ပျိုမေတို့ရဲ့မျက်နှာပေါ်မှာ ဝက်ခြံတွေကြောင့် အလှပျက်လို့ စိတ်ညစ်နေပါသလား။ ထိုဝက်ခြံများကို သက်သာပျောက်ကင်းသွားစေမယ့် သဘာဝဆေးစွမ်းကောင်းတစ်လက်ကတော့ ရှားစောင်းလက်ပတ်ပဲဖြစ်ပါတယ်။
ရှားစောင်းလက်ပတ်က အသားအရေ ရောင်ရမ်းပျက်စီးခြင်းမှ ကာကွယ်ပေးပြီး ဝက်ခြံနဲ့အမဲစက်များကို ပျောက်ကင်းစေနိုင်ရုံသာမက အသားအရေကို တင်းရင်းစိုပြေလှပစေပါတယ်။
မျက်နှာပေါ်က ဝက်ခြံတွေကို ရှားစောင်းလက်ပတ်နဲ့ ဘယ်လိုတိုက်ထုတ်မလဲဆိုရင်…
နည်းလမ်း (၁)
ရှားစောင်းလက်ပတ်ဂျယ်လ် စားပွဲတင်ဇွန်း ၂ ဇွန်းကို ပျားရည် စားပွဲတင်ဇွန်း ၄ ဇွန်း၊ သစ်ကြမ်းပိုးခေါက်အမှုန့် လက်ဖက်ရည်ဇွန်း တစ်ဇွန်းတို့ဖြင့် သမအောင် ရောမွှေပေးလိုက်ပါ။ ရရှိလာတဲ့အနှစ်ကို ဝက်ခြံပေါက်တဲ့နေရာမှာ လိမ်းကျံပေးထားလိုက်ပါ။ ၁၀ မိနစ်ကြာမှ ရေဖြင့် ဆေးကြောပေးလိုက်ပါ။
ဒီနည်းလမ်းကို တစ်ရက်ခြားတစ်ခါ ပုံမှန်ပြုလုပ်ပေးပါက ဝက်ခြံတွေ သိသိသာသာပျောက်ကင်းသွားပါလိမ့်မယ်။
နည်းလမ်း (၂)
သံပုယိုရည် လက်ဖက်ရည်ဇွန်း ၄ ပုံ ၁ ပုံကို ရှားစောင်းလက်ပတ်ဂျယ်လ် စားပွဲတင်ဇွန်း ၂ ဇွန်းဖြင့် သမအောင် ရောမွှေပေးလိုက်ပါ။ ရရှိလာတဲ့အနှစ်ကို ဝက်ခြံပေါက်တဲ့နေရာမှာ လိမ်းကျံပေးလိုက်ပါ။ ခြောက်သွားတဲ့အခါမှာတော့ ရေဆေးချပေးလိုက်လို့ရပါပြီ။
ဒီနည်းလမ်းမှာက သံပုယိုရည် ပါဝင်တဲ့အတွက်ကြောင့် တကယ်လို့သင့်အသားအရေက နုနယ်တဲ့အသားအရေ၊ Sensitive ဖြစ်တဲ့အသားအရေဆိုရင်တော့ ဒီနည်းလမ်းကို အသုံးမပြုပါနဲ့။
နည်းလမ်း (၃)
ရှားစောင်းလက်ပတ်ဂျယ်လ်၊ သခွားသီးအရည်နှင့် နှင်းဆီရေ လက်ဖက်ရည်ဇွန်း တစ်ဇွန်းစီခန့်ကို သမအောင် ရောမွှေပေးလိုက်ပါ။ ထို့နောက် ဝါဂွမ်းစလေး အသုံးပြုကာ ထိုအရည်ထဲတွင် ဝါဂွမ်းကို နှစ်လိုက်ပြီး ဝက်ခြံပေါက်တဲ့နေရာမှာ လိမ်းကျံပေးလိုက်ပါ။ ခြောက်သွားပြီဆိုရင်တော့ ရေဆေးချလိုက်လို့ရပါပြီ။
ဒီနည်းလမ်းကို မှန်မှန်ပြုလုပ်ပေးမယ်ဆိုရင်တော့ သင့်ရဲ့ဝက်ခြံတွေက ပြားချပ်သွားပြီး မျက်နှာလေးက နူးညံ့ချောမွတ်နေပါလိမ့်မယ်။
Source: Stylecraze.com
By MyStyle Myanmar
