ဆန်၊ ထမင်းက ကျွန်မတို့အတွက် အရေးပါတဲ့ ကဏ္ဍကနေ ပါဝင်နေပါတယ်။ ဆန်က အစားအသောက်အတွက် သာမက အလှအပအတွက်ပါ အသုံးဝင်နေပါသေးတယ်။ ဆန်ဆေးရည်ကို သုံးပြီး မျက်နှာ အတွက် Toner နေရာမှာ အသုံးပြုနိုင်ကြောင်း သင်သိပြီးဖြစ်မှာပါ။ ဒါ့အပြင် ဆန်ဆေးရည်ကို ဆံကေသာမှာ သုံးတာကိုလည်း သင်သိပြီး ဖြစ်မှာပါ။
ဒီတစ်ခေါက်ပြောမယ့် နည်းလမ်းကတော့ ဆန်ဆေးရည်အပြင် ချက်ပြီးသား ထမင်း ကိုပါ သုံးပြီး ဆံသားအတွက် အသုံးပြုနိုင်မယ့် နည်းလမ်းပါ။ ဒီနည်းလမ်းက ဆံပင်အရှည်မြန်စေပြီး ဆံသားအတွက် အာဟာရ ထောက်ပံ့ပေးပါတယ်။
နည်းလမ်းကို ကြည့်လိုက်ရအောင်နော်-
လိုအပ်တဲ့ပစ္စည်းတွေကတော့-
ထမင်း တစ်ဇွန်း
Photo Source: Curl Centric
အချဉ်ဖောက်ထားတဲ့ Fermented ဆန်ဆေးရည် ၂ ဇွန်းကနေ ၃ ဇွန်း
Photo Source: StyleCraze
အကျိုးကျေးဇူး
ထမင်းက ဆံသားကို ချောမွေ့စေပြီး တောက်ပစေပါတယ်။ အချဉ်ဖောက်ထားတဲ့ ဆန်ဆေးရည်က ဆံပင်ကို အားဖြည့် သန်မာစေပြီး ဆံပင်အရှည် မြန်ဖို့ ကူညီပေးပါတယ်။
ပြုလုပ်ပုံ
ဒီနှစ်မျိုးကို ကျိတ်စက်ထဲ ရောပြီးနောက် အနှစ် ရအောင် ချေပေးရပါမယ်။ လက်နဲ့ ချေပေးလည်း ရပါတယ်။
Photo Source: Pinterest
အသုံးပြုပုံ
ရလာတဲ့ အနှစ်ကို ဦးရေပြားနဲ့ ဆံသားပေါ် လိမ်းပေးရပါမယ်။ ၁ နာရီ ထားပြီးနောက် ရေဆေးချပေးရပါမယ်။
By MyStyle Myanmar