Sweater Vest တွေက လူငယ်မိန်းကလေးတွေကြား ဘယ်တော့မှ မရိုးတဲ့ ဖက်ရှင် ဖြစ်ပါတယ်။ အေးတဲ့ ရာသီနီးလာရင် Sweater Vest တွေက တဖန် ခေတ်ပြန်ထ လာတတ်ပါတယ်။ မိန်းကလေး အများစုမှာ Sweater Vest တစ်ထည်လောက်တော့ ရှိထားတတ်ပါတယ်။ ဒီ Sweater Vest တစ်ထည်တည်းကို အောက် အင်္ကျီ၊ ဘောင်းဘီ၊ စကပ် အမျိုးမျိုး ပြောင်းဝတ်ပြီး ပုံစံ ပြောင်းလဲနိုင်ပါတယ်။ ဒီတော့ Sweater Vest ကို လှလှလေး ဘယ်လို ဝတ်နိုင်မလဲ ကြည့်လိုက်ရအောင်နော်-

Shirt အင်္ကျီ၊ Tennis Skirt

ကြယ်သီးပါတဲ့ အင်္ကျီလက်ရှည်ကို Sweater Vest အောက်မှာ ထားဝတ်ကာ Tennis Skirt အကားလေးနဲ့ တွဲလိုက်တာက ပေါ့ပေါ့ပါးပါးနဲ့ ချစ်ဖို့ ကောင်းစေပါတယ်။

Shirt အင်္ကျီ၊ ဘောင်းဘီရှည်

ပထမပုံစံ ကြယ်သီးပါ အင်္ကျီလက်ရှည်ကိုပဲ Sweater Vest နဲ့တွဲကာ အောက်က ဘောင်းဘီရှည်နဲ့လည်း တွဲနိုင်ပါတယ်။ စကပ်မဝတ်ချင်တဲ့ ကောင်မလေးတွေနဲ့ ဒီစတိုင်က သင့်တော်ပါတယ်။

တီရှပ်နဲ့ ဘောင်းဘီရှည်

ဒီတစ်ခါတော့ ရှပ်အင်္ကျီမဟုတ်ဘဲ တီရှပ်ကို Sweater Vest နဲ့ တွဲဖက်ကာ အောက်က ဘောင်းဘီရှည် ဝတ်နိုင်ပါတယ်။ ဒီစတိုင်က နွေရာသီမှာပါ ဝတ်နိုင်မယ့် ဖက်ရှင်ပုံစံပါ။

တီရှပ်၊ စကပ်

တီရှပ်ကို Sweater Vest အောက်မှာ ဝတ်ကာ စကပ်နဲ့ တွဲဝတ်လိုုက်တဲ့အခါ ပေါ့ပေါ့ပါးပါးနဲ့ စတိုင်ကျပါတယ်။

Turtle Neck အင်္ကျီနဲ့ ဘောင်းဘီရှည်

သင်က လည်တိုင် အလှကိုပါ ပြချင်တယ်ဆိုရင် လည်ပင်းရှည် အင်္ကျီနဲ့အတူ Sweater Vest ကို တွဲဝတ်ပြီး ဘောင်းဘီရှည်နဲ့ ဝတ်နိုင်ပါတယ်။

အောက်ဘက် ဘောင်းဘီအကားနဲ့

Sweater Vest သီးသန့်ကိုမှ အောက်ဘက် ဘောင်းဘီအကားနဲ့ တွဲနိုင်ပါသေးတယ်။

Sweatshirt နဲ့ အတူ ဘောင်းဘီတို

အောက်ဘက် Sweatshirt နဲ့အတူ ဘောင်းဘီအတို Short ကို Sweater Vest နဲ့ တွဲနိုင်ပါတယ်။

Photo Source: Pinterest

By MyStyle Myanmar