Pilates Exercise က စိတ်ဖိစီးမှုနဲ့ ပင်ပန်းနွမ်းနယ်မှုတွေကို လျှော့ချပေးနိုင်ပြီး ကိုယ်ဟန်အနေအထားလည်း ပိုကောင်းလာစေပါတယ်။ ဒါ့အပြင် အဆစ်အမြစ်ရောင်ခြင်း၊ ခါးနာခြင်းတွေ စတဲ့ နာကျင်ကိုက်ခဲမှုတွေကိုလည်း သက်သာစေပါတယ်။ လုပ်ရတာလည်း လွယ်ကူတာကြောင့် လူတိုင်းလုပ်လို့ အဆင်ပြေစေပါတယ်။ Pilates Exercise တွေလုပ်ဖို့အတွက် ယောဂဖျာကတော့ မရှိမဖြစ်လိုပါတယ်။
Shoulder Bridge
ပုံမှာလုပ်ပြထားတဲ့အတိုင်းနေတဲ့အခါမှာ တင်ပါးက ကြမ်းပြင်နဲ့ 6 လက်မကွာနေရပါမယ်။ အဲ့အတိုင်း စက္ကန့် 30 နေပြီးရင် ကြမ်းနဲ့ပြန်ထိပါ။ ပြီးရင် ပြန်လုပ်ပါ။ 5 ကြိမ်လောက် လုပ်ပေးရင် ရပါပြီ။
Toe Taps (Marching)
ခြေထောက်တစ်ဖက်ကိုက ခြေဖျားထောက်ပြီး ဒူးထောင်ထားပါ။ နောက်ခြေထောက်တစ်ဖက်ကတော့ 90 ဒီဂရီမြှောက်ထားရပါမယ်။ အဲ့အတိုင်း 10 စက္ကန့်နေလိုက်၊ ပြန်ချလိုက်၊ ထပ်လုပ်လိုက်နဲ့ ဘယ်ညာတစ်လှည့်စီ တစ်ဖက်ကို အနည်းဆုံး 5 ကြိမ်စီ လုပ်ပေးရပါမယ်။
The Hundred
ခြေထောက်ကိုပုံမှာလုပ်ပြထားသလို မြှောက်ထားပြီး လက်မောင်းကိုလည်း ကြမ်းပြင်နဲ့ နည်းနည်းခွာပြီး လက်နှစ်ဖက်ကို ဆန့်ထုတ်ထားပါ။ အဲ့အတိုင်း 10 စက္ကန့်နေပြီးရင် ပုံမှန်အတိုင်းပြန်နေပါ။ ပြီးရင်ပြန်လုပ်ပါ။ စုစုပေါင်း 10 ကြိမ် လုပ်ပေးရပါမယ်။
Roll Back, Roll Up
ပုံမှာလုပ်ပြထားတဲ့အနေအထားနဲ့ 10 စက္ကန့်နေပြီးရင် အနောက်ကိုပြန်လှဲချပါ။ ပြီးရင် ပြန်ထပြီး ထပ်လုပ်ပါ။ ဒါလည်း 10 ကြိမ်လောက်လုပ်ပေးပါ။
Swimming
ရေကူးသလိုအနေအထားနဲ့ ပုံမှာလုပ်ပြထားတဲ့အတိုင်း ခြေထောက်တွေ လက်တွေကိုမြှောက်ပြီး 10 စက္ကန့်နေပါ။ ပြီးရင် ခြေထောက်တွေ လက်တွေကိုပြန်ချပါ။ ပြီးရင် ထပ်လုပ်ပါ။ ဒါလည်း 10 ကြိမ်လုပ်ပေးရင် ရပါပြီ။
Wall Squat
နံရံမှာကပ်ထားပြီး လက်နှစ်ဖက်ကိုရှေ့ဆန့်ထုတ်ကာ ပုံမှာလုပ်ပြထားတဲ့အတိုင်း နေရပါမယ်။ 10 စက္ကန့်နေပြီးရင်တော့ ပုံမှန်အတိုင်းပြန်နေပါ။ ပြီးရင်ထပ်လုပ်ပါ။ 5 ကြိမ်မှ 10 ကြိမ်အထိ လုပ်ပေးနိုင်ပါတယ်။
Cat and Cow
ပုံမှာလုပ်ပြထားတဲ့ အနေအထားနှစ်မျိုးလုံးလုပ်ပြီးမှ 1 ကြိမ်လို့ သတ်မှတ်ပြီး စုစုပေါင်း 10 ကြိမ်လုပ်ပေးရပါမယ်။ လုပ်တဲ့အခါမှာ မြန်မြန်မလုပ်ပဲ ဖြေးဖြေးချင်းစီ လုပ်ပေးပါ။
Side-Lying Clam
ဘေးတစ်စောင်းအနေအထားနဲ့ ပုံမှာလုပ်ပြထားတဲ့အတိုင်းနေပြီး ခြေထောက်ကိုကားလိုက်၊ ပြန်စုလိုက်လုပ်ရမှာပါ။ 15 ကြိမ် လုပ်ပေးပြီး အကြိမ်ရေပြည့်ရင် ဘယ်ညာပြောင်းလှည့်ပြီး နောက်ထပ် 15 ကြိမ် ထပ်လုပ်ပေးရပါမယ်။
