လက်ရှိ ကမ္ဘာတစ်ဝှမ်းမှာ ရေပန်းစားပြီး လူကြိုက်များ ကျော်ကြားနေတဲ့ ကေပေါ့အိုင်ဒေါလ်အားလုံးဟာဆိုရင် ကိုယ်စီ ထူးခြားတဲ့ အလှတွေကို ပိုင်ဆိုင်ထားကြပါတယ်။ ဒါပေမယ့်လည်း ဒီလိုမျိုး အချောတွေကြားမှာမှ ပိုပြီးထင်းထွက်နေတဲ့ Visual တို့ကြောင့် ပရိသတ်တွေကြားမှာ နာမည်ပြောင်လှလှလေးတွေတောင် ပိုင်ဆိုင်ထားကြတဲ့ ကေပေါ့အိုင်ဒေါလ်တွေလည်း ရှိနေပါတယ်။
ဘယ်သူတွေဖြစ်မလဲဆိုတာ အခုပဲ ဆက်ကြည့်လိုက်ကြမယ်နော်။
aespa အဖွဲ့ဝင် Karina
Karina ဟာ aespa အဖွဲ့ရဲ့ ခေါင်းဆောင်ဖြစ်ပြီးတော့ အဖွဲ့ debut မလုပ်ခင်ကတည်းက သူမရဲ့ လှပမှုကြောင့် ချက်ချင်းလူသိများခဲ့သူတစ်ဦး ဖြစ်ပါတယ်။ “CG Visual” လို့ နာမည်တင်စားခေါ်ဝေါ်ခံရလောက်တဲ့အထိကို သူမရဲ့ အလှအပက တော်တော်လေးကို ထူးခြားပေါ်လွင်နေပါတယ်။
ASTRO အဖွဲ့ဝင် Cha Eun Woo
သရုပ်ဆောင်တစ်ဦးမဖြစ်လာခင် ASTRO အဖွဲ့နဲ့ အရင်ပရိသတ်တွေ သိခဲ့ကြတဲ့ Cha Eun Woo ကို အခုချိန်မှာ မေးကြည့်လိုက်ရင် အမျိုးသား အမျိုးသမီးမရွေး မသိတဲ့လူ တော်တော်ရှားပါလိမ့်မယ်နော်။ သူ့ရဲ့ ချောမောမှုကြောင့် တောင်ကိုရီးယား ကေပေါ့အိုင်ဒေါလ်တွေထဲမှာ Legend စာရင်းဝင်တဲ့အထိဖြစ်ပြီး “Face Genius” လို့ ခေါ်ကြပါတယ်။
ITZY အဖွဲ့ဝင် Yuna
ITZY အဖွဲ့ရဲ့ အငယ်ဆုံးအဖွဲ့ဝင်ဖြစ်တဲ့ Yuna ကတော့ သူမရဲ့ လှပမှုသာမက ပြီးပြည့်စုံတဲ့ ခန္ဓာကိုယ်အချိုးအစားကြောင့်လည်း လူသိများပါတယ်။ တောင်ကိုရီးယားမှာ “Queen Card” ကို အတိုကောက်ဖြစ်တဲ့ “Queenka” ဆိုတဲ့ နာမည်ပြောင်ပိုင်ရှင်ဖြစ်ပါတယ်။
TXT အဖွဲ့ဝင် Yeonjun
TXT အဖွဲ့ရဲ့ အကြီးဆုံးအဖွဲ့ဝင် Yeonjun ကတော့ Debut ချိန်ကတည်းကစပြီး “4th Gen It Boy” ဆိုပြီး ပရိသတ်တွေကြား ကျော်ကြားခဲ့သူတစ်ယောက်ပါ။ တခြားကေပေါ့အိုင်ဒေါလ်တွေနဲ့ မတူတဲ့ ချောမောတဲ့ရုပ်ရည်ကို ပိုင်ဆိုင်ထားသလို ဖက်ရှင်ပိုင်းမှာလည်း ထူးခြားအောင် ဝတ်ဆင်တတ်သူတစ်ယောက်ပါ။
