အခြေအနေနဲ့ လိုက်ဖက်တဲ့ အဝတ်အစားမျိုး ရွေးချယ်ဝတ်ဆင်တတ်ခြင်းဟာ အလွန်ပဲ အရေးပါပါတယ်။ အလုပ်အင်တာဗျူးလို နေရာမျိုးမှာဆို ဝတ်စားဆင်ယင်မှုကို ပိုပြီး သတိပြုဖို့ လိုပါတယ်။ သင့်ကို အင်တာဗျူးမယ့် ပုဂ္ဂိုလ်ဟာ သင့်ကို အကဲခတ်ရာမှာ သင်ဘယ်လို ဝတ်စားလာသလဲဆိုတာ ကိုလည်း အထူးစောင့်ကြည့်နေတယ်ဆိုတာ မမေ့ပါနဲ့။ ယေဘုယျအားဖြင့် အင်တာဗျူးဖြေဖို့ သွားမယ်ဆိုရင် အဝတ်အစား သန့်သန့်ပြန့်ပြန့် ဝတ်သွားဖို့ဆိုတာ လူတိုင်း သိကြတာပါပဲ။ ဒါပေမယ့် ဘယ်လိုအဝတ်အစား ၊ ဘယ်လို ကာလာမျိုး ရွေးချယ်သွားသင့်တယ်ဆိုတာကို အခုဆောင်းပါးမှာ ဖော်ပြထားပါတယ်။
(၁) Formal ဖက်ရှင်
Photo: www.fedfinance.ca
ဘဏ်လုပ်ငန်း ၊ ဥပဒေ နဲ့ ဆေးဝါးဆိုင်ရာလိုမျိုး အလုပ်အကိုင်တွေအတွက် အင်တာဗျူး ဖြေမယ်ဆိုရင် Suit နဲ့ Formal ကျကျ ဝတ်သွားသင့်ပါတယ်။ နက်ပြာရင့်ရောင် ဒါမှမဟုတ် မီးသွေးရင့် Suit ၊ ရှပ်အဖြူကိုမှ ရိုးရှင်းတဲ့ အညိုရောင် ဒါမှမဟုတ် နက်ပြာရောင် နက်ခ်တိုင် တပ်ဆင်သွားသင့်ပါတယ်။
(၂) Semi-Formal ဖက်ရှင်
Photo: Resume-Now
အခု အင်တာဗျူးဖြေရမယ့် အလုပ်ဟာ အရောင်းနဲ့ ဈေးကွက်မြှင့်တင်ရေး ဒါမှမဟုတ် ရုံးလုပ်ငန်းတစ်ခုခု ဖြစ်မယ်ဆိုရင် Semi-Formal လို့ခေါ်တဲ့ Formal မကျ Casual မက ဝတ်စုံမျိုး ရွေးဝတ်သွားသင့်ပါတယ်။ Suit တော့ ဝတ်ရမှာ ဖြစ်ပေမယ့် နည်းနည်း ပေါ့ပေါ့ပါးပါး ရှိတာမျိုး ရွေးဝတ်ပါတယ်။ ကျန်တာကတော့ ရှပ်နဲ့ Pattern tie လေး တပ်သွားရုံပါပဲ။
(၃) Casual ဖက်ရှင်
Photo: The Balance Careers
Casual အဝတ်အစားနဲ့ အင်တာဗျူးဖြေလို့ ရပါတယ်။ ဘယ်လိုအလုပ်အကိုင်မျိုးလဲ ဆိုရင်တော့ ဖန်တီးမှုရှိပြီး Startup လုပ်ငန်းလိုမျိုးပုံစံတွေမှာ သွားမယ်ဆိုရင် ပေါ့ပါးလွတ်လပ်တဲ့ အိုင်ဒီယာနဲ့ လုပ်ငန်းခွင်မျိုးနဲ့ လိုက်ဖက်အောင် Casual စတိုင် ဝတ်သွားပါ။ ရှပ်အင်္ကျီ ၊ Bomber ဒါမှမဟုတ် ဘလေဇာသားကုတ်အပါးနဲ့ Chino Pants ဝတ်သင့်ပါတယ်။ နက်ခ်တိုင် မလိုပါဘူး။ Sneaker စီးပြီး ပေါ့ပေါ့ပါးပါး အင်တာဗျူး သွားဖြေလို့ ရပါတယ်။
