အောင်မြင်တဲ့ အနုပညာရှင်အများစုက အောင်မြင်မလာခင် အကြိမ်ကြိမ်ကျရှုံးခဲ့ကြဖူးပါတယ်။ လူအများစုက အောင်မြင်တဲ့သူတွေကို ကြည့်တဲ့အချိန် အောင်မြင်တာကိုပဲ မြင်ကြပါတယ်။ ဒီနောက်ကွယ်မှာ ဘယ်လောက်ထိ ကျရှုံးခဲ့ရလဲ မမြင်တတ်ကြပါဘူး။ လူတိုင်းမှာ အမှားကိုယ်စီရှိကြသလို အမြဲတမ်းလည်း အောင်မြင်နေကြတာမဟုတ်ပါဘူး။ ဒီအနုပညာရှင် (၁၀) ဦးကတော့ ကျရှုံးမှုတွေနဲ့ နဖူးတွေ့ ဒူးတွေ့ ခဏခဏ ရင်ဆိုင်ခဲ့ရတာကြောင့် အနုပညာလောက ကနေတောင် စွန့်ခွာမယ်လို့ ဆုံးဖြတ်ခဲ့ဖူးသူတွေဖြစ်ပါတယ်။ အခုချိန်မှာတော့ သူတို့က အောင်မြင်နေပါပြီ။
၁။ Henry Cavill
SuperMan နဲ့ The Witcher မတိုင်ခင် Henry Cavill ဟာ သရုပ်ဆောင်လောက ကနေ အနားယူတော့မယ်လို့ ဆုံးဖြတ်ပြီးနေပြီဖြစ်ပါတယ်။ စစ်တပ်ထဲဝင်ဖို့တောင် ပြင်ဆင်နေပြီဖြစ်ပါတယ်။ ဒီအနုပညာလောကက သူ့အတွက် မဟုတ်ဘူးလို့တောင် စဉ်းစားခဲ့သူဖြစ်ပါတယ်။ Role တော်တော်များများမှာ ခဏခဏ ပယ်ချခံခဲ့ရပါတယ်။
၂။ Gal Gadot
Gal Gadot က Wonder Woman မတိုင်ခင်မှာ ခဏခဏ ပယ်ချခံခဲ့ရပါတယ်။ ကင်မရာရှေ့စမ်းသပ်မှုတွေ လုပ်တိုင်း အမြဲ ငြင်းခံခဲ့ရပါတယ်။ အမျိုးသားဖြစ်သူကိုလည်း ဒီအလုပ်ကို သည်းမခံနိုင်တော့ဘူးလို့ ပြောခဲ့သူဖြစ်ပါတယ်။ Wonder Woman မှာ အဓိက သရုပ်ဆောင်အဖြစ် သရုပ်ဆောင်ဖို့ ကမ်းလှမ်းခံရတဲ့အချိန် ရှော့ရခဲ့တယ်လို့လည်း Gal Gadot က ပြောပြခဲ့ပါတယ်။
၃။ Bradley Cooper
Bradley Cooper က မအောင်မြင်ခင် ဇာတ်ပို့အနေနဲ့ အခန်းအနည်းငယ်မှာ ပါဝင်သရုပ်ဆောင်ခဲ့ပါတယ်။ Alias ဆိုတဲ့ဇာတ်လမ်းမှာ အဓိက နေရာက ပါဝင်ခဲ့ရပေမယ့် သူ့အခန်းတွေက မပါသလောက် နည်းပါးတဲ့အထိ ဖြတ်ချခံခဲ့ရပါတယ်။ စိတ်ဓာတ်ကျခြင်းနဲ့ တိုက်ခိုက်နေရတဲ့အချိန် ဘတ်စကတ်ဘောဆော့ရင်း ခြေသလုံးကြွက်သားပေါက်ပြဲခဲ့ပါတယ်။ ဒီဒဏ်ရာကြောင့် တစ်နှစ်နီးပါး နားခဲ့ရပါသေးတယ်။ ဒီအချိန်မှာ သရုပ်ဆောင်အလုပ်ကို စွန့်လွှတ်ချင်ခဲ့ကြောင်း Bradley Cooper က ဝန်ခံခဲ့ပါတယ်။
၄။ Kristen Stewart
Twilight ဇာတ်လမ်းမှာ Bella Swan အနေနဲ့ အောင်မြင်မလာခင် Kristen က အနုပညာအလုပ်ကို အရှုံးပေးလုနီးပါးပါပဲ။ သူမဟာ LA မှာ မိခင်ဖြစ်သူနဲ့ အတူ သရုပ်ဆောင်ရွေးပွဲ Audition တစ်ခုပြီးတစ်ခု လှည့်ပတ်ဖြေဆိုခဲ့ပါတယ်။ Audition ဖြေတိုင်းလည်း ခဏခဏ ပယ်ချခံခဲ့ရပါတယ်။ နောက်ဆုံးတစ်ခေါက်မှာတော့ Bella role မှာ ရွေးချယ်ခံခဲ့ရပါတယ်။
၅။ Emma Watson
