နဖူးမှာရှိတဲ့အရေးအကြောင်းတွေသက်သာအောင်လုပ်ပေးနိုင်မယ့်နည်းလမ်းကောင်းများ

တော်တော်များများက အရေးအကြောင်းတွေစပေါ်ပြီဆိုရင် နဖူးနဲ့ smile line တွေမှာ စပေါ်ပါတယ်။ နဖူးမှာတော့ အများဆုံးပေါ်ကြတာပေါ့။ အသက်မကြီးသေးတဲ့အချိန်၊ အသက် ၂၀ ကျော်မှာထဲက နဖူးမှာ အရေးအကြောင်းလေးတွေ ပေါ်တဲ့သူတွေလည်း ရှိပါတယ်။ ဒါကြောင့် နဖူးမှာရှိတဲ့အရေးအကြောင်းတွေ သက်သာအောင်လုပ်ပေးနိုင်မယ့် နည်းလမ်းတွေကို မျှဝေပေးလိုက်ပါတယ်။

ဆေးလိပ်သောက်တာနဲ့ အရက်သောက်တာက နဖူးအရေးအကြောင်းတွေ စောစောနဲ့မြန်မြန် ဖြစ်လွယ်ပါတယ်။

Sunscreen ပုံမှန်မလိမ်းခြင်းကလည်း အရေးအကြောင်းတွေ မြန်မြန်ဖြစ်လွယ်ပါတယ်။

ငှက်ပျောသီးနဲ့ပျားရည်ကို ရောချေပြီး Face Mask လုပ်ပေးတာက အရေးအကြောင်းတွေသက်သာပြီး အသားအရေကို နူးညံ့စေပါတယ်။ မျက်နှာတစ်ပြင်လုံးမလုပ်ချင်တဲ့သူဆိုရင် အရေးအကြောင်းဖြစ်တဲ့ နဖူးမှာပဲ လုပ်လို့လည်း ရပါတယ်။

ရှားစောင်းလက်ပတ်အပင်ကို အလယ်ကနေခွဲပြီး သူ့ရဲ့ဂျယ်လ်နဲ့ နဖူးကိုပွတ်ပေးခြင်းကလည်း နဖူးမှာရှိတဲ့ အရေးအကြောင်းတွေ သက်သာစေပါတယ်။

အသက် ၂၅ ကျော်ရင်တော့ Anti-aging treatment ယူတာမျိုး၊ Anti-aging skincare သုံးတာမျိုး လုပ်ပေးလို့ရပါတယ်။ ဒီလိုလုပ်ပေးခြင်းကလည်း အရေးအကြောင်းတွေ မြန်မြန်သက်သာစေပါတယ်။