IVE အဖွဲ့ဝင် Jang Won Young
လက်ရှိမှာတော့ အလှဆုံးမျက်နှာပိုင်ရှင် ကေပေါ့အိုင်ဒေါလ်တွေထဲက တစ်ဦးအဖြစ် တောင်ကိုရီးယားတစ်ခွင် ရေပန်းစားကျော်ကြားနေတဲ့ Jang Won Young ဟာ IZ*ONE အဖွဲ့နဲ့ debut လုပ်ခဲ့ချိန်ကတည်းက လူကြိုက်များခဲ့ပါတယ်။ လက်ရှိမှာ IVE အဖွဲ့နဲ့ နောက်ထပ် debut လုပ်ခဲ့ချိန်မှာတော့ ပိုပြီးတော့တောင် လှပလာတာကြောင့် “Princess Visual” လို့တောင် တင်စားခေါ်ဝေါ်ကြပါတယ်။
Stray Kids အဖွဲ့ဝင် Hyunjin
Stray Kids အဖွဲ့မှာ ရက်ပ်နဲ့ အကပိုင်းကို တာဝန်ယူထားတဲ့ Hyunjin ကလည်း debut မတိုင်ခင်ကတည်းက သူ့ရဲ့ရုပ်ရည်ကြောင့် လူကြိုက်များနေသူပါ။ သူ့ရဲ့ classic ဆန်ဆန် ချောမောမှုကြောင့် ပရိသတ်တွေက “Prince” ဆိုပြီး နာမည်ပေးထားကြပါတယ်။
NMIXX အဖွဲ့ဝင် Sullyoon
သူမရဲ့ သေးသွယ်ပြီးလှပတဲ့ မျက်နှာလေးကြောင့် အင်မတန်လူသိများလာခဲ့တဲ့ NMIXX အဖွဲ့ဝင် Sullyoon ကိုတော့ ပရိသတ်တွေက “fairy” လို့ နာမည်တင်စားခေါ်ဝေါ်ကြပါတယ်။ ကဗျာစာပေတွေမှာ တင်စားကြသလိုမျိုး ဒဏ္ဍာရီဆန်တဲ့ အလှမျိုးလေးဖြစ်တာမို့ နာမည်နဲ့လိုက်တယ်လို့တောင် ပြောလို့ရတယ်နော်။
BTS အဖွဲ့ဝင် Jin
ကေပေါ့လောကမှာ visual အကြောင်းပြောမယ်ဆိုရင် “Worldwide Handsome” ကြီး BTS အဖွဲ့ဝင် Jin ကို ချန်ထားခဲ့လို့ မရပါဘူးနော်။ သူ့ရဲ့ကျယ်ဝန်းတဲ့ ပုခုံးရယ်၊ ချောမောတဲ့ရုပ်ရည်တို့ကြောင့် BTS အဖွဲ့မှာဆို အသက်အကြီးဆုံးလို့တောင် ထင်ရက်စရာမရှိပါဘူး။
Red Velvet အဖွဲ့ဝင် Irene
Red Velvet အဖွဲ့မှာ အသက်အကြီးဆုံးနဲ့ ခေါင်းဆောင်ဖြစ်တဲ့ Irene ကတော့ သူမရဲ့ classic ဆန်တဲ့ ရုပ်ရည်ကြောင့် “The Original Visual” လို့ တင်စားခေါ်ဝေါ်ခံရသူပါ။ မျက်နှာတစ်ခုလုံး အပြစ်ပြောစရာမရှိအောင် ပြီးပြည့်စုံတဲ့ အလှအပကို ပိုင်ဆိုင်ထားလို့ ကေပေါ့လောကတစ်လျှောက် အလှဆုံးတွေထဲက တစ်ဦးဖြစ်တာကတော့ မထူးတော့ပါဘူးနော်။
