လက်မောင်း ကျစ်လစ်နေတယ်ဆိုရင် ဘာဝတ်ဝတ်ကြည့်ကောင်းပါတယ်။ အင်္ကျီလက်ပြတ်ဝတ်တဲ့အချိန်မှာလည်း လက်မောင်းက ကြည့်ကောင်းနေမှာပါ။ သင်က လက်မောင်း အဆီတွဲကျလို့ စိတ်ညစ်နေတယ်ဆိုရင်တော့ ဒီလေ့ကျင့်ခန်းတွေကို အိမ်မှာပဲပြုလုပ်နိုင်ပါတယ်။ ဒီလေ့ကျင့်ခန်းအတွက် လိုအပ်တဲ့ပစ္စည်းတစ်မျိုးကတော့ အလေးတုံး ဒါမှမဟုတ် လေးတဲ့ပစ္စည်းတစ်ခုခုပါ။
ဒီလေ့ကျင့်ခန်းတွေက အိမ်မှာပြုလုပ်နိုင်သလို ပြုလုပ်ရလွယ်ကူတာမို့ သင့်အတွက် အဆင်ပြေမှာပါ။ လေ့ကျင့်ခန်းတွေကို ကြည့်လိုက်ရအောင်နော်-
၁။ Dolphin Push Up
Photo Source: Verywell Fit
တံတောင်နဲ့ ထောက်ပြီး ခန္ဓာကိုယ် တစ်ခုလုံးကို အားပြုထားပေးရပါမယ်။ Plank ထောက်တဲ့ပုံစံမျိုးကနေ အစပြုပြီး ခန္ဓာကိုယ်ကို အပေါ် ထောင်ပေးရပါမယ်။ ဒါကို ၁၀ ခါစာ လေးကြိမ်လုပ်ပေးရပါမယ်။
၂။ Triceps Extension
Photo Source: Verywell Fit
အလေးတုံးကို ယူပြီးနောက် လက်နှစ်ခုနဲ့ စုကိုင်ပေးရပါမယ်။ ပြီးနောက် လက်ကို နောက်ပြန်လွှဲပေးရပါမယ်။ ဒီလိုလွှဲတာကို ၁၀ ခါစာ လေးကြိမ်လုပ်ရပါမယ်။
၃။ Single Arm Triceps Extension
Photo Source: Gfycat
လက်တစ်ဘက်ကို အားပြုပြီး ခုဏက အတိုင်းပဲ နောက်ကို လက်လွှဲပေးရပါမယ်။ ဒါကို ဘယ်ညာတစ်လှည့်စီ ၁၀ ခါစာ လေးကြိမ်လုပ်ပေးရပါမယ်။
၄။ Front Raises
Photo Source: Healthline
အလေးတုံးကို လက်နှစ်ဖက်နဲ့ စုကိုင်ပြီး ရှေ့ကို လက်ဆန့်လျက် လွှဲပေးရပါမယ်။ ဒါကို ၁၀ ခါစာ လေးကြိမ်လုပ်ရပါမယ်။
၅။ Plank Back & Forth
Photo Source: www.self.com
Plank ထောက်တဲ့ ပုံစံမျိုး နေပေးရပါမယ်။ ပြီးနောက် ခြေထောက်နဲ့ လက်မောင်းကို အားပြုပြီး ခန္ဓာကိုယ်ကို ရှေ့နောက် လွှဲပေးရပါမယ်။ ၁၀ ခါစာ လေးကြိမ်လုပ်ပေးရပါမယ်။
By MyStyle Myanmar
