ဝက်ခြံထွက်ပြီးရင် အမာရွတ်ကျန်ခဲ့တာတော့ ထုံးစံပါပဲ။ ဖြေးဖြေးချင်းစီ ပါးသွားပေမယ့်လည်း တချို့အမာရွတ်တွေကျတော့ အချိန်အရမ်းကြာပါတယ်။ ဒါကြောင့် ဝက်ခြံထွက်ပြီး ကျန်ခဲ့တဲ့ အမာရွတ်တွေကို မြန်မြန်ပျောက်ချင်တဲ့သူတွေအတွက် အမြန်ဆုံး သက်သာပျောက်ကင်းစေမယ့် နည်းလမ်း ၇ မျိုးကို မျှဝေပေးလိုက်ပါတယ်။
Tea Tree Oil
Tea Tree Oil ကို သံလွင်ဆီ (သို့) အုန်းဆီနဲ့ ရောပြီး အမာရွတ်ပေါ် လိမ်းပေးရမှာပါ။ တစ်ပတ်ကို တစ်ကြိမ်ပဲ လိမ်းပေးရမှာပါ။
သခွားသီး
သခွားသီးကို အခွံခွာပြီး အစေ့တွေဖယ် ပြီးရင် ပျစ်ပျစ်လေးဖြစ်အောင် ကြိတ်ချေပေးပါ။ ပြီးရင်တော့ အမာရွတ်ပေါ် တိုက်ရိုက်ပွတ်လိမ်းပေးပါ။ ဒီနည်းလမ်းကို လုပ်မယ်ဆိုရင်တော့ နေ့တိုင်း တစ်နေ့ကို ၂ ကြိမ် လုပ်ပေးရပါမယ်။
စန္ဒကူးအမှုန့်နဲ့ Rose Water
စန္ဒကူးအမှုန့် – လက်ဖက်ရည်ဇွန်း ၁ ဇွန်းနဲ့ Rose Water – လက်ဖက်ရည်ဇွန်း ၂ ဇွန်းကို ရောမွှေပြီး အမာရွတ်ပေါ်ကို တိုက်ရိုက် ပွတ်လိမ်းပေးပါ။ ၁၅ မိနစ်ထားပြီးရင်တော့ ရေနဲ့ပြန်သန့်စင်လိုက်ရုံပါပဲ။ ဒီနည်းလမ်းကို လုပ်မယ်ဆိုရင် နေ့တိုင်း လုပ်ပေးနိုင်ပါတယ်။
သံပယိုရည်
သံပယိုရည်ကို ဂွမ်းလုံးလေးနဲ့ယူပြီး အမာရွတ်ကို ပွတ်ပေးပါ။ ပြီးရင် ၅ မိနစ်၊ ၁၀ မိနစ်လောက် ထားပြီးတော့မှ ရေနဲ့ပြန်သန့်စင်ပါ။ ဒီနည်းလမ်းကို လုပ်မယ်ဆိုရင် တစ်ပတ်မှာ ၂ ကြိမ်ပဲ လုပ်ပေးပါ။
Apple Cider Vinegar
Apple Cider Vinegar ကို အမာရွတ်ပေါ် တိုက်ရိုက်ပွတ်လိမ်းပေးရင်လည်း အမာရွတ်ပျောက်စေပါတယ်။ တစ်ရက်ခြားတစ်ခါပဲ လုပ်ပေးပါ။
Vitamin C Serum
သဘာဝနည်းလမ်းတွေနဲ့ လုပ်ရမှာပျင်းရင် ကိုယ်လိမ်းမယ့် Skincare Step တွေထဲမှာ Vitamin C Serum ကို ထည့်သုံးပေးပါ။ အမာရွတ်နဲ့ အမဲစက်တွေ အမြန်ဆုံးပျောက်ဖို့အတွက် အရမ်းကောင်းပါတယ်။
Peel Treatment
အိမ်မှာ သဘာဝနည်းလမ်းတွေနဲ့ မလုပ်ချင်တဲ့သူတွေက ဆေးခန်းမှာ Chemical Peel Treatment တွေ လုပ်လို့ရပါတယ်။ ဝက်ခြံထွက်ပြီးကျန်ခဲ့တဲ့ အမာရွတ်၊ အမဲစက်တွေ ပျောက်ဖို့အတွက်ပါ။
