ရည်းစားထားတာက ပျော်ဖို့ကောင်းပါတယ်။ တစ်ခါတလေ ရန်ဖြစ်ရသလို တစ်ခါတလေလည်း ချစ်ကြည်နူးရတာ၊ သူနဲ့ စကားပြောရတာက ပျော်စရာကောင်းပါတယ်။ သင်က မိန်းကလေးတစ်ယောက်ဆိုရင်တော့ သင်အခုတွဲနေတဲ့ကောင်လေးကို တစ်သက်လုံး လက်တွဲသွားဖို့ ရည်ရွယ်ထားသူလား။

ယောကျာ်းလေးတွေမှာတောင် တချို့က ရည်းစားတစ်ယောက်ထားချင်တယ်ဆိုတဲ့ စိတ်နဲ့ သင့်ကို တွဲတာဖြစ်နိုင်ပါတယ်။ တချို့ကျတော့လည်း သင့်ကို အတည်ရည်ရွယ်ပြီး တွဲတာပါ။ ဘယ်မိန်းကလေးကမှတော့ ကိုယ့်ကို အပျော်တွဲတာမျိုး အဖြစ်မခံနိုင်ပါဘူး။ လက်ရှိတွဲနေတဲ့ ကောင်လေးက သင့်ကို အတည်လား၊ အပျော်လား သိချင်ရင်တော့ဒီမေးခွန်းတွေ မေးထားသင့်ပါတယ်။

၁။ နင်ငါနဲ့ ရေရှည်တွဲသွားဖို့ ရည်ရွယ်ထားလား

ဒီလိုမေးလိုက်လို့ သူက “အင်း” လို့ ချက်ချင်းဖြေရင် အခြေအနေကောင်းပါတယ်။ ဒါပေမဲ့ တွန့်ဆုတ်နေရင်တော့သင်ပြန်စဉ်းစားသင့်ပါပြီ။

၂။ အိမ်ထောင်ပြုလက်ထပ်တာကို နင်ဘယ်လိုထင်လဲ


သူက လက်ထပ်တာတွေ၊ အိမ်ထောင်ပြုတာတွေကို အပိုအလုပ်အနေနဲ့ တွေးနေသူဆိုရင်တော့သင် သတိထားသင့်ပါတယ်။

၃။ နင်ဘယ်အသက်အရွယ်မှာ အိမ်ထောင်ပြုချင်လဲ


သူသာ လက်ထပ်ဖို့ စိတ်ကူးရှိရင် ဘယ်အရွယ်မှာ လက်ထပ်မလဲ ပြောပါလိမ့်မယ်။ တကယ်လို့ သင့်ကို ဘာလို့ ဒီလိုမေးခွန်းတွေမေးနေလဲ ပြန်မေးရင်တော့ သိပ်အဆင်မပြေသေးပါဘူး။

၄။ ငါ့ကို နင့်ဇနီးတစ်ယောက်အနေနဲ့ ရည်ရွယ်ထားလား


သူက မသိသေးဘူးလို့ ပြောရင်တော့ ချက်ချင်း လမ်းခွဲသင့်ပါတယ်။ ကိုယ့်ကို အတည်မရည်ရွယ်သူနဲ့ တွဲတာက သင့်အချိန်ဖြုန်းရာရောက်ပါတယ်။

၅။ ငါနဲ့အသက်ကြီးတဲ့အထိ အေးအတူပူအမျှ နေသွားချင်လား


သူက သင့်မေးခွန်းကို အတွေးများစွာနဲ့ စိတ်ကူးယဉ်ပြီး လက်ခံရင်တော့ အခြေအနေကောင်းပါတယ။ သင်နဲ့ ရေရှည်တွဲဖို့ စိတ်ကူးမရှိသူဆိုရင်တော့ ဒါတွေကို ဆွေးနွေးနေမှာမဟုတ်ပါဘူး။

Photo Source: Pinterest

By MyStyle Myanmar