သင်က ဆံပင်ပုံစံကို အရှည်ချတာမျိုး မဟုတ်ဘဲ ထူးထူးခြားခြားလေး စည်းထားချင်ရင်တော့ ဒီပုံစံတွေအတိုင်း ပြုလုပ်နိုင်ပါတယ်။ အောက်မှာ ဖော်ပြထားတဲ့ ဆံပင်ပုံစံတွေက ကိုးရီးယားမလေးတွေကြားမှာ ရေပန်းစားနေတဲ့ ဆံပင်စတိုင်တွေ ဖြစ်ပါတယ်။ ဒီဆံပင်စတိုင်တွေက သင့်ကို ပိုချစ်စရာကောင်းသွားစေမှာပါ။

ဆံပင် စည်းရလည်း လွယ်ကူတာမို့ သင့်အတွက် အဆင်ပြေမှာပါ။

၁။ Braided Pigtails

ဆံပင်ကို ကျစ်ဆံမြီးကျစ်ပေးရပါမယ်။ ဒါနဲ့အတူ ခေါင်းပတ်လေးပါ ပတ်ပေးရပါမယ်။ ဒီလိုဆိုရင်တော့ သင်က ပိုချစ်ဖို့ကောင်းသွားမှာ အသေအချာပါပဲ။

၂။ Space Buns

ဆံပင်ကို နှစ်ဖက် ဆံထုံး ထုံးပေးရမှာပါ။ နဂိုကျစ်ဆံမြီး ကျစ်ထားတာကို နှစ်ဖက် ဆံထုံး ထုံးနိုင်ပါတယ်။ Space Bun ကို အောက်ချထုံးပြီး ဒီအပေါ်မှာ ဦးထုပ်ဆောင်းတာ ဒါမှမဟုတ် ကလစ်တပ်တာပါ ပြုလုပ်နိုင်ပါတယ်။

၃။ ရောင်စုံကလစ်

ရောင်စုံကလစ်တွေကလည်း ကိုးရီးယားမလေးတွေ အသုံးများတဲ့ Accessories တွေ ဖြစ်ပါတယ်။

၄။ Braided Fringes

ကျစ်ဆံမြီး သေးသေးလေးတွေကလည်း သင့်ဆံပင်ရှည် အလှကို ပံ့ပိုးပေးနိုင်ပါတယ်။ Jennie ရဲ့ ဆံပင်စတိုင်ကို ကြည့်ရင် သိနိုင်ပါတယ်။

၅။ Half up clipped Bangs

ဆံပင် တစ်ဝက်စည်းပြီး ဘေးမှာ ကလစ်တပ်ပေးရပါမယ်။ ဒီလို ဆံပင် Look က ကျက်သရေရှိရှိ အဝတ်အစားမျိုး ဝတ်တဲ့အချိန် စည်းနိုင်ပါတယ်။ ဒါမှမဟုတ် မိန်းကလေးဆန်ဆန် Look ကို လိုချင်ရင်လည်း စည်းနိုင်ပါတယ်။

Photo Source: Pinterest

By MyStyle Myanmar