ပိုမိုသန်မာတဲ့ Abs တွေကိုရရှိစေဖို့ကူညီပေးမယ့် Yoga (7) မျိုး

ပိုမိုသန်မာတဲ့ Abs တွေကို ရရှိစေဖို့ကူညီပေးမယ့် Yoga (7) မျိုးကို မျှဝေပေးလိုက်ပါတယ်။ အိမ်မှာပဲ အေးအေးဆေးဆေး Yoga လုပ်ချင်တဲ့သူတွေအတွက်လည်း အဆင်ပြေတဲ့အပြင် လုပ်ရတာလည်း မခက်ခဲပဲ လွယ်ကူတာကြောင့် လူတိုင်းလုပ်ဖို့ အဆင်ပြေမှာပါ။

Plank Pose

ပုံမှာလုပ်ပြထားတဲ့ Plank Pose အနေအထားနဲ့ စက္ကန့် 30 နေပြီး အသက်ကိုရှိုက်ပြီးရှူလိုက်၊ ပြန်ထုတ်လိုက်နဲ့ လုပ်ပေးရပါမယ်။ နောက်ပိုင်းကျ လုပ်နိုင်သွားရင် 1 မိနစ်၊ 2 မိနစ်အထိ နေလို့ရပါတယ်။

Side Plank

Side Plank အနေအထားနဲ့ ပုံထဲကအတိုင်းနေပြီး ခါးနဲ့တင်ပါးကို အောက်နည်းနည်းချလိုက်၊ ပြန်တန်းမတ်အောင်နေလိုက်နဲ့ အနည်းဆုံး စက္ကန့် 30 လုပ်ပေးရပါမယ်။

Boat Pose

Boat Pose အနေအထားနဲ့ 15 စက္ကန့်လောက်ရအောင်နေပါ။ ပြီးရင် ပုံမှန်အတိုင်းပြန်နေပြီး ပြန်လုပ်ပါ။ 15 စက္ကန့်ပဲ နေမယ်ဆိုရင် အနည်းဆုံး 5 ကြိမ်လုပ်ပေးပါ။ စက္ကန့် 30 လောက်နေမယ်ဆိုရင်တော့ 3 ကြိမ်လောက်နဲ့တင် ရပါတယ်။

Dolphin Pose

ပုံမှာလုပ်ပြထားတဲ့အတိုင်း Dolphin Pose အနေအထားနဲ့နေပြီး အသက်ကိုရှူသွင်းရှူထုတ် ပုံမှန်လုပ်ပေးရမှာပါ။ စက္ကန့် 30 လောက်နေပြီးရင် ပုံမှန်အတိုင်းပြန်နေ၊ ပြီးရင် ပြန်လုပ်ပါ။ 2 ကြိမ်လုပ်ပေးရင် ရပါပြီ။

Chair Pose

Chair Pose အနေအထားနဲ့ စက္ကန့် 30 နေပေးပါ။ အဲ့လိုနေတဲ့အချိန်မှာ အသက်ကို ခပ်ပြင်းပြင်း ရှိုက်ရှူလိုက်၊ ပြန်ထုတ်လိုက်နဲ့ လုပ်ပေးရပါမယ်။ အချိန်ပြည့်ရင် နောက်တစ်ခေါက် ထပ်လုပ်ပေးပါ။

Knee-to-Nose

ပုံမှာလုပ်ပြထားတဲ့ အနေအထားအတိုင်းလုပ်ပြီး 15 စက္ကန့် နေပေးပါ။ အချိန်ပြည့်ရင် ခြေထောက်ကို ဘယ်ညာပြောင်းလုပ်ပြီး နောက်ထပ် 15 စက္ကန့် ထပ်နေပါ။ အဲ့အတိုင်း ဘယ်ညာတစ်လှည့်စီ တစ်ဖက်ကို 3 ကြိမ်စီ လုပ်ပေးပါ။

Locust Pose

ပုံမှာလုပ်ပြထားတဲ့ Locust Pose အနေအထားနဲ့ စက္ကန့် 30 လောက်ရအောင်နေကြည့်ပါ။ နောက်ပိုင်းလုပ်နိုင်သွားရင် 1 မိနစ်အထိ နေပေးနိုင်ပါတယ်။ အဲ့လိုနေတဲ့အချိန်မှာ အသက်ရှူသွင်းရှူထုတ်ကို ပုံမှန်လုပ်နေပေးဖို့လည်း မမေ့ပါနဲ့။