ရည်းစားရှိပေမယ့်တစ်ယောက်ထဲအထီးကျန်သလိုခံစားရနေတဲ့အဓိကအကြောင်းအရင်း

ရည်းစားရှိနေပေမယ့် တစ်ယောက်ထဲဖြစ်နေသလို၊ အထီးကျန်သလို ခံစားနေရတဲ့သူတွေ ရှိမှာပါ။ ဒီလိုခံစားနေရတဲ့ အဓိကအကြောင်းအရင်းတွေက ဒီအချက်တွေကြောင့်ဖြစ်ဖို့များပါတယ်။

အလုပ်များခြင်း

Relationship တစ်ခုမှာ တစ်ယောက်ကအားနေပြီး တစ်ယောက်ကအလုပ်များနေရင် အားနေတဲ့သူအတွက် အထီးကျန်သလိုခံစားမှုမျိုး၊ တစ်ယောက်ထဲဖြစ်နေသလို ခံစားမှုမျိုး ဖြစ်စေပါတယ်။

ရည်းစားကဂရုမစိုက်ခြင်း

ဂရုစိုက်မှုကို အရမ်းလိုချင်တဲ့သူတစ်ယောက်က ကိုယ့်ရည်းစားဆီကနေ ဂရုစိုက်မှုကိုမရတဲ့အခါ အထီးကျန်ပြီး၊ ရည်းစားရှိနေလည်း တစ်ယောက်ထဲဖြစ်နေသလိုပဲဆိုတဲ့ အတွေးမျိုးတွေဝင်ပြီး ခံစားရတတ်ပါတယ်။ ခဏခဏလည်း ဝမ်းနည်းပြီး အထီကျန်နေတတ်ပါတယ်။

ကြင်နာယုယမှုမရှိခြင်း

မိန်းကလေးပဲဖြစ်ဖြစ်၊ ယောင်္ကျားလေးပဲဖြစ်ဖြစ် ကိုယ့်ရည်းစားဆီက ကြင်နာယုယမှုကို လိုချင်ကြပါတယ်။ ကြင်နာယုယမှုမရှိတဲ့အခါမှာ သူများအတွဲတွေကိုမြင်ရင် အားကျပြီး ကိုယ့် Relationship ကို အားမလိုအားမရဖြစ်တာမျိုး၊ အလိုမကျဖြစ်ပြီး အတွေးမျိုးစုံဝင်လာတာမျိုး၊ ရည်းစားရှိနေလည်း တစ်ယောက်ထဲလိုပဲဆိုတဲ့အတွေးမျိုး၊ အထီးကျန်သလိုခံစားမှုမျိုးတွေ ဖြစ်လာတတ်ပါတယ်။

တစ်ယောက်နဲ့တစ်ယောက်တွေ့ရတဲ့အချိန်နည်းခြင်း

တစ်ယောက်နဲ့တစ်ယောက် အချိန်သိပ်မပေးနိုင်တာပဲ တွေ့ရတဲ့အချိန်လည်းနည်းနေရင် ကြာလာတဲ့အခါမှာ အထီးကျန်လာတတ်ပါတယ်။ ရည်းစားရှိနေပြီး ရည်းစားနဲ့လည်း အကြာကြီးနေမှတွေ့ရ၊ ဂရုစိုက်မှုလည်းမရဆိုရင်တော့ တစ်ဖက်လူက အထီးကျန်ပြီး ဝမ်းနည်းလာမှာပါပဲ။

ဒီလိုမျိုးတွေဖြစ်တာကြာလာတဲ့အခါမှာ ရည်းစားရှိနေလည်း မရှိသလိုပါပဲ၊ အထီးကျန်နေရတာပဲ အသားကျသွားပြီဆိုတဲ့အတွေးတွေနဲ့ တစ်ယောက်ထဲပဲနေတော့မယ်လို့ ဆုံးဖြတ်လိုက်တာမျိုးတွေ ဖြစ်လာနိုင်တာကြောင့် တစ်ယောက်နဲ့တစ်ယောက် သေချာညှိုယူပြီး ဖြေရှင်းသင့်ပါတယ်။

Photo source: www.freepik.com