မျက်နှာပေါ်မှာရှိတဲ့တင်းတိတ်လိုမျိုးအညိုအကွက်တွေကိုသက်သာသွားအောင်လုပ်ပေးနိုင်မယ့်နည်းလမ်းများ

မျက်နှာပေါ်မှာ တင်းတိတ်လိုမျိုး အညိုအကွက်တွေထွက်တာက အထူးသဖြင့် အသက်ကြီးပိုင်း အမျိုးသမီးတွေမှာ ပိုပြီးအဖြစ်များပါတယ်။ ဒါကြောင့် မျက်နှာပေါ်မှာရှိတဲ့ တင်းတိတ်လိုမျိုး အညိုအကွက်တွေကို သက်သာသွားအောင် လုပ်ပေးနိုင်မယ့် နည်းလမ်းတွေကို မျှဝေပေးလိုက်ပါတယ်။ အိမ်မှာအလွယ်တကူလုပ်လို့ရမယ့် နည်းလမ်းတွေဖြစ်တာကြောင့် ပိုက်ဆံလည်းသိပ်မကုန်ပဲ အဆင်ပြေစေမှာပါ။

ကြက်သွန်နီ

အနံ့နံတယ်ဆိုပေမယ့် ကြက်သွန်နီက မျက်နှာပေါ်မှာရှိတဲ့ အမဲစက်နဲ့ တင်းတိတ်လို အညိုအကွက်တွေကို တဖြေးဖြေးချင်းစီ ပါးသွားစေပါတယ်။ လုပ်ရမယ့်ပုံစံကတော့ ကြက်သွန်နီကို အခွံခွာ၊ အတုံးသေးလေးတွေတုံးချေပြီး Tea Bag အလွတ်ထုပ်ထဲကို ထည့်ပါ။ ပြီးရင်တော့ အညိုကွက်တွေဖြစ်နေတဲ့ နေရာပေါ်ကို ၁၀ မိနစ်လောက် တင်ထားပေးပါ။ အချိန်ပြည့်မှ မျက်နှာသစ်ဆေးနဲ့သစ်ပြီး Toner, Moisturizer ပြန်လိမ်းပေးပါ။

ဒိန်ချဉ် (သို့) နွားနို့

ဒိန်ချဉ်သုံးမယ်ဆိုရင် မျက်နှာပေါ်မှာရှိတဲ့ တင်းတိတ်လိုမျိုး အညိုအကွက်တွေပေါ်မှာ ဒိန်ချဉ်ကိုသုတ်လိမ်းပြီး မိနစ်အနည်းငယ်ထားလိုက်ပါ။ အချိန်ပြည့်ရင်တော့ မျက်နှာသစ်ပြီး ခုနကလိုပဲ Toner, Moisturizer ပြန်လိမ်းပေးပါ။

နွားနို့သုံးမယ်ဆိုရင်တော့ နွားနို့ကို ဂွမ်းလုံးလေးနဲ့ယူပြီး မျက်နှာပေါ်မှာရှိတဲ့ တင်းတိတ်လိုမျိုး အညိုအကွက်တွေပေါ်ကို တို့တို့ပြီးလိမ်းပေးပါ။ လိမ်းပြီးရင် မိနစ်အနည်းငယ်ထားပြီး အချိန်ပြည့်မှ မျက်နှာသစ်ပါ။ ပြီးရင်တော့ ခုနကလိုပဲ Toner, Moisturizer ပြန်လိမ်းပေးပါ။

ဒီနည်းလမ်း ၂ မျိုးကိုလုပ်မယ်ဆိုရင်တော့ မနက်အိပ်ယာနိုးရင် တစ်ကြိမ်၊ ညအိပ်ယာဝင်ခါနီးရင် တစ်ကြိမ် လုပ်ပေးရပါမယ်။

ရှားစောင်းလက်ပတ်

ရှားစောင်းလက်ပတ်နဲ့တည့်တဲ့သူဆိုရင် ရှားစောင်းလက်ပတ်အပင်ကရတဲ့ အတွင်းသားဂျယ်လ်ကိုယူပြီး မျက်နှာမှာလိမ်းပေးလို့လည်းရသလို၊ အသင့်လိမ်းလို့ရတဲ့ ရှားစောင်းလက်ပတ်ခရင်မ်တွေကို လိမ်းပေးလို့လည်း ရပါတယ်။ ဒါကတော့ တည့်ရင် နေ့တိုင်းလိမ်းပေးခြင်းဖြင့် မျက်နှာပေါ်မှာရှိတဲ့ တင်းတိတ်လိုမျိုး အညိုအကွက်တွေအပြင် အမဲစက်တွေပါ တဖြေးဖြေးနဲ့ မှိန်သွားစေပါတယ်။

Source: www.brightside.me