ဝမ်းချုပ်တာသက်သာစေမယ့် လေ့ကျင့်ခန်း ၈ မျိး

ဝမ်းခဏခဏချုပ်နေတာက ကျန်းမာရေးအတွက် မကောင်းပါဘူး။ ဝမ်းချုပ်တိုင်း ဝမ်းနှုတ်ဆေးတွေ သောက်နေမယ်ဆိုရင်လည်း ရေရှည်မှာ အဆင်မပြေပါဘူး။ ကျန်းမာရေးထိခိုက်စေပါတယ်။ ဒါကြောင့် ကိုယ်က ဝမ်းချုပ်တတ်တယ်ဆိုရင် လေ့ကျင့်ခန်းလုပ်ပေးပါ။ ဝမ်းချုပ်တာသက်သာစေမယ့် လေ့ကျင့်ခန်းတွေထဲကမှ လုပ်ရတာ လွယ်ကူပြီးအဆင်ပြေမယ့် ၈ မျိုးကို ဖော်ပြပေးလိုက်ပါတယ်။

Wind Relieving Pose

ပုံမှာလုပ်ပြထားတဲ့အတိုင်း ၁၀ စက္ကန့် နေပြီး ခြေထောက်ပြန်ချ၊ ပြီးရင် ပြန်လုပ်ပါ။ အဲ့အတိုင်း အနည်းဆုံး ၅ ကြိမ်လောက် လုပ်ပေးရင် ရပါတယ်။

Half-Wind Pose

ခြေထောက်တစ်ဖက်ကိုဆင်း၊ ခြေထောက်တစ်ဖက်ကို ပုံမှာလုပ်ပြထားသလို ကွေးထားပါ။ အဲ့အတိုင်း ၅ စက္ကန့်နေပေးပြီး အချိန်ပြည့်ရင် ဘယ်ညာ ဘက်ပြောင်းပြီး ထပ်လုပ်ပေးပါ။ တစ်ဖက်ကို ၃ ကြိမ်၊ ၅ ကြိမ်လောက် လုပ်ပေးရင် ရပါပြီ။

Half Spinal Twist

ပုံမှာလုပ်ပြထားသလိုလေး သေချာတူအောင်လုပ်ပြီး ၅ စက္ကန့်နေပးပါ။ ပြီးရင် ဘယ်ညာပြောင်းပြီး အဲ့အတိုင်း နောက်ထပ် ၅ စက္ကန့်ထပ်နေပါ။ တစ်ဖက်ကို ၅ ကြိမ်စီ လုပ်ပေးရမှာ ဖြစ်ပါတယ်။

Child’s Pose

ဖနောင့်နဲ့တင်ပါးကို ထိနေအောင်ထိုင်ပြီး လက်နှစ်ဖက်ကို အရှေ့ဆန့်ထုတ်ပြီးနေပေးပါ။ အဲ့အနေအထားနဲ့ ၁၀ စက္ကန့်၊ ၁၅ စက္ကန့်လောက် နေပေးပါ။ အချိန်ပြည့်ရင် ခါးပြန်မတ်၊ ပြီးရင် ထပ်လုပ်ပါ။ ဒါလည်း ၅ ကြိမ်လုပ်ပေးပါ။

Cobra Pose

ပုံမှာလုပ်ပြထားတဲ့ Cobra Pose အနေအထားအတိုင်း ၁၀ စက္ကန့်နေပေးပါ။ အချိန်ပြည့်ရင် ၃ စက္ကန့်နား ပြီးရင် ထပ်လုပ်ပေးပါ။ ဒီလေ့ကျင့်ခန်းလည်း ၅ ကြိမ်ပါပဲ။

Butterfly Pose

ဒီလေ့ကျင့်ခန်းမှာတော့ ပုံမှာလုပ်ပြထားတဲ့အတိုင်း ထိုင်နေပေးပါ။ အဲ့အနေအထားနဲ့ အသက်ကို ရှိုက်ရှူလိုက်၊ ခပ်ပြင်းပြင်း ပြန်ထုတ်လိုက်နဲ့ အကြိမ် ၅၀ လုပ်ပေးရမှာ ဖြစ်ပါတယ်။

Deep Squat

ထိုင်ထလုပ်သလိုမဟုတ်ပဲ ပုံမှာပြထားသလို အောက်အထိ ဆောင့်ဆောင့်ထိုင်ရမှာပါ။ ခြေထောက်လည်း နည်းနည်းကားထားရပါမယ်။ အဲ့အတိုင်း ၁၀ စက္ကန့်ထိုင်ပြီး အချိန်ပြည့်ရင် ပြန်ထ၊ ပြီးရင် ပြန်ထိုင်ပါ။ ၁၀ စက္ကန့် ၅ ကြိမ် လုပ်ပေးရမှာပါ။

Half Lying Leg Ups

နောက်ဆုံးလေ့ကျင့်ခန်းကတော့ ပုံမှာလုပ်ပြထားသလို ခြေထောက်ကို တန်းနေအောင် မြှောက်ထားရမှာပါ။ ကိုယ်မြှောက်နိုင်သလောက် ကြိုးစားပြီး လုပ်ကြည့်ပါ။ ဒါကတော့ အချိန်သတ်မှတ်ချက် မရှိပါဘူး။