တချို့ကျတော့ Skincare လုပ်ချင်ပေမယ့် ပိုက်ဆံအများကြီး အကုန်မခံချင်ကြပါဘူး။ ဒီလို စျေးမကြီးပဲ Budget ဖြစ်တာလေးတွေကို သုံးချင်သူများ အတွက် အဆင်ပြေစေမယ့်၊ ကောင်းတဲ့ Skincare ပစ္စည်းတွေနဲ့ ဘာတွေသုံးရမလဲဆိုတာကို ပြောပြပေးလိုက်ပါတယ်။
Makeup Remover
Makeup Remover ကို တစ်သောင်းမကျော်ပဲ စျေးသက်သာတာတွေ အများကြီးရှိပါတယ်။ Local Brand တွေထဲမှာလည်းရှိသလို၊ တခြား Brand တွေထဲမှာလည်း ၅ ထောင်ကျော်၊ ၇ ထောင်ကျော်လောက်နဲ့ ကိုယ်နဲ့အဆင်ပြေတာကို ရွေးသုံးနိုင်ပါတယ်။
မျက်နှာသစ်ဆေး
မျက်နှာသစ်ဆေးကိုလည်း စျေးကြီးတာတွေ သုံးစရာမလိုပါဘူး။ Budget ဖြစ်တာတွေထဲက ကိုယ်နဲ့အဆင်ပြေရင် တည့်ရင် သုံးပါ။ စျေးကြီးမှကောင်းတာမဟုတ်ပါဘူး။ ကိုယ်နဲ့တည့်နေရင် ကောင်းနေပါပြီ။ Budget ဖြစ်ချင်ရင်တော့ Citymart တွေမှာ အလွယ်တကူဝယ်သုံးလို့ရတဲ့ သက်သာတာတွေကို သုံးသင့်ပါတယ်။
Toner
Toner ထဲမှာလည်း ကိုယ့်အသားအရေနဲ့ ကိုက်ညီပြီး အရမ်းစျေးမကြီးတဲ့ Toner မျိုးကို ရွေးသုံးနိုင်ပါတယ်။ ဥပမာ – Simple Soothing Facial Toner, Neutrogena Alcohol-Free Toner စတဲ့ တခြား စျေးသက်သာပြီး ကိုယ်နဲ့ အဆင်ပြေတာလေးတွေ ရွေးသုံးနိုင်ပါတယ်။
Moisturizer
Moisturizer ထဲမှာလည်း စျေးသက်သာပြီး Review ကောင်းတာတွေ၊ စျေးသက်သာပေမယ့် ပေးရတဲ့စျေးနဲ့မတန်အောင် ကောင်းတဲ့ဟာတွေ အများကြီးပါ။ အဓိကကတော့ ကိုယ်နဲ့တည့်ဖို့ လိုတာပေါ့။ ဥပမာ CeraVE Daily Moisturizing Lotion, CeraVE Daily Moisturizing Cream, Neutrogena Hydro Boost Hyaluronic Acid Gel စတာတွေက စျေးသက်သာပြီး သုံးရတာအဆင်ပြေတယ်။ CeraVE ဆိုရင် အရေပြားဆရာဝန်တွေကိုယ်တိုင် ညွှန်းထားတာဖြစ်တဲ့အတွက် မတည့်တဲ့သူရှားပါတယ်။ တစ်ဘူးဆို မေ့လောက်အောင်သုံးရတာမို့ Budget ဖြစ်ပြီး အစိုဓာတ်ကောင်းကောင်းပေးနိုင်တဲ့၊ စိတ်ချရတဲ့ Moisturizer ကိုရှာနေတဲ့သူတွေအတွက် အဆင်အပြေဆုံးပါပဲ။
Sunscreen
ညပိုင်းကလွဲလို့၊ ညနေ ၅ နာရီနောက်ပိုင်းကလွဲလို့ ကျန်တဲ့အချိန်တွေမှာ Sunscreen လိမ်းဖို့က လိုကိုလိုပါတယ်။ Sunscreen တွေကတော့ တစ်သောင်းကျော်တွေဖြစ်တာများပါတယ်။ ဥပမာ – Biore Sunscreen တွေဆိုရင် တည့်တဲ့သူများသလို စျေးကလည်း တစ်သောင်းစွန်းစွန်း၊ တစ်သောင်းခွဲမကျော်တဲ့အတွက် တစ်ခါဝယ်ထားရင် ၃ လ ၄ လ လောက်သုံးရတာကြောင့် ပေးရတဲ့စျေးနဲ့ တန်ပါတယ်။
စျေးမကြီးပဲ Budget ဖြစ်တဲ့ Skincare မျိုးသုံးချင်တယ်ဆိုရင်တော့ အခုပြောပြသွားတဲ့ ၄ မျိုးကိုတော့ မဖြစ်မနေ သုံးပေးဖို့ လိုပါတယ်။
