အလုပ်တွေများလွန်းလို့ Gym မသွားနိုင်၊ အိမ်မှာလည်း မလုပ်ဖြစ်ဘူးလား ပျိုမေတို့ရေ။ ဒီလိုဆိုရင်တော့ ဝိတ်တက်လာမှာပါပဲ။ ကိုယ်စားတဲ့ ပမာဏအလိုက် လေ့ကျင့်ခန်းလုပ်ပြီး အဆီတွေကို ပြန်ဖျော်ပေးရပါတယ်။ မဟုတ်ရင်တော့ ဝိတ်တက်လာမှာပါ။ ဒီတစ်ခေါက်မှာတော့ ၁၀ မိနစ်အချိန်ပေးပြီး ခန္ဓာကိုယ်တစ်ခုလုံးက အဆီတွေကို ဖယ်ရှားလိုက်ရအောင်နော်။ လေ့ကျင့်ခန်းက ရလာတဲ့ အချိန်လေးမှာ ပုံစံမှန်မှန်နဲ့ ထိထိရောက်ရောက် လုပ်နိုင်ဖို့ လိုပါတယ်။ အောက်မှာဖော်ပြထားတဲ့ လေ့ကျင့်ခန်းတွေကတော့ အိမ်မှာပဲလုပ်နိုင်တဲ့ ကိရိယာလွတ်လေ့ကျင့်ခန်းတွေဖြစ်ပါတယ်။
၁။ REVERSE LUNGES (တစ်ဘက်ကို ခြောက်ကြိမ်)
REVERSE LUNGES လေ့ကျင့်ခန်းက သင့်ပေါင်နဲ့ တင်သားကို အာရုံစိုက်ရတဲ့လေ့ကျင့်ခန်းပါ။ ပြုလုပ်ပုံကတော့ ခြေထောက်နှစ်ဘက်ကို တင်ပါးအကျယ်နဲ့ညီတဲ့ အကွာအဝေးချဲထားရပါမယ်။ ပြီးတာနဲ့ နောက်ကို ခြေတစ်လှမ်းဆုတ်ပေးရပါမယ်။ နောက်ကို ဆုတ်တဲ့ ခြေထောက်ရော ရှေ့က ခြေထောက်ပါ 90 Degree ဖြစ်နေရပါမယ််။ ပြီးတာနဲ့ နဂိုပုံစံ ပြန်သွားပေးပါ။ ဘယ်ညာ ခြောက်ကြိမ်ပြုလုပ်ပေးရပါမယ်။
၂။ LATERAL SPLIT SQUATS (တစ်ဘက်ကို ခြောက်ကြိမ်)
ဒီလေ့ကျင့်ခန်းက ခြေထောက်ကြွက်သားတွေကို သန်မာစေပါတယ်။ ခြေထောက်ကို ပုံထဲကအတိုင်း ချဲထားပေးပါ။ တစ်ဘက်ကို ထိုင်ချတဲ့ပုံစံမျိုးနဲ့ ဒူးကို ရှေ့ကွေးပေးပါ။ အလေးတုံးမရှိရင် ခါးထောက်ပြီး လုပ်လို့ရပါတယ်။ တစ်ဘက်ဆီကို ခြောက်ကြိမ်ပြုလုပ်ပေးရပါမယ်။
၃။ Push-Ups (၁၀ ကြိမ်)
ဒိုက်ထိုးတဲ့ေ့လ့ကျင့်ခန်းက ရင်ဘတ်၊ ပခုံး၊ လက်မောင်းနဲ့ ဗိုက်ကြွက်သားတွေကို သန်မာစေတဲ့ လေ့ကျင့်ခန်းပါ။ ၁၀ ခါ ဒိုက်ထိုးပေးရပါမယ်။ တကယ်လို့ ဒိုက်ထိုးတာမရရင် ဒူးထောက်ပြီး ဒိုက်ထိုးတဲ့ပုံစံမျိုးလည်းရပါတယ်။
၄။ HIP BRIDGES (၁၀ ကြိမ်)
ဒီလေ့ကျင့်ခန်းက ခါးကြောတွေကို လျှော့ပေးပြီး တင်သားတင်းရင်းစေပါတယ်။ ဒူးကွေးလျက် အိပ်ပေးပါ။ ပြီးနောက် တင်ပါးကို အာရုံစိုက်ပြီး ခန္ဓာကိုယ်ကို အပေါ်မပေးပါ။ ခါးကို အားပြုပြီး အပေါ်ပင့်တင်တာမျိုးမလုပ်ပါနဲ့။ တင်ပါးကို ကျုံ့ပြီး မပေးပါ။
၅။ MOUNTAIN CLIMBERS (စက္ကန့် ၃၀)
Photo Source: Pinterest
ဒီလေ့ကျင့်ခန်းက Cardio လေ့ကျင့်ခန်းပါ။ ဒိုက်ထိုးတဲ့ပုံစံမျိုး ခန္ဓာကိုယ်ကို ထားပေးပါ။ ပြီးနောက် ကိုယ့်ဒူးကို ရင်ဘတ်နဲ့ နီးတဲ့အထိ တစ်ဘက်ဆီကို တောင်တက်သလို ပုံစံ လုပ်ပေးပါ။ တင်ပါးက အပေါ်ထောင်နေတာမျိုးမဖြစ်အောင် သတိထားပေးပါ။ ဒါကို စက္ကန့် ၃၀ ပြုလုပ်ရပါမယ်။
Source: fitnessity.health.blog
By MyStyle Myanmar
