အိုမင်းရင့်ရော်လာခြင်းရဲ့ ပထမဦးဆုံးအနေနဲ့ သိသာထင်ရှားတဲ့ လက္ခဏာတွေမှာ အရေးအကြောင်းများနဲ့ အသားအရေပျော့တွဲလာခြင်းပါပဲ။ အသားအရေတင်းရင်းမှုနဲ့ ကောက်ကြောင်းတွေဟာ မျက်နှာကြွက်သားတွေ မည်မျှကျန်းမာသလဲဆိုတာပေါ် မူတည်နေပါတယ်။

ခန္ဓာကိုယ်နီးပါး လေ့ကျင့်ခန်းလုပ်ပေးရန် လိုတာကြောင့် သင့်မျက်နှာကို ညီညာပြေပြစ်ပြီး ငယ်ရွယ်သည့်အသွင်ကို ထိန်းသိမ်းနိုင်စေဖို့ လုပ်ဆောင်ပေးရမယ့် မျက်နှာလေ့ကျင့်ခန်းလေးတွေကို ဖော်ပြပေးလိုက်ရပါတယ်။

ကြွက်သားများကို သွေးပူလေ့ကျင့်ခန်းလုပ်ပေးပါ။

ထိုင်သည်ဖြစ်စေ မတ်တပ်ဖြစ်စေ ခါးကိုမတ်မတ်ထားပြီး “I,“ ”O,“ “E,” နှင့် ”A” တို့ကို ရွတ်ဆိုပေးပါ။ မျက်နှာတစ်ခုလုံး နွေးလာပြီလို့ ခံစားရတဲ့အထိ လုပ်ဆောင်ပေးပါ။

နံပါတ်တစ်လေ့ကျင့်ခန်း

ငုတ်တုပ်ထိုင်ပြီး ခေါင်းကိုအပေါ်မော့လိုက်ပါ။ အောက်နှုတ်ခမ်းကို တတ်နိုင်သမျှ ဆန့်ထုတ်ပြီး ၅-၁၀ စက္ကန့်ကြာအောင် နေပေးပါ။ ပြီးလျှင် ခဏနားပြီး ၂ ကြိမ်မှ ၃ ကြိမ်အထိ ပြုလုပ်ပေးပါ။

နံပါတ်နှစ်လေ့ကျင့်ခန်း

လက်နှစ်ဖက်ကို ယှက်ကာ တည့်တည့်ရပ်နေချိန်အတွင်း မေးစေ့ကို ဖြည်းဖြည်းချင်းမော့ပေးပါ။ အတိုင်းအတာတစ်ခုသို့ ရောက်ပြီဆိုလျှင် အသက်ပြင်းပြင်းရှုပြီး ၁၀ သို့မဟုတ် ၁၅ အထိရေပေးကာ ဖြည်းဖြည်းချင်း ပုံမှန်အနေအထားသို့ ပြန်သွားပေးပါ။

နံပါတ်သုံးလေ့ကျင့်ခန်း

ပါးလေးတွေ တင်းတင်းရင်းရင်းရှိစေဖို့ ရိုးရိုးရှင်းရှင်းနဲ့ အလွန်ထိရောက်တဲ့လေ့ကျင့်ခန်းလေးပါ။
ခေါင်းကိုတည့်တည့်ထားပြီး နှုတ်ခမ်းအစွန်တို့ကို အောက်သို့တွန်းပေးပြီး ပုံမှန်အနေအထားသို့ ပြန်သွားပါ။ ကြွက်သားများတင်းမာလာသည်ဟု ခံစားရသည်အထိ အနည်းဆုံး ငါးကြိမ်ခန့်လုပ်ဆောင်ပေးပါ။

နံပါတ်လေးလေ့ကျင့်ခန်း

တည့်တည့်ထိုင်၍ နှုတ်ခမ်းတွင်ခဲတံကိုကိုက်ပြီး ခေါင်းလုံးဝမလှုပ်ဘဲ လေထဲမှာ သင့်နာမည်ကို ရေးပေးပါ။ အနည်းဆုံး ၃ မိနစ်ခန့်ကြာအောင်လုပ်ပေးပြီး ခဏအနားယူကာ အကြိမ်အနည်းငယ်လောက် နောက်ထပ်လုပ်ပေးပါ။

နံပါတ်ငါးလေ့ကျင့်ခန်း

လည်ပင်းကြွက်သားများအတွက် အထူးကောင်းမွန်တဲ့လေ့ကျင့်ခန်းတစ်ခုဖြစ်ပါတယ်။
ခေါင်းကိုညာဖက်သို့စောင်းပြီး နားဖြင့်ပခုံးကိုထိအောင်ကြိုးစားပါ။ ခေါင်းရဲ့ညာဖက်ကို ညာဖက်လက်ဖြင့် ဆန့်ကျင်ဖက်တွန်းပေးပြီး ၁၀ စက္ကန့်ကြာလုပ်ပေးပါ။ အခြားတစ်ဖက်ကိုလည်း ထိုနည်းတူလုပ်ဆောင်ပေးပါ။

နံပါတ်ခြောက်လေ့ကျင့်ခန်း

အသက်ပြင်းပြင်းရှု၍ နှုတ်ခမ်းတင်းတင်းစေ့ကာ လေကိုပါးစပ်အပြည့်စုပ်ပါ။ နားရွက်တွေကို ဖုံးအုပ်ရန်အတွက် လက်နှစ်ဖက်ကို ပါးပေါ်တွင်တင်ပေးပါ။ ပြီးလျှင် ပါးဖက်သို့တွန်းပေးပြီး ၅-၁၀ စက္ကန့်ကြာ နေပေးပါ။ ခဏနားပြီးလျှင် ၅-၆ ကြိမ်လောက် ပြန်လုပ်ပေးပါ။

နံပါတ်ခုနှစ်လေ့ကျင့်ခန်း

ပါးစပ်ဖွင့်၍ သွားကိုနှုတ်ခမ်းဖြင့်ဖုံးပြီး အောက်မေးရိုးကိုအပေါ်ဖက်သို့ရွှေ့ပေးကာ လက်ချောင်းဖြင့်မေးစေ့ကိုတွန်းပေးပါ။ ဆယ်ကြိမ်တိုင်အောင် လုပ်ပေးပါ။

နံပါတ်ရှစ်လေ့ကျင့်ခန်း

မေးရိုးနှင့် လျှာအောက်ရှိ ကြွက်သားများကို သန်မာမှုရှိစေရန် ကူညီပေးသည့် အခက်ခဲဆုံးသော လေ့ကျင့်ခန်းတစ်ခုဖြစ်ပါတယ်။
လက်သီးဆုပ်နှစ်ခုကို မေးအောက်တွင်ထားပြီး လျှာကိုပါးစပ်အောက်သို့ ဖိပေးပါ။ လက်သီးဆုပ်ဖြင့်မေးစေ့ကိုတွန်းပြီး စက္ကန့်သုံးဆယ်ကြာနေပေးပါ။ အတန်ငယ်ကြာအနားယူပြီးလျှင် ၁၀ ကြိမ်ခန့်လုပ်ဆောင်ပေးရန်လိုအပ်ပါတယ်။