ဝမ်းဗိုက်က အဆီပိုများကို ဖယ်ရှားပေးမယ့် ယောဂလေ့ကျင့်ခန်း (၇) ခု

ယောဂလေ့ကျင့်ခန်းဆိုတာ Gym မှာ ပြုလုပ်ရတဲ့ Workout လေ့ကျင့်ခန်းများနဲ့ မတူပါဘူး။ ချွေးမထွက်ဘဲ တစ်နေရာတည်းမှာ ငြိမ်ငြိမ်စိမ်စိမ်လေးနဲ့ ဆော့ကစားနိုင်တဲ့ လေ့ကျင့်ခန်းပဲဖြစ်ပါတယ်။ ထိုအမျိုးအစားနှစ်ခုစလုံးမှာ ဘယ်လေ့ကျင့်ခန်းကတော့ ပိုသက်သာတယ်။ ဘယ်ဟာကတော့ ပိုလွယ်တယ်ဆိုတာတော့ မရှိပါဘူး။ နှစ်မျိုးစလုံးက သူ့အတိုင်းအတာနဲ့သူ အခက်အခဲ ကိုယ်စီရှိကြပါတယ်။

သင့်အနေနဲ့ Workout ဆော့ရတာ ပိုအားသန်ရင် Workout ဆော့ပါ။ ဒါမှမဟုတ် ချွေးထွက်မခံချင်ဘူးဆိုရင်တော့လည်း ယောဂက ပိုသင့်တော်ပါတယ်။

ဘယ်ယောဂလေ့ကျင့်ခန်းကနေ စဆော့ရမလဲ မသိဘူးဆိုရင်တော့ ဝမ်းဗိုက်အဆီပိုများကို ဖယ်ရှားပေးမယ့် ယောဂလေ့ကျင့်ခန်း (၆) ခုကနေ စမ်းလုပ်ကြည့်ပါ။ ပုံမှန်ပြုလုပ်ပေးသွားတဲ့အခါမှာ ယောဂ လေ့ကျင့်ခန်းကို စွဲမှန်းမသိ စွဲသွားပြီး ကြိုက်နှစ်သက်လာပါလိမ့်မယ်။

လေ့ကျင့်ခန်း (၁)

အရင်ဦးဆုံး ယောဂဖျာပေါ်မှာ ဝမ်းလျားမှောက်ပါ။ လက်နှစ်ဖက်ကို ခန္ဓာကိုယ် ဘေးတစ်ဖက်တစ်ချက်စီမှာ ထားထားပါ။ ခြေထောက်ကို ဆန့်နိုင်သလောက် ဆန့်ထားပါ။ တစ်ချိန်တည်းမှာပဲ အသက်ရှုသွင်းလိုက်ပြီး ခန္ဓာကိုယ်အပေါ်ပိုင်းကို မတင်လိုက်ပါ။

ထိုအနေအထားအတိုင်း စက္ကန့် ၃၀ ခန့် နေပါ။ ထို့နောက် နဂိုအနေအထားအတိုင်း ပြန်နေကာ အသက်ရှုထုတ်လိုက်ပါ။

လေ့ကျင့်ခန်း (၂)

စောစောက အနေအထားအတိုင်း ယောဂဖျာပေါ်မှာ ဝမ်းလျားမှောက်ပါ။ ပုံပါအတိုင်း လက်နှစ်ဖက်က ခြေဖျားကို လှမ်းကိုင်ထားပါ။ ခြေထောက်နှင့် လက်ကို တစ်ပြိုင်တည်း မရမှာဖြစ်ပြီး ထိုအချိန်မှာပဲ အသက်ရှုသွင်းလိုက်ပါ။

ထိုအနေအထားအတိုင်း စက္ကန့် ၃၀ ခန့် နေပါ။ ထို့နောက် နဂိုအနေအထားအတိုင်း ပြန်နေကာ အသက်ရှုထုတ်လိုက်ပါ။

လေ့ကျင့်ခန်း (၃)

