တစ်လပြီးတစ်လကုန်သွားတိုင်း Drama အသစ်ကြည့်ရဖို့ကိုပဲ မျှော်နေကြတဲ့ K-Drama Fan တွေအတွက် March လထဲမှာကြည့်ရတော့မယ့် K-Drama အသစ် 8 ခုကို ဖော်ပြပေးလိုက်ပါတယ်။
1. Wonderful World
March 1 ရက်နေ့မှာ စတင်ပြသမယ့် “Wonderful World” ကတော့ Kim Nam Joo နဲ့ ASTRO အဖွဲ့ဝင် Cha Eunwoo တို့ရဲ့ Drama ဖြစ်ပါတယ်။ Kim Nam Joo က သားဖြစ်သူရဲ့ တရားမျှတမှုမရှိဘဲ သေဆုံးခြင်းကို တရားမျှတမှုရှာဖွေပြီး လက်စားချေမယ့် ဇာတ်လမ်းမျိုး ဖြစ်ပါတယ်။
2. Queen of Tears
March 9 ရက်နေ့မှာ စတင်ပြသမယ့် Drama ကတော့ K-Drama Fan တွေ တော်တော်လေးမျှော်လင့် စောင့်စားနေကြတဲ့ Kim Ji Won နဲ့ Kim Soo Hyun တို့ရဲ့ “Queen of Tears” ပဲ ဖြစ်ပါတယ်။ Romantic Comedy အမျိုးအစားဖြစ်လို့ သဘောကျကြမယ့် Drama လေးပါပဲ။
3. Night Photo Studio
March 11 ရက်နေ့မှာတော့ “Night Photo Studio” ဆိုတဲ့ Drama အသစ်ကို စတင်ပြသတော့မှာပါ။ Joo Won က သရဲတစ္ဆေများအတွက် ဓါတ်ပုံစတူဒီယိုကို ဖွင့်လှစ်ပေးထားတဲ့ ဓာတ်ပုံဆရာအဖြစ် သရုပ်ဆောင်ထားပြီး မင်းသမီး Kwon Na Ra ကတော့ သူနှင့် လက်တွဲလုပ်ဆောင်မယ့် ရှေ့နေမလေး ဖြစ်ပါတယ်။
4. Chicken Nugget
March 15 ရက်နေ့မှာ ကြည့်ရမယ့် “Chicken Nugget” ဆိုတဲ့ Drama ကတော့ ဆန်းသစ်တဲ့ ဇာတ်လမ်းမျိုး ဖြစ်ပါတယ်။ Ryu Seung Ryong ရဲ့ သမီးဖြစ်သူ Kim Yoo Jung က Chicken Nugget အဖြစ်နဲ့ မတော်မဆပြောင်းလဲသွားခဲ့ပါတယ်။ အဲ့တာကို လူသားအသွင်ပြန်ပြောင်းလဲဖို့ ဖခင်ဖြစ်သူ Ryu Seung Ryong နဲ့ Ahn Jae Hong က ကြိုးစားပြောင်းလဲကြမယ့် ဇာတ်လမ်းမျိုး ဖြစ်ပါတယ်။
5. Grabbed by the Collar
March 18 ရက်နေ့မှာတော့ “Grabbed by the Collar” ဆိုတဲ့ စိတ်ဝင်စားဖို့ကောင်းတဲ့ Drama ကို စတင်ကြည့်ရှုရမှာပါ။ Kim Ha-Neul က ထင်ရှားကျော်ကြားတဲ့ သတင်းထောက်ဖြစ်ပြီး သူမရဲ့ ယောင်္ကျားဖြစ်သူက လူသတ်မှုရဲ့ သံသယရှိသူ ဖြစ်လာမယ့်အကြောင်းကို ရိုက်ကူးထားတာဖြစ်ပါတယ်။
6. The Escape of the Seven: Resurrection
March 22 ရက်နေ့မှာတော့ “The Escape of the Seven: Resurrection” Second Season ထွက်မှာ ဖြစ်ပါတယ်။
7. Beauty and the Devoted
နေ့ချင်းညချင်း အောက်ဆုံးကိုကျဆင်းသွားတဲ့ အခြေအနေကို ရောက်ရှိသွားတဲ့ ထိပ်တန်းမင်းသမီး Park Do-ra (Im Soo-hyang) နဲ့ ငယ်ရွယ်တဲ့ Drama Producer ဖြစ်သူ Go Pil-sung (Ji Hyun-woo) တို့ရဲ့ အချစ်ဇာတ်လမ်ကို ရိုက်ကူးထားတဲ့ “Beauty and the Devoted” ကိုတော့ March 23 ရက်နေ့မှာ ကြည့်ရမှာ ဖြစ်ပါတယ်။
8. Hide
Lee Bo Young က ခင်ပွန်းဖြစ်သူ ရုတ်တရက်ပျောက်ဆုံးမှုရဲ့ နောက်ကွယ်ကအမှန်တရားကို ရှာဖွေနေတဲ့ အမျိုးသမီးတစ်ဦးအဖြစ်နဲ့ သရုပ်ဆောင်ထားတဲ့ “Hide” Drama ကိုတော့ March 23 ရက်နေ့မှာ စတင်ပြသမှာ ဖြစ်ပါတယ်။
