နွေရာသီလိုမျိုး ပူပြင်းတဲ့အချိန်မှာဆိုရင် ချွေးတွေအရမ်းထွက်တော့ မိတ်ကပ်လိမ်းထားရင် အဆီတွေကွက်၊ ချွေးတွေကွက်ပြီး မိတ်ကပ်မခံတာတွေ ဖြစ်ပါတယ်။ ဒါကြောင့် ပူပြင်းတဲ့ရာသီဥတုမျိုးမှာလိမ်းဖို့အတွက် အကောင်းဆုံးဖြစ်မယ့် မိတ်ကပ် Foundation တွေကို ဖော်ပြပေးလိုက်ပါတယ်။
Lancôme Teint Idole Ultra Longwear Foundation Stick SPF21
SPF21 ပါတဲ့အတွက် နေလောင်ဒဏ်ကို ကာကွယ်ပြီးသားဖြစ်ပါတယ်။ ဒါပေမယ့် နွေရာသီလိုပူပြင်းတဲ့အချိန် နေပူထဲထွက်မယ်ဆိုရင်တော့ Sunscreen ထိပ်လိမ်းပေးဖို့လိုပါတယ်။ မိတ်ကပ်သားညက်ညက်လေးနဲ့ တစ်နေကုန်ကြာရှည်ခံတာမျိုးလိုချင်ရင်တော့ ဒီ Foundation က အရမ်းကောင်းပါတယ်။
L’oreal Paris Infallible Pro Matte Foundation
Matte Type ဆိုပေမယ့် လိမ်းလိုက်ရင် မိတ်ကပ်သားထူထူပျစ်ပျစ်ကြီးမဖြစ်ပဲ အဆင်ပြေပါတယ်။ စျေးလည်းသင့်ပြီး လူသုံးလည်းများပါတယ်။ မိတ်ကပ်သားလည်းကြာရှည်ခံတဲ့အတွက် ပူပြင်းတဲ့ရာသီဥတုမျိုးအတွက် ရွေးချယ်သင့်ပါတယ်။
Maybelline New York Superstay Full Coverage Foundation
ဒီ Foundation ကတော့ တော်တော်များများလည်းသုံးကြပါတယ်။ အဆီမပြန်တဲ့သူအတွက်ဆိုရင် မိတ်ကပ်သားတော်တော်ကြာကြာခံပါတယ်။ အဆီပြန်တဲ့သူတွေအတွက်ဆိုလည်း ၅ နာရီလောက်တော့ မိတ်ကပ်သားကြာရှည်ခံပါတယ်။ ဒီတော့ ရာသီဥတုပူလည်း ချွေးထွက်လို့၊ အဆီပြန်လို့ မိတ်ကပ်ကွက်မှာကို စိတ်မပူရတော့ဘူးပေါ့။
Maybelline New York Dream Urban Cover Full Coverage Foundation
SPF 50 ပါဝင်လို့ နေလောင်ဒဏ်ကို ကာကွယ်ပြီးသားဖြစ်ပါတယ်။ ဒါ့အပြင် Full Coverage လည်းဖြစ်လို့ ပူပြင်းတဲ့ရာသီဥတုအတွက် အဆင်ပြေပါတယ်။ Sunscreen သပ်သပ်မလိမ်းချင်တဲ့သူတွေအတွက်လည်း အဆင်ပြေပါတယ်။
Urban Decay All Nighter Foundation
မိတ်ကပ်သားပါးပါးလေးနဲ့ Full Coverage လိုချင်တဲ့သူတွေအတွက် Urban Decay All Nighter Foundation က အဆင်ပြေပါတယ်။ Matte Finish ဖြစ်လို့ နွေရာသီနဲ့ ပူပြင်းတဲ့ရာသီဥတုအတွက် အကောင်းဆုံးပါပဲ။
Source:www.makeup.com