ဘယ်လောက်ပဲ Gym ကစားနေနေ အစားအသောက်ကို စည်းစနစ်နဲ့ မစားသောက်တတ်ရင်တော့ ကိုယ်လိုချင်တဲ့ ဘော်ဒီပုံစံရလာဖို့ မလွယ်ပါဘူး။ ဒါကြောင့် Gym ကစားသူတွေဟာ အစားအသောက်ကိုလည်း သေသေချာချာ ဂရုစိုက်ပြီး စားသောက်ရပါတယ်။ အားကစားသမားတစ်ယောက်အနေနဲ့ အားကစားလုပ်ပြီးတာနဲ့ အလွယ်တကူစားသောက်နိုင်ဖို့ သူ့ရဲ့ ရေခဲသေတ္တာထဲမှာ အခုပြောမယ့် စားသောက်စရာတွေ ထည့်ထားသင့်ပါတယ်။
(၁) Cottage Cheese
Photo: Prinz Sportlich
မလိုင်ဒိန်ခဲပျော့ဟာ ကြွက်သားကြီးထွားဖို့ လိုအပ်တဲ့ အမိုင်နိုအက်ဆစ်ဓါတ် ကြွယ်ဝပြီး ကေဆိန်းပရိုတိန်း Level မြင့်မားပါတယ်။ ဒါကြောင့် Gym ကစားပြီး အလေးမတဲ့ သူတွေဟာ ကြွက်သားအားကောင်းဖို့ Cottage Cheese စားပေးသင့်ပါတယ်။
(၂) ကြက်ဥ
Photo: FBritannica
အမိုင်နိုအက်ဆစ် ကိုးမျိုးနဲ့ ပရိုတိန်း ၈ ဂရမ် ပါတဲ့ ကြက်ဥဟာ ဈေးအသက်သာဆုံး အာဟာရမြင့်အစားအစာ ဖြစ်ပါတယ်။ အဆီပြိုကွဲမှုအတွက် မရှိမဖြစ်လိုအပ်တဲ့ ဗိုက်တာမင် ဘီ ၁၂ ပမာဏမြင့်မားပြီး အလေးမနေချိန်မှာ ကြွက်သားနဲ့ ဦးနှောက်ဆက်သွယ်ချက်ကို ပိုမိုကောင်းမွန်စေပါတယ်။
(၃) ထောပတ်သီး
Photo: Real Appeal
ထောပတ်သီးတစ်ခြမ်းစားပေးခြင်းအားဖြင့် မုန့်ပဲသရေစာစားချင်စိတ်ကို ၄၀% လျှော့ချပေးနိုင်တယ်လို့ အာဟာရဂျာနယ်တစ်စောင်ရဲ့ လေ့လာမှုမှာ ဖော်ပြထားပါတယ်။ ကြွက်သားနာကျင်မှုကို လျှော့ချပေးရာမှာ အထောက်အကူဖြစ်စေတဲ့ အိုမီဂါသရီး ALA ဖက်တီးအက်ဆစ်ဓါတ်လည်း အမြောက်အများပါဝင်ပါတယ်။
(၄) နို့
Photo: Cadry’s Kitchen
နို့ဟာ အရိုးအဆစ်သန်မာပြီး ပရိုတိန်းဓါတ် မြင့်မားတဲ့ အစားအစာ ဖြစ်ပါတယ်။ အားကစားလုပ်သူတို့ ကြွက်သားကြီးထွားစေနိုင်မယ့် ကြွက်သား ပရိုတိန်းပြိုကွဲမှုကို ပိုမြင့်မားစေအောင် နွားနို့က အထောက်အကူပြုပါတယ်။
(၅) ဆယ်လ်မွန်
Photo: EMP 180
ကြွက်သားထု တက်ဖို့အတွက် မကြာမကြာ စားပေးသင့်တဲ့ အစားအစာထဲမှာ ဆယ်လ်မွန်ငါးတွေလည်း ပါဝင်ပါတယ်။ ဆယ်လ်မွန်ငါးဟာ သက်လုံနဲ့ကိုယ်တွင်းစွမ်းအားကို မြင့်တက်စေမယ့် ဗိုက်တာမင်ဒီ ၊ အိုမီဂါသရီးဖက်တီးအက်ဆစ် ၊ ပရိုတိန်း နဲ့ ဗိုက်တာမင်ဘီ အရင်းအမြစ် ကြွယ်ဝတဲ့ အစားအသောက်တစ်မျိုး ဖြစ်ပါတယ်။
ဒါတွေကတော့ အားကစားလုပ်နေတဲ့သူတစ်ယောက် ပုံမှန်စားပေးသင့်တဲ့ အစားအသောက်တွေထဲက တစ်ချို့ပဲ ဖြစ်ပါတယ်။ အားကစားလုပ်ပြီဆိုရင် ကိုယ့်ရဲ့ မီးဖိုချောင်ထဲမှာ အခုပြောခဲ့တဲ့ စားသောက်စရာတွေ ရှိထားသင့်ပါတယ်။
