အသားအရေတင်းရင်းနေရင် အသက်ကြီးလာလည်း အိုမင်းရင့်ရော်ခြင်းတွေ ဖြစ်ပွားမှု နှောင့်နှေးစေပါတယ်။ ဒါကြောင့် အသားအရေတင်းရင်းစေဖို့အတွက် လိုအပ်တဲ့အချက် ၇ ချက်ကို ပြောပြပေးလိုက်ပါတယ်။
Sunscreen
Sunscreen လိမ်းဖို့ကတော့ အရေးအကြီးဆုံး အချက်ပါပဲ။ Sunscreen မလိမ်းရင် အိုမင်းရင့်ရော်ခြင်းနဲ့ အရေးအကြောင်းတွေ ဖြစ်လွယ်စေတဲ့အတွက် Sunscreen သေချာလိမ်းပါ။
Retinol
Retinol နဲ့ပတ်သက်တဲ့ Skincare တွေသုံးပေးခြင်းက အသားအရေတင်းရင်းစေပြီး အရေးအကြောင်းတွေ လျော့ပါးစေတယ်၊ မြန်မြန်မဖြစ်အောင် ကြိုတင်ကာကွယ်ပေးပါတယ်။
Healthy Diet
ရေများများသောက်ပြီး အသီးအရွက်နဲ့ အသီးအနှံတွေ များများစားပေးမယ်ဆိုရင်လည်း အသားအရေပိုကောင်းလာစေတယ်၊ အသားအရေတင်းရင်းလှပနေစဖို့ ကူညီပေးပါတယ်။
Facial Exercise
နေ့တိုင်း Facial Exercise လုပ်ပေးခြင်းကလည်း အရေးအကြောင်းတွေ၊ Smile Lines တွေ ဖြစ်ပွားမှုနှုန်းကို လျော့ကျစေပြီး အသားအရေ တင်းရင်းစေပါတယ်။
အိပ်ရေးဝအောင်အိပ်ပါ
အသားအရေကောင်းချင်ရင် အိပ်ရေးဝအောင်အိပ်ပါ။ အိပ်ရေးပျက်ရင် အိပ်ချိန်မမှန်ရင် အရေးအကြောင်းတွေ မြန်မြန်ပေါ်လာမယ်၊ မျက်ကွင်းညိုတာနဲ့ ဝက်ခြံထွက်တာတွေ ဖြစ်လာပါမယ်။ ဒါကြောင့် အိပ်ရေးဝအောင်အိပ်ပါ။
Stress တွေလျှော့ချပါ
Stress တွေများနေရင်လည်း အသားအရေပါ ထိခိုက်လာစေပါတယ်။ ဒါကြောင့် Stress တွေကိုလည်း လျော့ကျအောင်လုပ်ရပါမယ်။
Skincare လိမ်းဖို့မပျင်းပါနဲ့
နောက်ဆုံးအချက်ကတော့ Skincare လိမ်းဖို့ မပျင်းဖို့ပါပဲ။ အသားအရေကောင်းချင်တယ်၊ အသားအရေတင်းရင်းချင်တယ်ဆိုရင် Skincare လိမ်းဖို့ ပျင်းနေလို့မရပါဘူး။ မျက်နှာသစ်တာကအစ သေချာ Cleansing လုပ်ပြီးမှ သစ်တာမျိုး၊ Toner, Serum, Moisturizer သေချာလိမ်းတာမျိုး လုပ်ပေးရပါမယ်။
