အစားအသောက်စားရာမှာ သူ့အချိန်နဲ့သူ ဇယားဆွဲပြီး အစားအသောက်စားပေးတာကို Intermittent Fasting လို့ ခေါ်ပါတယ်။ Intermittent Fasting လုပ်တဲ့ နည်းအမျိုးမျိုး စနစ်အမျိုးမျိုး ရှိပါတယ်။ နေ့တိုင်း အစားရှောင်တာ ၊ အပတ်စဉ် ၊ အလှည့်ကျနဲ့ တစ်ညလုံး အစားရှောင်တာ စသည်ဖြင့် အစုံ ရှိပါတယ်။ အချိန်ခြားပြီး အစားရှောင်တဲ့ အကျိုးကျေးဇူးတွေထဲမှာ လူသိအများဆုံးက ဝိတ်ကျတာပဲ ဖြစ်ပါတယ်။ ဒီအပြင် တစ်ခြားအကျိုးကျေးဇူး တွေလည်း ပေးနိုင်ပါတယ်။
(၁) ကျန်းမာရေးအတွက် ကောင်းတယ်
Photo : PhotoDune
Intermittent Fasting အစားအသောက်ပုံစံမျိုးဟာ အင်ဆူလင်ထိန်းချုပ်နိုင်ပြီး ကိုယ်အလေးချိန်လည်း ကျန်းမာရေးနဲ့အညီ ဖြစ်အောင် ထိန်းထားပေးနိုင်ပါတယ်။ ကျန်းမာရေးအကျိုးကျေးဇူးအနေနဲ့ အဝလွန်ခြင်း ၊ ဆီးချိုသွေးချို ၊ နှလုံးလိုမျိုး ရောဂါတွေ အဖြစ်နည်းစေပါတယ်။ သွေးတိုးထိန်းပေးနိုင်ပြီး ကိုလက်စထရော Levels ပိုကောင်းစေနိုင်ပါတယ်။
(၂) အလုပ်ရှုပ်လည်း သက်သာတယ်
Photo : Daily Mail
Diet နဲ့ မတူတာက Intermittent Fasting က ဘယ်အစားအသောက်ကို ဘယ်လောက်ပဲ စားရမယ်တို့ ဘယ်အစားအစာကို ကြိုဝယ်ထားရမယ်တို့ လုပ်စရာမလိုလို့ အလုပ်ရှုပ်လည်း သက်သာပါတယ်။ ဝေယျာဝစ္စနည်းလို့ လူတိုင်း အလွယ်တကူ လိုက်နာဖို့ အဆင်ပြေပါတယ်။
(၃) အသက်ပိုရှည်စေတယ်
Photo : Medium
အစားကို ရှောင်တဲ့ အလေ့အကျင့်ဟာ အရွယ်ကြီးရင့်မှုကို နှေးကွေးစေသလို လူ့သက်တမ်းကိုလည်း ပိုရှည်စေနိုင်တယ်လို့ တိရစ္ဆာန်တွေမှာ လေ့လာမှုက ဖော်ပြထားပါတယ်။ ကိုယ်အလေးချိန်လည်း ထိန်းပေးနိုင်လို့ သွားလာလှုပ်ရှားရတာ ပေါ့ပါးသွက်လက်လာပါတယ်။ ကျန်းမာရေးနေ့ ညီညွတ်တဲ့ အစားရှောင်နည်းဖြစ်စေဖို့ ကိုယ့်ရဲ့ ဆရာဝန်နဲ့ တိုင်ပင်ဆွေးနွေးပြီးမှ Intermittent Fasting လုပ်သင့်ပါတယ်။
