မျက်နှာက ချွေးပေါက်အရမ်းကျယ်ပြီး အဆီပြန်နေရင် ချွေးပေါက်ကျဉ်းစေမယ့် Skincare တွေအများကြီးရှိလို့ ဝယ်သုံးချင်သုံးလို့ရပါတယ်။ ဒါပေမယ့် ငွေကုန်မခံချင်ဘူးဆိုရင်တော့ အိမ်တွင်းဖြစ် သဘာဝနည်းလမ်းတွေကို သုံးပါ။ ငွေကုန်သက်သာပြီး ချွေးပေါက်တွေပြန်ကျဉ်းသွားစေမယ့် သဘာဝ နည်းလမ်းတွေ အများကြီးထဲကမှ အားလုံး အလွယ်တကူလိုက်လုပ်လို့ အဆင်ပြေစေမယ့် နည်းလမ်းတွေကို ရွေးပြီးမျှဝေပေးလိုက်ပါတယ်။ ကိုယ်နဲ့အဆင်ပြေတဲ့နည်းလမ်းတစ်မျိုးကို ရွေးပြီးလုပ်လို့ရတာပေါ့။
သခွားသီး
Source: www.medicalnewstoday.com
ပန်းကန်တစ်လုံးထဲကို သံပရိုရည် – စားပွဲတင်ဇွန်း ၂ ဇွန်းထည့်ပါ။ သခွားသီးကို အဝိုင်းချပ်လေးတွေ ၄ ချပ် (သို့) ၅ ချပ်လောက်လှီးပြီး သံပရိုရည်ထည့်ထားတဲ့ ပန်းကန်ထဲ ထည့်စိမ်ပါ။ ပြီးရင်တော့ သံပရိုရည်စိမ်ထားတဲ့ သခွားသီးအချပ်လေးတွေကို ချွေးပေါက်ကျယ်တဲ့ မျက်နှာပေါ်ကနေရာမှာ ကပ်ထားပါ။ ၁၅ မိနစ်ကြာအောင်ထားပြီးရင်တော့ ရေအေးနဲ့ မျက်နှာသစ်လိုက်ပါ။
ငှက်ပျောသီးအခွံ
Source: www.homehacks.co
ငှက်ပျောသီးအခွံရဲ့အတွင်းသားနဲ့ မျက်နှာပေါ်က ချွေးပေါက်ကျယ်တဲ့နေရာကို ဖြေးဖြေးချင်းစီ ပွတ်ပေးပါ။ ၁၅ မိနစ်လောက်ထားပြီးရင်တော့ မျက်နှာသစ်လိုက်လို့ရပါပြီ။
သံပရိုသီး
Source: www.steamcommunity.com
သံပရိုရည် – စားပွဲတင်ဇွန်း ၁ ဇွန်းနဲ့ ရေ – စားပွဲတင်ဇွန်း ၁ ဇွန်းစာတို့ကို ခွက်တစ်ခုထဲထည့်မွှေပါ။ ပြီးရင်တော့ ဂွမ်းဖတ်လေးနဲ့မွှေထားတာကိုယူပြီး ချွေးပေါက်ကျယ်တဲ့နေရာတွေမှာ တို့တို့ပြီး လိမ်းပေးပါ။ ၁၀ မိနစ်လောက်ထားပြီးရင်တော့ မျက်နှာသစ်လိုက်လို့ရပါပြီ။
သင်္ဘောသီး
Source: www.medicalnewstoday.com
သင်္ဘောသီးအသားကို ကျေညှက်သွားအောင်ချေပြီး မျက်နှာပေါ်မှာ ပေါင်းတင်သလိုမျိုး လိမ်းထားလိုက်ပါ။ မိနစ် ၂၀ ထားပြီးရင်တော့ မျက်နှာသစ်လိုက်ပါ။
ရှားစောင်းလက်ပတ်ဂျယ်လ်
Source: www.singaporesoap.com
လတ်ဆတ်တဲ့ ရှားစောင်လက်ပတ်ဂျယ်လ်ကိုယူပြီး မျက်နှာပေါ်မှာသုတ်လိမ်းပေးပါ။ ၁၀ မိနစ်ထားပြီးရင် မျက်နှာသစ်လို့ရပါပြီ။ တစ်ချို့က ရှားစောင်းလတ်ပက်နဲ့မတည့်တာမျိုးရှိပါတယ်။ မတည့်ရင် အပေါ်က နည်းလမ်းထဲက တစ်မျိုးကိုလုပ်ပါ။
