နွေရာသီမှာဆိုရင် Skincare ကို သေချာသုံးပေးဖို့ လိုပါတယ်။ ရာသီဥတုကလည်းပူတဲ့အပြင် ချွေးနဲ့ဖုန်မှုန့်တွေကြောင့် ချွေးပေါက်တွေအဆီတွေပိတ်တာ၊ ဝက်ခြံထွက်တာ၊ အဆီဖုထွက်တာတွေ အရမ်းဖြစ်ပါတယ်။ ဆောင်းရာသီမှာ အသားခြောက်လို့သုံးတဲ့ Skincare တွေကို နွေရာသီမှာဆက်သုံးလို့ အဆင်မပြေတဲ့အတွက် ပြောင်းသုံးသင့်တာပြောင်းသုံးပြီး လျှော့သုံးသင့်တာကို လျှော့သုံးရပါမယ်။ ဒါကြောင့် နွေရာသီမှာသုံးသင့်တဲ့ Skincare Step တွေကို ဖော်ပြပေးလိုက်ပါတယ်။

Cleansing

မနက်ပိုင်းကို ဒီတိုင်းပဲ မျက်နှာသစ်ဆေးနဲ့သစ်ပေးပြီး ညပိုင်းရောက်ရင်တော့ Makeup Remover နဲ့ဖျက်ပြီးမှ မျက်နှာသစ်ဆေးနဲ့ သစ်ပေးပါ။

Toner

နွေရာသီမှာ ရေဓာတ်ဖြည့်ပေးတဲ့ Toner ပဲ သုံးသင့်ပါတယ်။ Heavy ဖြစ်တာမျိုး၊ Texture ပျစ်တာမျိုးတွေသုံးရင် အဆီဖုနဲ့ဝက်ခြံတွေ ထွက်လာပါလိမ့်မယ်။ Toner ကိုလည်း မနက်၊ ည သုံးရပါမယ်။

Essence

နွေရာသီမှာ ဝက်ခြံနဲ့အဆီဖုက အလွယ်တကူထွက်တဲ့အတွက် Serum Step ကို မထည့်တာအကောင်းဆုံးပါပဲ။ ဒါကြောင့် Essence ကိုပဲ သုံးပါမယ်။ Essence ကိုတော့ ညပိုင်းသုံးပေးပါ။

Moisturizer

ဘယ်လိုရာသီဥတုမျိုးမှာပဲဖြစ်ဖြစ် Moisturizer ကို သုံးပေးရပါမယ်။ ဒါပေမယ့် နွေရာသီမှာဆိုရင်တော့ Cream Type, Lotion Type တွေထက် Gel Type ကို ရွေးသုံးသင့်ပါတယ်။ Moisturizer ကိုလည်း မနက်၊ ည လိမ်းရပါမယ်။

Sunscreen

ဘယ်လိုရာသီဥတုမျိုးမှာပဲဖြစ်ဖြစ် Sunscreen လိမ်းရပါမယ်။ မနက်ပိုင်း၊ နေ့လည်ပိုင်းမှာ Sunscreen လိမ်းကိုလိမ်းရပါမယ်။

Sheet Mask

နွေရာသီမှာ Sheet Mask လေးတွေ ပိုကပ်သင့်ပါတယ်။ ၃ ရက်တစ်ခါလောက်ကပ်ပေးရင်တော့ အကောင်းဆုံးပါပဲ။

Exfoliating

နွေရာသီဆိုရင် ချွေးထွက်တဲ့အတွက် ဖုန်မှုန့်နဲ့ အညစ်အကြေးတွေက Skin မှာကပ်ပြီး ချွေးပေါက်တွေပိတ်စေတဲ့အတွက် ၅ ရက် တစ်ခါ (သို့) တစ်ပတ် တစ်ခါလောက် Exfoliating ကို ပုံမှန်လုပ်ပေးပါ။