိမ်းပေးရပါမယ်။ ၁၀ မိနစ်ပြည့်တဲ့အခါ မျက်နှာသစ်ဖို့အတွက် မိနစ် ၂၀ ခန့် ထပ်စောင့်ရပါမယ်။ အချိန်ပြည့်တော့မှ ကြက်သီးနွေးရေနွေးလေးနဲ့ မျက်နှာသစ်ပါ။ ရေအေးလေးနဲ့ မျက်နှာထပ်သစ်ဖို့ လိုပါဦးမယ်။
ထောပတ်သီးနှင့် ပေါင်းတင်ပါ
ဒီနည်းလမ်းအသုံးပြုပြီး ပေါင်းတင်ချင်တယ်ဆိုရင်တော့ ထောပတ်သီးမှည့် ၁ လုံးနှင့် ပျားရည် စားပွဲတင်ဇွန်း ၁ ဇွန်းတို့ လိုအပ်ပါလိမ့်မယ်။ ထောပတ်သီးကို အနှစ်လေးများရအောင် ကြိတ်ချေလိုက်ပါ။ ထို့နောက် ပျားရည်နဲ့ရောနှောလိုက်ပါ။ ရရှိလာတဲ့အနှစ်များကို မျက်နှာပေါ်မှာ သုတ်လိမ်းပေးလိုက်ပါ။ ၁၀ မိနစ်၊ ၁၅ မိနစ်ခန့် အခြောက်ခံပေးရပါမယ်။ အချိန်ပြည့်တော့မှ ကြက်သီးနွေးရေနွေးလေးနဲ့ မျက်နှာသစ်ပေးလိုက်ပါ။
စတော်ဘယ်ရီသီးနှင့် ပျားရည်
Source:Stay at Home Mum
လတ်ဆတ်တဲ့ စတော်ဘယ်ရီသီး ၆ လုံးမှ ၁၀ လုံးခန့်နှင့် ပျားရည် လက်ဖက်ရည်ဇွန်း ၁ ဇွန်းတို့ လိုအပ်ပါလိမ့်မယ်။ စတော်ဘယ်ရီသီးများကို အနှစ်များရအောင် ကြိတ်ချေပြီးနောက် ပျားရည်နှင့် သမအောင် ရောနှောလိုက်ပါ။
ထို့နောက် မျက်နှာပေါ်မှာ အသာအယာသုတ်လိမ်းလိုက်ပါ။ မိနစ် ၂၀ ခန့်ကြာမှ ကြက်သီးနွေး ရေနွေးလေးနဲ့ မျက်နှာသစ်လိုက်ပါ။ ပြီးမှ ရေအေးလေးနဲ့ မျက်နှာထပ်သစ်ပေးရပါမယ်။
Source: stylecraze.com