Emma က အသက် ကိုးနှစ်ကတည်းက Harry Potter နဲ့အောင်မြင်ခဲ့သူပါ။ သူမက အာရုံစိုက်ခံရတာနဲ့ မိတ်ကပ်ခဏခဏ လိမ်းရတာကို နှစ်သက်သူမဟုတ်ပါဘူး။ ဒီအလုပ်က သူမနဲ့ အဆင်မပြေလောက်ဘူးလို့ ထင်မှတ်ထားခဲ့သူဖြစ်ပါတယ်။ Harry Potter ဇာတ်လမ်းပြီးတာနဲ့ ဒီနယ်ပယ်ကနေ အပြီးအပိုင်နှုတ်ထွက်မယ်လို့ ဆုံးဖြတ်ခဲ့သူဖြစ်ပါတယ်။ ဒါပေမဲ့ နောက်ပိုင်းမှာတော့ Emma က သူမရဲ့ အောင်မြင်မှုကို အသုံးချပြီး အမျိုးသမီးတွေ အခွင့်အရေးရဖို့ အမျိုးသမီးတွေဘက်က ရပ်တည်ပေးခဲ့ပါတယ်။
၆။ Mark Ruffalo
Mark Ruffalo က သရုပ်ဆောင် Role ပေါင်း ၆၀၀ အတွက် အရွေးခံခဲ့ပါတယ်။ ဒါပေမဲ့ ဒီ အရွေးခံမှုတိုင်းမှာ ပယ်ချခံခဲ့ရပါတယ်။ ဒါကြောင့် Mark Ruffalo ဟာ သူရဲ့အိပ်မက်ကို စွန့်လွတ်ဖို့ စိတ်ကူးခဲ့ပါတယ်။ မိခင်ဖြစ်သူရဲ့ တွန်းအားပေးမှုကြောင့်သာ အနုပညာအလုပ်ကို ဆက်လုပ်ပြီး အောင်မြင်ခဲ့သူဖြစ်ပါတယ်။
၇။ Robert Pattinson
Robert Pattinson ဟာ Twilight ဇာတ်လမ်းမှာ သရုပ်ဆောင်ဖို့ အရွေးခံတဲ့အချိန် အဆင်မပြေဖြစ်ခဲ့ပါတယ်။ ဒါကြောင့် Robert ဟာ မိသားစုထံဖုန်းဆက်ခဲ့ပြီး “ကျွန်တော် တော့ တော်ပြီ..ဒီထက်ပိုပြီး ကိုယ့်ကိုကိုယ် မနှိပ်စက်ချင်တော့ဘူး” ဆိုပြီး ပြောခဲ့ပါတယ်။ အံ့သြစရာကောင်းတာက အဆင်မပြေဖြစ်ခဲ့တဲ့ Twilight Audition ကနေ ရွေးချယ်ခြင်းခံခဲ့ရပါတယ်။
၈။ Brie Larson
Brie Larson က သရုပ်ဆောင်အလုပ်ကို အသက် ၉ နှစ်တည်းက စတင်ခဲ့တာပါ။ ဒါပေမဲ့ သူမဟာ စလုပ်ကတည်းက သရုပ်ဆောင်ခန်းသေးသေးလေးတွေမှာပဲ ပါဝင်ခွင့်ရခဲ့ပါတယ်။ Pop အခွေထုတ်တော့လည်း အနည်းငယ်ပဲ ရောင်းရခဲ့ပါတယ်။ ဒါကြောင့် Hollywood က သူမအတွက် မဟုတ်ဘူးလို့ ထင်မှတ်ခဲ့သူပါ။ Brie Larson ဟာ ကောလိပ်အမျိုးမျိုးမှာ ဝင်လျှောက်ခဲ့ပါတယ်။ ဒီအချိန်မှာပဲ သူမကို အောင်မြင်မှုတွေ ပို်င်ဆိုင်လာစေမယ့် United States of Tara ဇာတ်လမ်းကနေ ကမ်းလှမ်းလာခဲ့ပါတယ်။
၉။ Scarlett Johansson
Scarlett Johansson ကတော့ အနုပညာလောကဟာ သူမအတွက် အဆင်မပြေလောက်ဘူး။ အလုပ်အသစ်ရှာမယ်လို့ စဉ်းစားခဲ့သူပါ။ ဒီအချိန်မှာတော့ Scarlett က အောင်မြင်နေပါပြီ။
၁၀။ Chris Hemsworth
Chris Hemsworth ဟာ အလုပ်ရနိုင်ဖို့ ရုန်းကန်ခဲ့ရသူဖြစ်ပါတယ်။ အနုပညာအလုပ်တွေက Chris အတွက် အဆင်မပြေတာကြောင့် Australia ကို ပြန်ဖို့ စဉ်းစားခဲ့ဖူးသူဖြစ်ပါတယ်။
ဘယ်သူမှ အချိန်ပြည့် အဆင်ပြေတယ်ဆိုတာ မရှိပါဘူး။ ဒါကြောင့် သင့်အနေနဲ့လည်း ဒီအနုပညာရှင်တွေကို နမူနာယူပြီး အားတင်းနိုင်ဖို့ မျှော်လင့်မိပါတယ်။
Source: Brightside.me
By MyStyle Myanmar
