ကော့စင်းပြီး ရှည်လျားတဲ့ မျက်တောင်တစ်စုံကို ပို်င်ဆိုင်လာစေမယ့် အစားအသောက် (၇) မျိုး

မျက်တောင်ရှည်လာစေမယ့် နည်းလမ်းအများအပြားရှိပါတယ်။ Essential Oil ကိုအသုံးပြုပြီး မျက်ခွံကို နှိပ်နယ်ပေးလို့ရပါတယ်။ မျက်တောင်ရှည်ဖို့ အလွယ်ဆုံးနဲ့ အမြန်ဆုံး နည်းလမ်းကတော့ အစားအသောက်ပါ။ သင်လုပ်ရမှာက ကျန်းမာရေးနဲ့ ညီညွတ်ပြီး သင့်မျက်တောင်ရှည်လာစေမယ့် အစားအသောက်တွေကို စားရုံပါပဲ။ ဒါကြောင့် မျက်တောင်ရှည်စေမယ့် ဗီတာမင်ကြွယ်ဝတဲ့ အစားအသောက်တွေက ဘာတွေလဲ ကြည့်လိုက်ရအောင်နော်-

၁။ ဥအမျိုးမျိုး

ကြက်ဥ၊ ဘဲဥတွေက ပရိုတင်းဓာတ်ကြွယ်ဝပါတယ်။ ဆံပင်နဲ့ မျက်တောင်ကို Keratin နဲ့ ဖွဲ့စည်းထားတာပါ။ ပရိုတင်းကြွယ်ဝတဲ့အစားအသောက်တွေက Keratin ထုတ်လုပ်ဖို့ လိုအပ်တဲ့ Amino Acid ကို ပေးစွမ်းနိုင်ပါတယ်။

၂။ ဆယ်လ်မွန်ငါး

ဆယ်လ်မွန်ငါးမှာ Omega-3 fatty acids, vitamin D နဲ့ B vitamins တွေပါဝင်ပါတယ်။ Omega-3 fatty acids ကမျက်တောင်ကြိုးတာနဲ့ ကျွတ်တာကို ကာကွယ်ပေးပါတယ်။ Vitamin D နဲ့ B Vitamin က မျက်တောင်ရှည်စေပါတယ်။

၃။ အစေ့အဆံ

အစေ့အဆံတွေက ခန္ဓာကိုယ်အတွက်လိုအပ်တဲ့ Omega-3 acids နဲ့ vitamin E ကို ပေးစွမ်းနိုင်ပါတယ်။ ဗီတာမင်အီးနဲ့ Fatty Acid ကအမွှေးအမျှင် Follicle အတွက် လိုအပ်တဲ့ သွေးနဲ့ အောက်ဆီဂျင်ကို ထုတ်ပေးပါတယ်။ ဒါက သွေးစီးဆင်းမှုကို ကောင်းမွန်စေပြီး Follicles ကို သန်မာစေပါတယ်။ မျက်တောင်အရှည်ပိုမြန်စေပါတယ်။

၄။ အသီးအရွက်များ

အသီးအရွက်တွေမှာ Vitamin A နဲ့ C ပါဝင်ပါတယ်။ ဒီဗီတာမင်တွေက မျက်တောင်ရှည်စေပြီး Collagen ထုတ်လုပ်ပေးပါတယ်။ အသီးအရွက်အခွံတွေမှာ Silica ပါဝင်ပါတယ်။ Silica ဆိုတာက မျက်တောင်ရှည်ပြီး ကျန်းမာလာဖို့ လိုအပ်တဲ့ သတ္တုဓာတ်တစ်မျိုးဖြစ်ပါတယ်။

၅။ မှို

မှိုတွေမှာ Vitamin B3 ပါဝင်ပါတယ်။ Vitamin B3 က သွေးလည်ပတ်မှုကို ကောင်းမွန်စေပြီး Keratin ထုတ်လုပ်မှုကိုကူညီပေးပါတယ်။ ဆဲလ်ပြန်လည်ထုတ်လုပ်မှုနဲ့ မျက်တောင်ကျွတ်တာကို ကာကွယ်ပေးပါတယ်။ မျက်တောင်ပိုရှည်စေပါတယ်။

၆။ ပဲအမျိုးမျိုး

ပဲမှာ Vitamin H နဲ့ Folic Acid ပါဝင်ပါတယ်။ Vitamin H က Hair Follicle ဆီကို သွားလာတဲ့ သွေးစီးဆင်းမှုကို ကောင်းမွန်စေပါတယ်။ မျက်တောင်ကို ထူထဲစေပြီး ကျွတ်တာ သက်သာစေပါတယ်။ ကျန်းမာတဲ့မျက်တောင်အတွက် လိုအပ်တဲ့ Amino Acid နဲ့ အဆီတွေကို စုပ်ယူပေးပါတယ်။

၇။ Whole Grains

Whole grains မှာ Vitamin B6 နဲ့ သံဓာတ်ပါဝင်ပါတယ်။ Vitamin B6 က မယ်လနင်ထုတ်လုပ်မှုကို လှုံ့ဆော်ပေးပါတယ်။ ဒီ မယ်လနင်ဓာတ်က မျက်တောင်အရောင်ကို ပေးတဲ့ ဓာတ်ပါ။ Hair Follicle မှာ သိုလှောင်ထားတဲ့ သံဓာတ်က မျက်တောင်ကို သန်မာစေပါတယ်။

Source: Brightside.me

By MyStyle Myanmar