ဗိုက်ချပ်ချင်ပေမယ့် ပင်ပန်းပြီး အရမ်းလှုပ်ရှားရတဲ့ Exercise တွေ မလုပ်ချင်ဘူးဆိုရင်တော့ Yoga ကျင့်ပါ။ Yoga ကျင့်တာက စိတ်ပိုင်းဆိုင်ရာအတွက်ရော၊ ရုပ်ပိုင်းဆိုင်ရာအတွက်ရော အများကြီး အကျိုးသက်ရောက်မှု ရှိစေပါတယ်။ ဒါကတော့ ဗိုက်ချပ်စေဖို့ကူညီပေးမယ့် Yoga Pose (7) မျိုးပဲ ဖြစ်ပါတယ်။
Boat Pose
ပုံမှာလုပ်ပြထားတဲ့ Boat Pose အတိုင်း စက္ကန့် 60 လောက် နေပေးရမှာပါ။ စက္ကန့် 60 မလုပ်နိုင်ရင် စက္ကန့် 30 ကို 2 ခါလုပ်ကြည့်နော်။
Cobra Pose
Cobra Pose ကတော့ အရမ်းလွယ်ပါတယ်။ ပုံမှာလုပ်ပြထားတဲ့အတိုင်းလှဲပြီး ခါးကနေစပြီးကော့ထားလိုက်ပါ။ လက်ကိုလည်း ပုံထဲကအတိုင်း ထောက်ထားပါ။ အဲ့အတိုင်း စက္ကန့် 60 နေပေးရင်ရပါတယ်။
Bow Pose
ပုံမှာလုပ်ပြထားတဲ့အတိုင်း လက်နှစ်ဖက်က ကွေးထားတဲ့ခြေထောက်ကို ဆွဲထားရမှာဖြစ်ပါတယ်။ သေချာလေးလုပ်ပေးပါ။ အဲ့အနေအထားနဲ့ အနည်းဆုံး စက္ကန့် 30 မှ စက္ကန့် 60 အထိ နေပေးနိုင်ပါတယ်။
Camel Pose
ဒူးထောက်ပြီး ပုံမှာပြထားတဲ့အတိုင်း ခါးကနေ အနောက်ကိုလန်ထားပါ။ လက်နှစ်ဖက်က ခြေဖေနောင့်ကို ကိုင်ထားပါ။ အဲ့အတိုင်း စက္ကန့် 60 နေပေးရမှာပါ။ စက္ကန့် 60 မနေနိုင်ရင် စက္ကန့် 30 ကို 2 ခါလုပ်လို့ရပါတယ်။ မိနစ်နေပေးရမှာဖြစ်ပါတယ်။
Downward-facing Dog Pose
အရှေ့ကိုကုန်းတဲ့အခါမှာ ပုံမှာလုပ်ပြထားသလို 90 ဒီဂရီဖြစ်နေရပါမယ်။ ခြေထောက်နဲ့လက်ကလည်း ကွေးနေတာမျိုးမဟုတ်ပဲ ဆန့်နေရပါမယ်။ အဲ့အတိုင်း အနည်းဆုံး 1 မိနစ်မှ 2 မိနစ်၊ 3 မိနစ်အထိ နေပေးနိုင်ပါတယ်။
Side Angle Pose
အရင်ဆုံးခြေထောက်အနေအထားကို ပုံထဲကအတိုင်း အရင်လုပ်ပါ။ ပြီးမှ လက်အနေအထားကိုလုပ်ပါ။ ပုံမှာလုပ်ပြထားတဲ့ Side Angle Pose နဲ့ 1 မိနစ်နေပါ။ အချိန်ပြည့်ရင် ဘယ်ညာပြောင်းပြီး အဲ့အတိုင်းထပ်လုပ်ကာ 1 မိနစ်နေပါ။
Plank Pose
ဗိုက်ချပ်ဖို့အတွက် Plank ထောက်တာကတော့ Yoga မှာပဲဖြစ်ဖြစ် Exercise မှာပဲဖြစ်ဖြစ် မပါမဖြစ်ပဲနော်။ ဒါကြောင့် ကိုယ်နေနိုင်သလောက်သာ နေပေးပါ။ ကြာလေကောင်းလေပါပဲ။
