အလုပ်အသစ်တစ်ခုစလုပ်တော့မယ်ဆိုရင် သူများအလုပ်ဝင်လုပ်ရင်ပဲဖြစ်ဖြစ်၊ ကိုယ်ပိုင်အလုပ် လုပ်တော့မယ်ဆိုရင်ပဲဖြစ်ဖြစ် အဆင်ပြေပြီး ဖြစ်မြောက်စေဖို့ သိထားရမယ့် အချက်တွေရှိပါတယ်။
မသိတာကိုမေးရမှာမရှက်ပါနဲ့
သူများအလုပ်ဝင်ရင်ပဲဖြစ်ဖြစ်၊ ကိုယ်ပိုင်အလုပ် လုပ်ရင်ပဲဖြစ်ဖြစ် ကိုယ်မသိတာကို သိတဲ့သူတွေကို မေးရမှာ မရှက်ပါနဲ့။ မေးမှ စူးစမ်းလေ့လာမှ တတ်သွားမှာပါ။ ပေါင်းသင်းဆက်ဆံရေးကလည်း ကောင်းဖို့လိုပါသေးတယ်။
သေချာလေ့လာပါ
ကိုယ်လုပ်ရမယ့်အလုပ်နဲ့ပတ်သတ်ပြီး အကုန်လုံးသိအောင် အသေးစိတ် သေချာလေ့လာပါ။ သေချာမလေ့လာပဲလုပ်ရင် အမှားများပြီး ကိုယ်ပိုင်လုပ်ငန်းဆိုလည်း အရှုံးရှိလာပါလိမ့်မယ်။
တစ်စိုက်မတ်မတ်လုပ်ပါ
အလုပ်တစ်ခုလုပ်တော့မယ်ဆိုရင် သေချာဖြစ်မြောက်အောင် တစ်စိုက်မတ်မတ်လုပ်ပါ။ စစချင်းမှာ တက်ကြွနေပြီး နောက်မှ လျှော်သွားတာမျိုး မဖြစ်ပါစေနဲ့။ မပျင်းမရိပဲလုပ်မှ တိုးတက်ပါလိမ့်မယ်။
စိတ်ဓာတ်မကျပါနဲ့
သူများအလုပ်စဝင်တာဆိုလည်း စစချင်းမှာ အဆင်မပြေတာတွေ ရှိမှာပဲ။ စိတ်ဓာတ်ကျပြီး စိတ်ညစ်နေရင် ကိုယ်ပဲပင်ပန်းပါတယ်။ ကိုယ်ပိုင်အလုပ်လုပ်တာဆိုလည်း စစချင်းမှာ ဘယ်သူမှ အဆင်မပြေပါဘူး။ စိတ်ရှည်ရမယ်၊ ဖြစ်အောင်လုပ်မယ်ဆိုတဲ့စိတ် ထည့်ထားရပါမယ်။
photo source: www.freepik.com