ချစ်သူရွေးချယ်တဲ့အခါမှာ ပျော်ရွှင်ချင်တယ်ဆိုရင်တော့ သေချာစဉ်းစားပြီးမှ ရွေးချယ်သင့်ပါတယ်။ ကိုယ့်အပေါ်ကောင်းပြနေတာလေးမြင်ရုံနဲ့ ချစ်မိသွားပြီး အဖြေပေးလိုက်လို့ မဖြစ်ပါဘူး။ ပျိုမေတို့အချစ်ရေးမှာ အပြည့်အဝပျော်ရွှင်ရအောင် ရည်းစားစကားလာပြောရင် အဖြေပြန်မပေးသင့်တဲ့သူမျိုးတွေလည်း ရှိပါတယ်။

အမြဲလိမ်ညာတတ်တဲ့သူ

ကိုယ့်ကိုလိမ်ရင် ဘယ်သူ့မှမကြိုက်ပါဘူး။ အရမ်းစိတ်ဆိုးကြပါတယ်။ သင်ကိုယ်တိုင်လည်း လိမ်တာညာတာကို အရမ်းမုန်းတယ်ဆိုရင်တော့ အမြဲလိမ်ညာတတ်တဲ့သူကို အဖြေပြန်မပေးသင့်ပါဘူး။

ရည်းစားဟောင်းကိုမမေ့နိုင်သေးတဲ့သူ

ရည်းစားဟောင်းကို မမေ့နိုင်သေးတာသိသိရက်နဲ့ ကိုယ့်အပေါ်ကောင်းနေတာပဲ၊ သူငါ့ကို သဘောကျနေတာပဲ၊ ငါလည်း သူ့ကိုချစ်နေတာပဲ၊ သူ့ရည်းစားဟောင်းကို အချိန်တန်ရင် မေ့သွားမှာပါလို့တွေးပြီး အဖြေမပေးလိုက်ပါနဲ့။ ကိုယ်ပဲစိတ်ဆင်းရဲရပါလိမ့်မယ်။

တစ်ကိုယ်ကောင်းဆန်လွန်းတဲ့သူ

တစ်ကိုယ်ကောင်းဆန်လွန်းတဲ့သူက သင်ဘာဖြစ်ဖြစ်ဂရုမစိုက်ပါဘူး။ သူ့အတွက်ပဲသူကြည့်တာပါ။ ဒီလိုလူမျိုးမှန်းသိရက်နဲ့ အဖြေပြန်ပေးလိုက်ရင် အချစ်ရေးမှာ အထစ်အငေါ့တွေ ဖြစ်လာနိုင်ပါတယ်။

အမြဲလက်ပါတတ်တဲ့သူ

တစ်ခုခုဆို အမြဲရန်ဖြစ်၊ ရန်ဖြစ်တိုင်းလည်း ဒေါသအရမ်းကြီးပြီး လက်ပါတတ်တဲသူ၊ ကိုယ်ထိလက်ရောက်လုပ်တတ်တဲ့သူကို အဖြေပြန်ပေးပြီး တွဲလိုက်ရင် သင့်ပဲထိခိုက်နာကျင်ရပါလိမ့်မယ်။