MyStyle Myanmar ရဲ့ စာဖတ်ချစ်ပရိတ်သတ်များအားလုံးပဲ မင်္ဂလာပါ။ အလှအပကို လူတကာမြတ်နိုးကြသလို ကိုယ့်ကိုယ်ကိုလည်း ဂရုတစိုက် ရှိကြပါတယ်။
ဒါပေမယ့်လည်း အကြောင်းအမျိုးမျိုးကြောင့် ရာသီဥတု အပူဒဏ်၊ ဖုန်၊ အညစ်အကြေးတွေက ကိုယ့်ရဲ့အလှအပကို အမျိုးမျိုး ထိခိုက်စေပါတယ်။
ဒီတစ်ခါမှာတော့ နှုတ်ခမ်းသားလေး ပန်းနုရောင်သမ်းနေဖို့ သဘာဝအတိုင်း ဘယ်လိုပြုလုပ်နိုင်မလဲ ဆိုတာကို တဆင့်မျှဝေပေးချင်ပါတယ်။
ဒီနည်းလမ်းလေးကို အိမ်မှာ မှန်မှန်လုပ်ပေးသွားမယ်ဆိုရင် နှုတ်ခမ်းနီတောင်ဆိုးစရာမလိုဘဲ သဘာဝအတိုင်း ပန်းရောင်သမ်းပြီး စိုပြေနူးအိနေစေမှာပါ။
လိုအပ်တဲ့ပစ္စည်းများ
- သကြားအညိုရောင် – လက်ဖက်ရည်ဇွန်း လေးပုံတစ်ပုံ
- ပျားရည် – လက်ဖက်ရည်ဇွန်း လေးပုံတစ်ပုံ
- အုန်းဆီ – လက်ဖက်ရည်ဇွန်း လေးပုံတစ်ပုံ
- Lip Balm
အဆင့် ၁
ဦးဆုံးအနေနဲ့ နှုတ်ခမ်းသားကို အစိုဓာတ်ရှိပြီး နူးညံ့သွားစေဖို့အတွက် Lip Balm အရင်လိမ်းပေးလိုက်ပါ။
အဆင့် ၂
ပါဝင်ပစ္စည်း သုံးမျိုးကိုပေါင်းစပ်ကာ သေသေချာချာ ရောမွှေပေးပါ။ ပြီးရင် ရလာတဲ့အနှစ်ကို နှုတ်ခမ်းသားအပေါ်မှာ ထူထူလေးလိမ်းပေးပါ။
အဆင့် ၃
မိနစ်အနည်းငယ်လောက် နှုတ်ခမ်းသားအပေါ်မှာ ထားပေးကာ အချိန်ပြည့်လျှင် ရေစိုအဝတ်နဲ့ သာသာလေးသုတ်ပေးလိုက်ပါ။ ပြောင်သွားပြီဆိုရင် နှုတ်ခမ်းသားခြောက်သွေ့မသွားရအောင် Lip Balm ကို ချက်ချင်းလိမ်းပေးလိုက်ပါ။
Credit: cosmopolitan.com
