မင်္ဂလာပါ ပျိုမေတို့ရေ။ ဆောင်းရာသီရောက်ပြီမို့ စတိုင်ကျသလို ပေါ့ပေါ့ပါးပါးနဲ့ဝတ်လို့ကောင်းတဲ့ Denim Jacket လေးတွေက ပြန်ပြီးအသုံးဝင်လာပါပြီနော်။ အသက်အရွယ်မရွေး Denim Jacket လေတွေရှိထားတာက ထသွားထလာကနေ ပွဲတက်အတွက်လည်းရသလို ခရီးသွားရင်းဝတ်မယ်ဆိုရင်လည်း အရမ်းစတိုင်ကျပါတယ်။ ဒါ့အပြင် မတူတဲ့ Outfit အမျိုးမျိုးနဲ့ တွဲစပ်ပြီး ပုံစံပြောင်းသွားအောင် ဖန်တီးလို့ရတာမို့ အသားကောင်းတဲ့ Denim Jacket လေးတစ်ထည်ရှိထားတာက လုံးဝမမှားပါဘူးနော်။ ဒီတစ်ခေါက်မှာ ပျိုမေတို့အိုင်ဒီယာယူနိုင်ဖို့ ကိုယ့်မှာရှိတဲ့ Denim Jacket ကို အမျိုးမျိုးတွဲစပ်ပြီး ဝတ်နိုင်မယ့် Outfit စတိုင်လေးတွေကို ဖော်ပြပေးလိုက်ပါတယ်။

Denim Jacket တွေက အပြင်ထပ်အနေနဲ့လည်းဝတ်လို့ရသလို ခါးရှည်လေးတွေဆိုရင် သူ့တစ်ထပ်တည်းနဲ့လည်း စတိုင်ကျအောင် ဝတ်လို့ရပါတယ်။ ပထမဆုံး Denim Jacket ခါးတင်လေးကို အောက်ခံ Dress အကပ် (သို့) စကပ် အကပ်အရှည်လေးနဲ့ တွဲဝတ်ကြည့်ပါ။ ပေါ့ပေါ့ပါးပါးနဲ့ ရုံးသွားရုံးတက် အဆင်ပြေတဲ့ Outfit လေးပါ။


Tank Top အင်္ကျီလေးရယ် ဘောင်းဘီရှည်ရယ်နဲ့ တွဲပြီး ဝတ်ကြည့်ပါ။ ထသွားထလာ အဆင်ပြေမယ့် စတိုင်လေးဖြစ်ပါတယ်။


Tank Top ကိုမှ အောက်က Sweat Pants လေးနဲ့ တွဲပြီး Denim Jacket ထပ်ဝတ်တာကလည်း ပေါ့ပေါ့ပါးပါးနဲ့ စတိုင်ကျပါတယ်။

အင်္ကျီအဖြူ၊ အောက်က ဂျင်းဘောင်းဘီနဲ့ အရောင်ဆင်ဆင်လေးတွဲဝတ်တာကလည်း ရှင်းရှင်းလေးနဲ့ စတိုင်ကျပါတယ်။


Graphic တီရှပ်တွေ၊ Baggy Jeans အပွလေးနဲ့ တွဲဝတ်တာကလည်း ပေါ့ပေါ့ပါးပါးနဲ့ စတိုင်ကျတာမို့ ခရီးသွားရင်း ဝတ်လို့ကောင်းမယ့် Outfit ပုံစံလေးဖြစ်ပါတယ်။

စကပ်ရှည်လေးတွေ၊ Dress အရှည်လေးတွေနဲ့ တွဲဝတ်ကြည့်ပါ။ တစ်မျိုးဆန်းပြီးချစ်စရာကောင်းတဲ့ စတိုင်လေးရစေမှာပါ။


Oversized ရှပ်နဲ့ အောက်က အသားကပ်ဘောင်းဘီတွဲပြီး Denim Jacket အပေါ်ကထပ်ဝတ်တဲ့ပုံစံကလည်း ထသွားထလာ အရမ်းပေါ့ပါးတဲ့ စတိုင်မျိုးပါ။


ဘောင်းဘီတို၊ စကပ်တိုလေးတွေနဲ့ တွဲပြီးတော့လည်း လွတ်လွတ်လပ်လပ်ဝတ်နိုင်ပါတယ်နော်။ အတိုဝတ်နေကျသူတွေအတွက် အဆင်ပြေသလို လူငယ်ဆန်ပြီးပေါ့ပါးတဲ့ ဖက်ရှင်လေးရစေမှာပါ။

Photo Source: Pinterest

By MyStyle Myanmar