ရင်ထိုးတွေကို စတိုင်လ်ကျကျထိုးလို့ရမယ့်နည်းလမ်း ၈ မျိုး

ရင်ထိုးဆိုရင် တော်တော်များများက အင်္ကျီရင်ဘတ်နား၊ ကြယ်သီးနားမှာပဲ ထိုးတတ်ကြပါတယ်။ ဒါကြောင့် ဖက်ရှင်ကျကျဝတ်ဆင်ရတာကိုကြိုက်တဲ့ မိန်းကလေးတွေအတွက် ရင်ထိုးတွေကို စတိုင်လ်ကျကျထိုးလို့ရမယ့် နည်းလမ်း ၈ မျိုးကို မျှဝေပေးလိုက်ပါတယ်။

ကော်လံ

ကိုယ်ကြိုက်နှစ်သက်ရာရင်ထိုးတွေကို အင်္ကျီကော်လံမှာ ထိုးလို့ရပါတယ်။ ကော်လံနဲ့အင်္ကၤျီတွေဝတ်ရင် ဖက်ရှင်တစ်မျိုးပြောင်းပြီး ဝတ်ချင်တဲ့အခါ ရင်ထိုးလေးထိုးလိုက်ရုံပါပဲ။

လက်ခေါက်တင်တဲ့နေရာ

အင်္ကျီလက်ရှည်တွေ၊ ရှပ်အင်္ကျီလက်ရှည်တွေဝတ်တဲ့အခါမှာ လက်ကိုခေါက်တင်ပြီး ခေါက်ထားတဲ့နေရာမှာ ရင်ထိုးကြီးတာလေး ထိုးလိုက်ပါ။ ဖက်ရှင်တစ်မျိုးဆန်းပြီး စတိုင်လ်ကျစေပါတယ်။

Jacket

ကိုယ်ဝတ်မယ့် jacket မှာလည်း ရင်ထိုးတွေထိုးပြီး ဝတ်လို့ရပါတယ်။ စတိုင်လ်တစ်မျိုးပြောင်းပြီး သူများထက်ထူးတဲ့ဖက်ရှင်လေးနဲ့ မိုက်နေမှာပါ။

စကပ်

ကိုယ်ဝတ်မယ့် စကပ်လေးတွေမှာလည်း ရင်ထိုးထိုးပြီး ဝတ်လို့ရပါတယ်။ Classic ဆန်ပြီး ဖက်ရှင်ကျကျနဲ့ လှနေမှာပါ။ သူများနဲ့မတူအောင်ဝတ်စားချင်ရင် ဒီလိုဖက်ရှင်အိုင်ဒီယာလေးတွေက အရမ်းအသုံးဝင်ပါတယ်။

ဦးထုပ်

ဦးထုပ်မှာ ရင်ထိုးလေးတွေထိုးလိုက်ရင် အရမ်းလှပါတယ်။ ရင်ထိုးဆိုရင် အင်္ကျီအဝတ်အစားမှာပဲ ထိုးပြီး အလှဆင်လို့ရတာမဟုတ်ပါဘူး။ ဦးထုပ်မှာလည်းထိုးပြီး အလှဆင်လို့ရပါတယ်။

ဆွယ်တာ

ဆွယ်တာဗြောင်လေးတွေမှာ ရင်ထိုးလှလှလေးတွေထိုးပြီးဝတ်ရင် အရမ်းလှပါတယ်။ ဖက်ရှင်စတိုင်လ်လေးလည်း တစ်မျိုးဆန်းပြီး ပိုလှသွားစေပါတယ်။

အင်္ကျီလည်ပင်းပတ်ပတ်လည်

ရင်ထိုးကြီးတာတွေကို အင်္ကျီလည်ပင်းပတ်ပတ်လည်မှာ ထိုးပြီးတော့လည်း စတိုင်လ်တစ်မျိုးပြောင်းကာ အလှဆင်လို့ရပါတယ်။ အင်္ကျီအဖြူ၊ အနက်နဲ့ အနီရောင်တို့မှာ အလှဆင်ရင်တော့ ပိုလှမှာပါ။

ဆံပင်

ရင်ထိုးဆိုရင် အင်္ကျီအဝတ်အစားမှာမှ အလှဆင်လို့ရတာမဟုတ်ပါဘူး။ ဆံပင်မှာတပ်ပြီးတော့လည်း အလှဆင်လို့ရပါတယ်။ ကလစ်လိုမျိုးလေး ပန်လို့လည်းရပါသေးတယ်။