Gym ကစားပေးခြင်းက ယောင်္ကျားလေး၊ မိန်းကလေး အားလုံးအတွက် အလှအပရေးရာအနေနဲ့ရော၊ ကျန်းမာရေးအနေနဲ့ရော အရမ်းကောင်းပါတယ်။ ဒီတစ်ခါမှာတော့ လှချင်တဲ့မိန်းကလေးတွေအနေနဲ့ Gym ဘာလို့ကစားသင့်လဲဆိုတာကို ပြောပြပေးချင်ပါတယ်။
အဆီပိုတွေလျော့ကျလာမယ်
Source: www.youtube.com
ဝတဲ့သူတွေ Gym ဆော့ရင် ခန္ဓာကိုယ်မှာရှိနေတဲ့ အဆီပိုတွေလျော့ကျပြီး ဝိတ်ကျလာမယ်။ သေချာကြိုးစားအားထုတ်ပြီး ဇွဲရှိရှိနဲ့ဆော့ပေးရင် ကိုယ်လိုချင်တဲ့ ခန္ဓာကိုယ်အချိုးအစားကို ရလာမယ်။ အစာမစားပဲဝိတ်လျော့တာထက် Gym ဆော့ပြီး ဝိတ်လျော့တာက ပိုပြီးအန္တရာယ်ကင်းပါတယ်။
ခန္ဓာကိုယ်ကျစ်လစ်လှပလာမယ်
Source: www.tipsbyfitness.com
ခန္ဓာကိုယ်အချိုးအစားမလှတဲ့သူတွေဆိုလည်း Gym ဆော့ရင် ခန္ဓာကိုယ်ကျစ်လစ်လှပလာမယ်။ အရင်ထက်ပိုလှလာတော့ ကိုယ့်ကိုယ်ကိုလည်း ယုံကြည်မှုပိုရှိလာပါလိမ့်မယ်။
ကိတ်လာမယ်
Source: www.freepik.com
ကိတ်ချင်တဲ့သူတွေဆိုလည်း ကိတ်အောင် Gym သေချာဆော့ပေးရင် ကိတ်လာပါလိမ့်မယ်။ ကိုယ်လိုချင်တဲ့ပုံစံအတိုင်းဖြစ်လာဖို့ ဆေးသောက်တာတွေ၊ အစားလျော့တာတွေမလုပ်ပဲ Gym ပဲဆော့ပါ။ ဘေးဥပါဒ်မရှိပဲ လှပလာပါလိမ့်မယ်။
ခန္ဓာကိုယ်ဖွံ့ဖြိုးလာမယ်
Source: www.freepik.com
တအားပိန်လွန်းတဲ့သူတွေ၊ ခန္ဓာကိုယ်သေးလွန်းတဲ့သူတွေဆိုလည်း ဝဆေးသောက်တာမျိုးတွေမလုပ်ပါနဲ့။ Gym ပဲဆော့ပါ။ Gym Trainer နဲ့ သေချာတိုင်ပင်ပြီး ဆော့ပါ။ ဇွဲရှိရှိနဲ့ အချိန်ယူဆော့ရင် Trainer စကားနားထောင်ရင် ခန္ဓာကိုယ်ဖွံ့ဖြိုးလာမှာပါ။
အသားအရေလှပလာမယ်
Source: www.tipsbyfitness.com
ဘာကြောင့်အသားအရေလှလာမလဲဆိုတော့ ချွေးထွက်လို့ပါ။ Gym ဆော့ရင် ချွေးထွက်တဲ့အတွက် အပူအပုပ်ကင်းပြီး အသားအရေကြည်လာပါတယ်။ ချွေးထွက်လွန်တာမျိုးမဖြစ်အောင် ရေတော့ ခဏခဏသောက်ပေးပါ။ ဒီတော့ ချွေးလည်းထွက်၊ ရေများများသောက်တော့ အသားအရေကြည်ပြီး လှလာတာပေါ့။
စိတ်ဖိစီးမှုတွေလျော့ကျလာမယ်
Source: www.building-muscle101.com
Gym ဆော့ပေးခြင်းက စိတ်ဖိစီးမှုတွေကို လျော့ကျစေပါတယ်။ သက်လုံကောင်းပြီး အမောလည်း ခံနိုင်လာပါတယ်။ အရိုးရောဂါနဲ့ပတ်သတ်တာတွေ မဖြစ်အောင်လည်း ကြိုတင်ကာကွယ်ပေးနိုင်ပါတယ်။ ဒီတော့ Gym ပုံမှန်ကစားပေးရင် စိတ်ကျန်းမာကိုယ်ကျန်းမာနဲ့ လှပလာစေတာပေါ့။
