ဆံသားအတွက်ဆိုရင် အသုံးပြုတဲ့ဘီး Hair Brush ကလည်း အရေးပါတဲ့အရာပါပဲ။ ဒီတစ်ခါမှာတော့ Hair Brush အမျိုးအစား 7 မျိုးနဲ့ ဒီဘီးတွေကို သုံးဖို့အတွက်သင့်တော်တဲ့ Hair Type တွေကို ပြောပြပေးလိုက်ပါတယ်။ ကိုယ့် Hair Type နဲ့ကိုက်ညီတဲ့ Hair Brush မျိုးကို ရွေးသုံးလို့ရသွားတာပေါ့။
1. Paddle Hair Brush
Paddle Hair Brush က ဆံပင်အရှည်နဲ့ ဖြောင့်နေတဲ့ဆံသားအတွက် အရမ်းကောင်းပါတယ်။ ရှုပ်ထွေးတဲ့ဆံသားကို ရှင်းမယ်ဆိုရင်လည်း Paddle Hair Brush ကိုသုံးပေးသင့်ပါတယ်။
2. Round Hair Brush
အုံထူတဲ့ဆံသားနဲ့ Wavy Hair အတွက်ဆိုရင်တော့ Round Hair Brush ကအရမ်းကောင်းပါတယ်။ Blowouts အတွက်လည်း ဖြီးဖို့ အသင့်တော်ဆုံးပါပဲ။
3. Wide-Toothed Comb
Wide-Toothed Comb အမျိုးအစားကတော့ ဆံသားအားလုံးနဲ့ အဆင်ပြေပါတယ်။ ရှုပ်ထွေးနေတဲ့ဆံသားနဲ့ ရေစိုနေတဲ့ဆံသားကို ဖြီးမယ်ဆိုရင် အသင့်တော်ဆုံးပါပဲ။ ဘီးကြဲဖြစ်တဲ့အတွက် ဆံသားနာတာ၊ ကျွတတာတွေ သက်သာစေပါတယ်။
4. Detangler Hair Brush
Detangler Hair Brush ကလည်း ဆံသားအားလုံးနဲ့ အဆင်ပြေပါတယ်။ ရှုပ်ထွေးနေတဲ့ဆံသား၊ ရေစိုနေတဲ့ဆံသားနဲ့ ခြောက်သွေ့တဲ့ဆံသား Dry Hair ကို ဖြီးဖို့အတွက် အသင့်တော်ဆုံးပါပဲ။
5. Rat-Tail Comb
Rat-Tail Comb ကလည်း ဆံသားအားလုံးနဲ့ အဆင်ပြေပါတယ်။ သူကတော့ ခွဲကြောင်းခွဲဖို့အတွက် သီးသန့်သုံးတာ ပိုသင့်တော်ပါတယ်။ ခွဲကြောင်းညီပြီး သပ်ရပ်စေပါတယ်။
6. Boar Bristle Brush
Boar Bristle Brush ကတော့ ကောက်ထားတဲ့ဆံသား Curly Hair တွေအတွက် အရမ်းအဆင်ပြေပါတယ်။ သူက Styling အတွက်လည်း အသင့်တော်ဆုံးပါပဲ။
7. Loop Brush
နောက်ဆုံးဖြစ်တဲ့ Loop Brush ကလည်း ဆံသားအားလုံးအတွက် အဆင်ပြေပါတယ်။ Hair Extension လုပ်ထားတာဆိုရင် Loop Brush နဲ့ဖြီးဖို့ အသင့်တော်ဆုံးပါပဲ။ ဆက်ထားတာတွေ အလွယ်တကူနဲ့ ပြုတ်ထွက်သွားတာမျိုး မဖြစ်စေပါဘူး။
