အကြောင်းအမျိုးမျိုးကြောင့် ခြေထောက်နာနေတာ၊ မတ်တပ်ရပ်တာကြာလို့၊ လမ်းလျှောက်တာကြာလို့ ခြေထောက်တွေ ညောင်းကိုက်ပြီးနာနေတာတွေကို သက်သာစေမယ့် အလွယ်ကူဆုံး လေ့ကျင့်ခန်း ၈ မျိုးကို မျှဝေပေးလိုက်ပါတယ်။
လေ့ကျင့်ခန်း ၁
ပုံမှာပြထားတဲ့အတိုင်း ခြေချောင်းလေးတွေနဲ့ထောက်ပြီး စက္ကန့် ၃၀ နေပေးရုံပါပဲ။ အချိန်ပြည့်ရင် ခဏလောက်ရပ်ပြီး ထပ်လုပ်ပေးပါ။ အနည်းဆုံး ၅ ကြိမ်ကနေ ၁၀ ကြိမ်လောက်တော့ လုပ်ပေးရပါမယ်။
လေ့ကျင့်ခန်း ၂
ခုနကလေ့ကျင့်ခန်းနဲ့ ဆင်ပါတယ်။ သူကတော့ ခြေထောက်တစ်ဖက်ကို နောက်ဆုတ်ပြီး ခြေထောက်လေးတွေကို ပုံမှာပြထားတဲ့အတိုင်း ခေါက်ပြီး စက္ကန့် ၃၀ နေပေးရပါမယ်။ အဲ့အတိုင်း ဘယ်ညာ တစ်လှည့်စီ တစ်ဖက်ကို ၅ ကြိမ်စီ လုပ်ပေးရမှာပါ။
လေ့ကျင့်ခန်း ၃
ပုံမှာပြထားတဲ့အတိုင်း နံရံကိုတွန်းထားပြီး ခြေထောက်တစ်ဖက်က နောက်ကိုဆန့်၊ နောက်ခြေထောက်တစ်ဖက်က ရှေ့မှာထားပြီး ဒူးကွေးထားရမှာပါ။ အဲ့အတိုင်း စက္ကန့် ၃၀ နေပြီး ဘယ်ညာ တစ်လှည့်စီ တစ်ဖက်ကို ၃ ကြိမ်စီ လုပ်ပေးရပါမယ်။
လေ့ကျင့်ခန်း ၄
တင်းနစ်ဘောလုံးလေးကို ခြေဖဝါးအောက်မှာထားပြီး ခြေဖနောင့်ကနေ ခြေချောင်းအောက်နားထိ လှိမ့်နေပေးရမှာပါ။ လုပ်ရမယ့် အကြိမ်အရေအတွက်ကတော့ ၅၀ ပါ။
လေ့ကျင့်ခန်း ၅
အမြင့်တစ်ခုပေါ်ကို ခြေထောက်တင်ပြီး ပုံမှာပြထားတဲ့အတိုင်း ခြေဖနောင့်အနောက်နားမှာ တင်းနစ်ဘောလုံးကိုထားပြီး လှိမ့်ပေးရမှာပါ။ အရှေ့အနောက်၊ ဘေးတိုက် လှိမ့်နေပေးပါ။ ၁၀ စက္ကန့် ၂ ကြိမ် လုပ်ပေးရပါမယ်။ ဘယ်ခြေထောက်ပြီးရင် ညာခြေထောက် ပြောင်းလုပ်ပါ။
လေ့ကျင့်ခန်း ၆
ကြမ်းပြင်မှာထိုင်ပြီး ခါးပတ် (သို့) အဝတ်တစ်ခုနဲ့ ပုံမှာပြထားတဲ့အတိုင်း ခြေထောက်ကိုဆွဲထားရမှာပါ။ ခြေထောက်ကိုလည်း ဆန့်တန်းထားဖို့ လိုပါတယ်။ အဲ့အတိုင်း စက္ကန့် ၃၀ နေပြီး ခဏရပ်ပါ။ ပြီးရင် ထပ်လုပ်ပါ။ စုစုပေါင်း ၅ ကြိမ်လုပ်ပေးရပါမယ်။
လေ့ကျင့်ခန်း ၇
ယောဂအတုံး (သို့) အမြင့်တစ်ခုပေါ်ကို ပုံမှာပြထားတဲ့အတိုင်း ခြေချောင်းလေးတွေ တင်ထားပြီး စက္ကန့် ၃၀ နေပေးရုံပါပဲ။ အဲ့အတိုင်း ဘယ်ညာတစ်လှည့်စီ တင်ပေးရမှာပါ။ တစ်ဖက်ကို ၅ ကြိမ်စီပါ။
လေ့ကျင့်ခန်း ၈
ကြမ်းပြင်မှာလှဲအိပ်ပြီး လက်နှစ်ဖက်ကို ဘေးကားထားပါ။ ခြေထောက်နှစ်ဖက်ကို နံရံမှာထောင်ထားပေးပါ။ အဲ့အတိုင်း ၁၅ မိနစ် နေပေးရမှာဖြစ်ပါတယ်။ တစ်နေ့ကို ၂ ကြိမ်၊ ၃ ကြိမ်လောက် လုပ်ပေးပါ။
source:www.brightside.me
