မိန်းကလေးတွေအတွက် ဘယ်သွားသွား အမြဲသယ်သွားလို့ရမယ့် မိတ်ကပ်အိတ်လေးထဲမှာ လိုအပ်တာလေးတွေကို စုပြီးထည့်ထားသင့်ပါတယ်။ ကိုယ့်ထည့်မယ့်ပစ္စည်းတွေက အစုံမထည့်ပဲ လိုတာတွေကိုပဲ ထည့်ပေးပါ။ ဒါကြောင့် မိတ်ကပ်အိတ်လေးထဲမှာ အမြဲထည့်ထားသင့်တဲ့ သင့်အတွက်လည်း အမှန်တကယ်လိုအပ်မယ့် ပစ္စည်း ၉ မျိုးကို ပြောပြပေးလိုက်ပါတယ်။
Compact mirror
ဘယ်နေရာရောက်ရောက် မှန်ထုတ်ကြည့်ဖို့၊ ကိုယ့်မျက်နှာလေး ဘာဖြစ်နေလဲကြည့်ဖို့၊ နှုတ်ခမ်းနီထုတ်ဆိုးဖို့ Compact mirror လေးကို မဖြစ်မနေထည့်ဆောင်ထားပါ။
Makeup puff/mini sponge
တစ်နေရာရာသွားလို့ foundation ပြန်လိမ်းရတဲ့အခါ၊ concealer ဖုံးရတဲ့အခါတွေမှာ လက်နဲ့မလိမ်းပါနဲ့။ Makeup puff/mini sponge လေးတွေနဲ့လိမ်းပါ။ ဒါကြောင့် မိတ်ကပ်အိတ်ထဲ အမြဲထည့်ထားသင့်ပါတယ်။
Mini concealer
Mini concealer လေးတွေက ဘယ်နေရာမဆို အသုံးဝင်တာကြောင့် ထည့်ဆောင်ထားသင့်ပါတယ်။ သွားလာနေရင်း ပင်ပန်းလာလို့ မိတ်ကပ်ကျသွားတဲ့အခါ၊ မျက်ကွင်းညိုလာတဲ့အခါ concealer သုံးလိုက်ရင် မျက်နှာလေးပြန်လန်းသွားစေပါတယ်။
Lip balm
နှုတ်ခမ်းခြောက်တတ်တဲ့သူတွေဆိုရင် အိတ်ထဲမှာ lip balm ပါဆောင်ထားသင့်ပါတယ်။ နှုတ်ခမ်းနီဆိုးမယ်ဆိုရင်လည်း lip balm ခံပြီးမှဆိုးပါ။
Lipstick
ကိုယ်အမြဲဆိုးမယ့် lipstick ကို မိတ်ကပ်အိတ်လေးထဲ အမြဲထည့်ထားပြီး သွားလေရာသယ်သွားပါ။
Makeup wipes
Mascara တွေ၊ eyeliner တွေ ပြန့်လာတဲ့အခါ၊ မိတ်ကပ်တွေကွက်လာတဲ့အခါမှာ makeup wipse လေးနဲ့သုတ်ပေးပြီး ပြန်ပြင်လို့ရပါတယ်။
Oil blotting sheets
အဆီပြန်လာရင်သုံးဖို့အတွက် Oil blotting sheets လေးတွေကိုလည်း မိတ်ကပ်အိတ်ထဲ ထည့်ထားသင့်ပါတယ်။ အဆီပြန်လာရင် မိတ်ကပ်တွေကွက်ပြီး ပျက်စေတဲ့အတွက် ဒါလေးက အသုံးဝင်မှာပါ။
Bobby pins
Bobby pins လေးတွေကလည်း ဆံပင်အတွက် အသုံးဝင်စေတာကြောင့် မိန်းကလေးတိုင်း ဆောင်ထားသင့်ပါတယ်။
Facial mist
မိတ်ကပ်တွေ cakey မဖြစ်အောင်၊ မျက်နှာအသားအရေ ခြောက်မသွားအောင် facial mist လေးလည်း ထုတ်ဖြန်းပေးလို့ရပါတယ်။ ဒါကြောင့် မိတ်ကပ်အိတ်ထဲမှာ facial mist ထည့်ထားပြီး သွားလေရာသယ်သွားပါ။
