Oversized ရှပ်အပွတစ်ထည်ရှိရုံနဲ့ ဖက်ရှင်ကျအောင် တွဲစပ်ဝတ်ဆင်နိုင်မယ့် Outfit Idea များ

မင်္ဂလာပါနော်။ Oversized Shirt လေးတွေဆိုတာ ဝိတ်တက်ဝိတ်ကျ မတော်မှာလည်း စိတ်ပူစရာမလိုသလို Body Type အားလုံးနဲ့လည်းလိုက်တာမို့ တစ်ထည်လောက်ရှိထားတာ လုံးဝမမှားပါဘူး။ ဘယ်ရာသီမဆိုဝတ်နိုင်တဲ့အပြင် ဒီလိုရှပ်လေး တစ်ထည်ရှိနေရုံနဲ့ အမျိုးမျိုးတွဲစပ်ပြီး ပြောင်းဝတ်နိုင်တာမို့ ဘယ်တော့မှမရိုးမယ့်ဖက်ရှင်တစ်မျိုးလို့ ပြောလို့ရပါတယ်နော်။
ဒါကြောင့် ဒီတစ်ခေါက်မှာ Oversized ရှပ်အပွကိုမှ အထာကျအောင် ဖန်တီးဝတ်ဆင်နိုင်မယ့် Outfit အိုင်ဒီယာလေးတွေကို ဖော်ပြပေးလိုက်ပါတယ်။

Oversized ရှပ်အပွတွေက သူ့တစ်ထပ်တည်းနဲ့လည်းလှသလို အပြင်ထပ်အနေနဲ့ပါ ဝတ်လို့လှတဲ့ အင်္ကျီလေးတွေပါ။ ပထမဆုံး ဂျင်းဘောင်းဘီလေးနဲ့တွဲပြီး အင်္ကျီတစ်ခြမ်းကို ဘောင်းဘီထဲထည့်ကာ တစ်ခြမ်းကိုထုတ်ထားပြီး ဝတ်ကြည့်ပါ။ ထသွားထလာအတွက် စတိုင်ကျတဲ့ Outfit လေးရစေမှာပါ။

Tank Top အင်္ကျီရဲ့အပေါ်က Coat အပါးလေးစွတ်ထားသလို ပုံစံကလည်း ပေါ့ပေါ့ပါးပါးနဲ့ အထာကျပါတယ်။

Oversized Shirt အရှည်ကို ခါးစည်းပြီးတော့ဖြစ်ဖြစ် ဘောင်းဘီထဲထည့်ပြီးတော့ဖြစ်ဖြစ်ဝတ်ကြည့်ပါ။ ဘောင်းဘီ၊ စကပ် အတိုအရှည်၊ ဂါဝန်စတဲ့ အားလုံးနဲ့ တွဲဝတ်လို့လှတဲ့ပုံစံလေးဖြစ်ပါတယ်။

Oversized ရှပ်အပွလေးကို အတွင်းတစ်ထပ်အနေနဲ့ထားပြီး အပေါ်က ဆွယ်တာဝတ်စကုပ်လေးနဲ့တွဲဝတ်တာကလည်း အခုခေတ်လူငယ်ကောင်မလေးတွေ ဝတ်သလိုခေတ်ဆန်တဲ့စတိုင်လေးရစေမှာပါ။ အောက်က Tennis စကပ်တိုလေးတွေနဲ့ဆို ကွက်တိပါပဲ။

ခါးရှည်ရှပ်အပွကို ခါးပတ်ကြီးကြီးလေးပတ်ပြီး တွဲဝတ်တာမျိုးကလည်း အနောက်တိုင်းသူတွေကြားခေတ်စားတဲ့ ဝတ်နည်းလေးဖြစ်ပြီး သင့်ရဲ့ ခါးသွယ်သွယ်လေးကိုထင်းနေစေမှာပါ။

ရှပ်တစ်ထပ်တည်းကိုပဲ စကပ်တို၊ ဘောင်းဘီရှည်တို့နဲ့ ဝတ်တာကလည်း ထွေထွေထူးထူး တွဲစပ်စရာမလိုဘဲ ခပ်ရှင်းရှင်းလေးနဲ့လှနေမယ့်ဒီဇိုင်းလေးပါ။ နွေရာသီအတွက်အဆင်ပြေသလို မိန်းကလေးသိပ်မဆန်တဲ့ Outfit မျိုးဝတ်တတ်သူတွေအတွက်လည်း ကွက်တိပါပဲ။