အားလုံးပဲ မင်္ဂလာပါ။ အခုတစ်ခေါက်ပြောပြပေးချင်တဲ့ ဖက်ရှင်လေးတွေကတော့ ကိုရီးယားမင်းသမီးချော Kim Ji Won ရဲ့ ပေါ့ပေါ့ပါးပါးဖက်ရှင်လေးတွေပါ။ သူမရဲ့ဖက်ရှင်လေးတွေကိုလည်း ကြည့်ရင်း သူမအကြောင်းလေးလည်း ဆက်ဖတ်ကြည့်ရအောင်နော်။
သူမက ၁၉၉၂ ခုနှစ်၊ အောက်တိုဘာလ ၁၉ ရက်နေ့မှာ တောင်ကိုရီးယားနိုင်ငံ Geumcheon ခရိုင်မှာမွေးဖွားပါတယ်။ အရပ်အမြင့်က ငါးပေငါးပါ။ သူမမှာ အစ်မတစ်ယောက်ရှိပါတယ်။ သူမပရိသတ်တွေက သူမကို Kim Tae-hee နဲ့ တူလို့ ကင်ထယ်ဟီးအငယ်စားလေးလို့လည်း နာမည်ပြောင်ပေးထားကြပါတယ်။
သူမက ၁၉၇၀၊ ၁၉၈၀ ခုနှစ်ကသီချင်းတွေကို နားထောင်ရတာ ကြိုက်နှစ်သက်ပါတယ်။ သူမရဲ့စိတ်ကူးထဲက ချစ်သူယောကျာ်းလေးက ကိုယ်ချစ်တဲ့သူအတွက် စွန့်လွှတ်အနစ်နာခံရဲတဲ့ စိတ်ဓာတ်ရှိတဲ့သူ ဖြစ်ရပါမယ်။
သူမရရှိခဲ့တဲ့ဆုတွေကတော့ ၂၀၁၇ ခုနှစ်မှာ ထုတ်လွှင့်ပြသခဲ့တဲ့ Fight For My Way ကိုရီးယားဇာတ်လမ်းတွဲမှာ အကောင်းဆုံးမင်းသမီးဆု နဲ့ အင်တာနက်မှာ လူကြိုက်အများဆုံး အမျိုးသမီးဆု၊ အကောင်းဆုံးစုံတွဲဆု စတဲ့ဆုတွေက ရရှိခဲ့ပါတယ်။
၂၀၁၆ ခုနှစ်မှာ ထုတ်လွှင့်ပြသခဲ့တဲ့ Descendants Of The Sun ဇာတ်ကားထဲမှာ ရရှိတဲ့ဆုတွေကတော့ အကောင်းဆုံးမင်းသမီးဆု၊ အကောင်းဆုံးမျက်နှာသစ်မင်းသမီးဆု၊ အကောင်းဆုံးစုံတွဲဆု၊ အကောင်းဆုံးဇာတ်ပို့မင်းသမီးဆု နဲ့ အကောင်းဆုံး အနုပညာရှင်မင်းသမီးဆု စတဲ့ဆုအသီးသီးရရှိခဲ့ပါတယ်။
၂၀၁၃ ခုနှစ်မှာ ထုတ်လွှင့်ပြသခဲ့တဲ့ The Heirs ဇာတ်လမ်းတွဲမှာတော့ မျက်နှာသစ်စတားဆုကို ရရှိခဲ့သူလေးပဲ ဖြစ်ပါတယ်နော်…ကဲ.. အရမ်းလည်းချစ်ဖို့ကောင်းပြီး သရုပ်ဆောင်ရာမှာလည်း တော်လွန်းတဲ့ မင်းသမီးချောလေးရဲ့ ပေါ့ပါးပြီး ဖက်ရှင်ကျကျ လှပနေတဲ့ ပုံရိပ်လေးတွေကို အတူတူကြည့်ကြရအောင်နော်…
Photo Source:Pinterest
