ပေါင်အတွင်းသားအဆီတွေကြောင့် အမြဲလိုလို ပေါင်နှစ်ဖက်ထိနေတတ်လို့ စိတ်အနှောက်အယှက် ဖြစ်နေတဲ့သူတွေရှိလား။ ပေါင်အတွင်းဘက်အဆီရှိတာက ရုတ်တရက်ဝိတ်တက်လာတဲ့အခါ ပေါင်တွေပွန်းပြီး လမ်းလျှောက်ရအဆင်မပြေသလို ပွန်းတဲ့ဒဏ်ကြောင့် အသားစပ်ပြီး အနာဖြစ်တတ်ပါတယ်။ ဒါတွေမဖြစ်ရအောင် ပေါင်အဆီကျစေမယ့် ထိရောက်တဲ့လေ့ကျင့်ခန်းတွေအကြောင်းကို ဖော်ပြပေးလိုက်ပါတယ်။
ပေါင်အဆီက ချရခက်တဲ့အထဲပါတာမို့ ဖော်ပြထားတဲ့လေ့ကျင့်ခန်းတွေကို စိတ်ရှည်ရှည်နဲ့ ပုံမှန်လေးလုပ်ပေးဖို့တော့ လိုပါမယ်နော်။
လေ့ကျင့်ခန်း ၁
Squat ထိုင်တဲ့ပုံစံကိုမှ ခြေထောက်တွေပိုကားရတဲ့ Sumo Squat လေ့ကျင့်ခန်းလုပ်ပေးရမှာပါ။ ဒီအနေအထားနဲ့ ခြေထောက်တစ်ဖက်စီကို ထောက်လိုက် ပြန်ချလိုက်လုပ်ပေးပါ။ ခါးကိုမတ်ထားကာ ပေါင်တစ်လျှောက်က ကြွက်သားတွေကို တင်းထားပေးပါ။ ဒီပုံအတိုင်း စက္ကန့် ၃၀ လောက်လုပ်ပေးရပါမယ်။
လေ့ကျင့်ခန်း ၂
Photo Source: Gfycat
အပေါ်က လေ့ကျင့်ခန်းနဲ့ပုံစံတူပါတယ်။ ဒါပေမယ့်သူက ခြေထောက်အဖျားတွေကို မ မတော့ဘဲ Sumo Squat အတိုင်းထိန်းထားကာ ခန္ဓာကိုယ် ဖြေးဖြေးချင်း အပေါ်အောက် လှုပ်ပေးရမှာပါ။ သူ့ကိုလည်း ပေါင်ကြောတွေတင်းထားပြီး စက္ကန့် ၃၀ လောက်ရအောင် လုပ်ပေးဖို့လိုပါတယ်။
လေ့ကျင့်ခန်း ၃
Photo Source: cosmopolitan.com
ဒီလေ့ကျင့်ခန်းအတွက်လည်း Sumo Squat အနေအထားအတိုင်းပဲ ထိုင်ပြီး ပြန်ထတဲ့အခါ ခုန်ပေးရမှာပါ။ ဒူးကွေးတဲ့အထိ Squat သေချာထိုင်ပြီးမှ ပြန်ထပြီးခုန်ပေးပါ။ အလေ့အကျင့်မရှိသူတွေက ဖြေးဖြေးချင်းလုပ်နိုင်ပါတယ်။ သူ့ကိုလည်း စက္ကန့် ၃၀ အချိန်ပေးပြီး လုပ်ရပါမယ်။
လေ့ကျင့်ခန်း ၄
ခန္ဓာကိုယ်အောက်ပိုင်းအဆီချရာမှာ အရမ်းထိရောက်တဲ့လေ့ကျင့်ခန်းဖြစ်ပါတယ်။ ပုံထဲကလို ခြေထောက်တွေကားထားပြီး တစ်ဖက်ကို ဒူးကွေးချကာ ကျန်တစ်ဖက်ကို ကိုင်းပေးရမှာပါ။ သူ့ကိုတော့ ခြေထောက်တစ်ဖက်စီ ဘက်ပြောင်းပြီး အကြိမ် ၂၀ လောက် ပြုလုပ်ပေးဖို့လိုပါတယ်။
လေ့ကျင့်ခန်း ၅
Photo Source: IceGif
ခုန်ဖို့လိုတဲ့ Cardio လေ့ကျင့်ခန်းတစ်မျိုးဖြစ်ပါတယ်။ ခြေထောက်နဲ့ လက်တွေ တစ်ပြိုင်ထဲလွှဲခုန်ကာ ကားလိုက် ပြန်စိလိုက်လုပ်ပေးပါ။ သူ့ကိုတော့ စက္ကန့် ၃၀ မှ ၄၀ ကြားလုပ်ပေးသင့်ပါတယ်။
လေ့ကျင့်ခန်း ၆
Photo Source: Verywell Fit
နောက်ထပ် ပေါင်အတွင်းပိုင်းအဆီ ထိထိရောက်ရောက်ကျစေမယ့် လေ့ကျင့်ခန်းက ပုံထဲကလို ခန္ဓာကိုယ်စောင်းကာ တံတောင်နဲ့ထောက်ထားပြီး အပေါ်ခြေထောက်ကို ရှေ့ထုတ်လိုက်ပါ။ ကြမ်းပြင်နဲ့ကပ်နေတဲ့ ခြေထောက်ကို အပေါ်တင်လိုက် အောက်ချလိုက် လုပ်ပေးရမှာဖြစ်ပါတယ်။ စက္ကန့်် ၃၀ လောက်လုပ်ပြီး နောက်တစ်ဖက်ကိုလည်း ပုံစံတူလုပ်ပေးရပါမယ်။
လေ့ကျင့်ခန်း ၇
Photo Source: howcast.com
အပေါ်ကလေ့ကျင့်ခန်းနဲ့ပုံစံတူကိုမှ အောက်ကခြေထောက်ကို အပေါ်အောက်မရွှေ့ဘဲ မ ထားရမှာဖြစ်ပါတယ်။ စက္ကန့်အနည်းငယ်လောက် ကြွက်သားတွေကို တောင့်ထားပြီး ခြေထောက်ပြန်ချပေးနိုင်ပါတယ်။ ဒီအတိုင်း ခြေထောက်တစ်ဖက်စီ လှည့်လုပ်ပေးပါ။
Photo Source: Pinterest
By MyStyle Myanmar
