ပျိုမေတို့အတွက် ချစ်စရာကောင်းပြီး လှပတဲ့ ဆံပင်တစ်ဝက်စည်းနည်းလေးတွေကို ပုံတွေနဲ့ အဆင့်ဆင့် မျှဝေပေးလိုက်ပါတယ်။
ပထမတစ်နည်းမှာတော့ ဆံပင်ကို ပုံမှန်အတိုင်း တစ်ဝက်စည်းပြီး အထဲကိုလိပ်သွင်းလိုက်ပါ။
ဘေးဘက်ကဆံပင်စလေးနည်းနည်းကိုယူပြီး ကျစ်ဆံမြီးကျစ်ပေးပါ။ ၂ ဖက်လုံးကို ကျစ်ရမှာပါ။
ကျစ်ပြီးရင် နှစ်ဖက်ကို စချည်လိုက်ပါ။ ပြီးတာနဲ့ အလှကလစ်လေးတွေ တပ်ပေးလိုက်ပါ။ ဒါဆိုရင်တော့ ချစ်စရာကောင်းတဲ့ ဆံပင်တစ်ဝက်စည်းနည်းတစ်မျိုးတော့ ပြီးသွားပါပြီ။
ဒုတိယတစ်နည်းမှာတော့ ဆံပင်ကို ထိပ်ဘေးဘက်ကနေ နည်းနည်းယူပြီး ကျစ်ဆံမြီးကျစ်ပါမယ်။ တစ်ဝက်လောက်ပဲကျစ်ပြီးရင် အပေါ်ကို ခဏလှန်တင်ထားလိုက်ပါ။
အောက်ကကျန်တဲ့ဆံပင်တွေကို တစ်ဝက်ယူစည်းပေးပါ။ ကျစ်ဆံမြီးကျစ်ထားတဲ့ ဆံပင်နှစ်ဖက်ကို ပြန်ချပြီး ပုံမှာပြထားတဲ့အတိုင်း ယှက်ပြီး တစ်ဝက်စည်းထားတဲ့ ဆံပင်အနောက်ကို ယူစည်းလိုက်ပါ။
ဒါဆိုရင်တော့ ရိုးရိုးရှင်းရှင်းလေးနဲ့ ချစ်စရာကောင်းတဲ့ ဆံပင်တစ်ဝက်စည်းနည်းလေး ပြီးသွားပါပြီ။
တတိယတစ်နည်းမှာလည်း ဆံပင်ကို ထိပ်ကနေ တစ်ဝက်စည်းသလိုလေး စည်းထားလိုက်ပါ။
ဘေးဘက်ကနေ လည်း တစ်ဝက်စည်းသလိုလည်း ထပ်ယူစည်းပေးပါ။ ပြီးတာနဲ့ ပထမစည်းထားတဲ့ထဲကို လိပ်ပြီးထည့်ပေးပါ။
ပြီးရင်တော့ အလှကလစ်လေး တပ်လိုက်ရုံပါပဲ။ ဒါဆိုရင်တော့ ချစ်စရာကောင်းပြီး ရိုးရိုးလေးနဲ့ ဆန်းသစ်တဲ့ ဆံပင်တစ်ဝက်စည်းနည်းလေး ပြီးသွားပါပြီ။
