နွေရာသီဆိုရင် ရာသီဥတုပူတော့ ချွေးပိုထွက်ပါတယ်။ ဒါကြောင့် ချိုင်းချွေးထွက်တဲ့သူတွေဆိုရင် ချွေးနံပိုပြင်းလာစေပါတယ်။ ဒီလို နွေရာသီမှာ ချိုင်းချွေးနံ့နံတာကို သက်သာစေမယ့်နည်းလမ်းကတော့ မဖြစ်မနေသိထားဖို့လိုပါတယ်နော်။
သံပယိုရည်နဲ့ Baking Soda ကို နည်းနည်းစီရောပြီး ချိုင်းမှာလိမ်းပေးပါ။ ၁၅ မိနစ်လောက်ထားပြီး ရေဆေးချလိုက်ပါ။ ဒီနည်းလမ်းကတော့ ချိုင်းချွေးနံ့နံတာကို သက်သာစေပါတယ်။ တစ်ပတ် တစ်ခါလောက်ပဲ လုပ်ပေးပါ။
ရှားစောင်းလက်ပတ်ဂျယ်လ်ကိုလည်း ဂျိုင်းမှာသုတ်လိမ်းထားလို့ရပါတယ်။ ရှားစောင်းလက်ပတ်ကလည်း ဂျိုင်းချွေးနံ့နံတာကို သက်သာစေပါတယ်။
နောက်ထပ်လုပ်ရမှာတွေကတော့ အင်္ကျီကို တစ်ရက်ထက်ပိုမဝတ်ပါနဲ့။ ရေကို တစ်နေ့ ၂ ခါလောက်ချိုးပါ။ တစ်ကိုယ်ရည်သန့်ရှင်းမှုကို ဂရုစိုက်ပါ။ ဒါမှ ချိုင်းချွေးနံ့နံတာက ပိုဆိုးမလာမှာပါ။
