မနက်အိပ်ယာနိုးတာနဲ့ စိတ်ကြည်လင်ပြီး လန်းဆန်းနေမှ တစ်နေ့တာလုံးနေလို့ကောင်းမှာပါ။ မနက်နိုးထဲက ထိုင်းမှိုင်းနေရင် ကိုယ်ရောစိတ်ပါ နေရတာ အဆင်မပြေဖြစ်နေတတ်ပါတယ်။
မနက်အိပ်ယာထချိန်အရမ်းနောက်မကျပါနဲ့
မနက်အိပ်ယာထအရမ်းနောက်ကျတာမျိုးဆိုရင် လုံးဝခေါင်းမကြည်ပါဘူး။ နေရတာလည်း လန်းဆန်းမှုမရှိပဲ နုံးပြီး ကိုယ်လက်မအီမသာဖြစ်တတ်ပါတယ်။ ဒါကြောင့် တစ်နေကုန်စိတ်ကြည်လင်လန်းဆန်းချင်ရင် မနက်အိပ်ယာထချိန် အရမ်းနောက်မကျပါနဲ့။
အိပ်ယာနိုးတာနဲ့ရေချိုးပါ
အိပ်ယာထတာနဲ့ မျက်နှာသစ်၊ သွားတိုက်တာအပြင် ရေပါတန်းချိုးလိုက်ပါ။ အိပ်ယာနိုးတာနဲ့ ရေတန်းချိုးတာက ပိုပြီးလန်းဆန်းသွားစေပါတယ်။
မနက်စာကိုသေချာစားပါ
မနက်စာမစားပဲမနေပါနဲ့။ လူတစ်ယောက်ရဲ့တစ်နေ့တာမှာ မနက်စာကို အာဟာရပြည့်ဝအောင်စားဖို့က အရေးကြီးပါတယ်။ မနက်စာကိုသေချာစားမှ တစ်နေကုန်လုံးအတွက် အင်အားပြည့်ပြီး လန်းဆန်းနေစေမယ်။
သီချင်းနားထောင်ပါ
ကိုယ်လုပ်စရာရှိတဲ့ အိမ်အလုပ်တွေလုပ်တဲ့အခါမှာပဲဖြစ်ဖြစ်၊ တစ်ခုခုလုပ်တဲ့အခါမှာပဲဖြစ်ဖြစ် သီချင်းနားထောင်ရင်းလုပ်တာမျိုးက စိတ်ကြည်လင်ပြီး လန်းဆန်းတက်ကြွမှု ပိုဖြစ်စေပါတယ်။
စိတ်ကိုကြည်လင်အောင်နေပါ
တစ်နေ့တာလုံး လန်းဆန်းတက်ကြွပြီး စိတ်ကြည်နေချင်တယ်ဆိုရင် ကိုယ်တိုင်ကိုက အိပ်ယာထတာနဲ့ စိတ်ကြည်ကြည်ထားပါ။ စိတ်ညစ်စရာတွေ စပြီးမတွေးပါနဲ့။ အကောင်းတွေပဲတွေးပါ။
photo source: www.freepik.com