ပုံမှာပြထားတဲ့အနေအထားအတိုင်း ခန္ဓာကိုယ်ကို ခပ်စောင်းစောင်းလေး ဖြောင့်နေအောင် ထားပါ။ ခါးကုန်းနေတာမျိုး တင်ပါးကိုင်းနေတာမျိုး မဖြစ်ရပါဘူး။ ထိုအနေအထားအတိုင်း စက္ကန့် ၃၀ ခန့် တောင့်ထားပါ။

လေ့ကျင့်ခန်း (၄)

အသင့်အနေအထားဖြင့် ယောဂဖျာပေါ်မှာ ပက်လက်နေပါ။ ခြေထောက်ကို မျက်နှာကျက်ပေါ်သို့ မြှောက်ထားပြီး လက်နှစ်ဖက်ကိုတော့ ရေပြင်ညီမျဉ်းအတိုင်း ဆန့်တန်းထားပါ။ ခန္ဓာကိုယ်က ဗွီပုံသဏ္ဍာန် ဖြစ်နေရပါမယ်။ ထိုအနေအထားအတိုင်း စက္ကန့် ၆၀ ခန့် တောင့်ထားပါ။ အသက်ရှုသွင်း ရှုထုတ်ဖို့လည်း မမေ့ပါနဲ့။

လေ့ကျင့်ခန်း (၅)

ခြေသလုံးနှင့် ဒူးခေါင်းက ထောင့်မှန်ကျနေအောင် ဒူးထောက်ထားပါ။ ထို့နောက် ခန္ဓာကိုယ်ကို တဖြည်းဖြည်း အနောက်သို့ ကိုင်းကာ လက်နှစ်ဖက်က ခြေကျင့်းဝတ်ကို လှမ်းကိုင်လိုက်ပါ။ ထိုအနေအထားအတိုင်း တစ်မိနစ်ခန့် တောင့်ထားပါ။

လေ့ကျင့်ခန်း (၁) ကနေ (၅) အထိကို စစလုပ်ချင်းမှာတော့ သတ်မှတ်ချိန်အတိုင်း ပြုလုပ်ပေးပြီး တဖြည်းဖြည်း ကျွမ်းကျင်လာတဲ့အခါမှာတော့ အချိန်တိုးပြီး ပြုလုပ်ပေးရပါမယ်။

လေ့ကျင့်ခန်း (၆)

ခြေထောက်တစ်ဖက်ကိုတော့ ကြမ်းပြင်နှင့် ထိကပ်ထားပြီး ဖြောင့်တန်းနေအောင် ထားပါ။ ကျန်ခြေထောက်တစ်ဖက်ကိုတော့ အပေါ်သို့ မြှောက်ထားကာ လက်ဖြင့် မျဉ်းဖြောင့် စောင်းစောင်းလေး ဖြစ်အောင် မြှောက်ထားပါ။

ထို့နောက် ခြေထောက်နှစ်ဖက်ကို ဘက်ပြောင်းကာ တစ်လှည့်စီ ပြုလုပ်ရပါမယ်။ ဘယ်ညာ တစ်လှည့်စီကို တစ်ကြိမ်လို့ သတ်မှတ်ပြီး ၁၀ ကြိမ်ခန့် ပြုလုပ်လိုက်ပါ။

လေ့ကျင့်ခန်း (၇)

ပုံပါအနေအထားအတိုင်း ညာခြေကို ဘယ်ခြေပေါ်တင်ပါ။ ဘယ်လက်ကို ကြမ်းပြင်ဖြင့် ထိကပ်ထားပြီး ညာလက်ကိုတော့ လေထဲမှာ မြှောက်ထားပါ။ ထိုအနေအထားအတိုင်း ၁၅ စက္ကန့်မှ စက္ကန့် ၃၀ အထိ တောင့်ထားပါ။

ထို့နောက် ဘက်ပြောင်းကာ ပြုလုပ်ပေးပါ။

Source: Urbancompany.com