သင်က K-pop ချစ်သူတစ်ယောက်ဆိုရင် သေချာတယ်.. ဒီ မိန်းကလေးအဖွဲ့သီချင်းတွေက သင့်ရဲ့ Playlist ထဲမှာ ရှိနေမှာပါ ။ မိန်းကလေးဆန်ဆန်နဲ့ ချစ်ဖို့ကောင်းတဲ့ ဒီကောင်မလေးတွေရဲ့သီချင်းတွေက နားထောင်သူတွေကို လုံးဝအံ့အားသင့်စေခဲ့တာပါ။ သူတို့ရဲ့ နူးညံ့ပြီး လှပတဲ့အသံကို ပြသထားတဲ့ K-pop မိန်းကလေးအဖွဲ့တွေရဲ့ သီချင်းတွေကို စိတ်ဝင်စားတယ်ဆိုရင် ဒီသီချင်းတွေကို နားထောင်ကြည့်လိုက်ပါ။

NewJeans – “Super Shy”

“Super Shy” က Bubblegum အီလက်ထရွန်းနစ်တေးဂီတအမျိုးအစားဖြစ်ပြီး ထမဆုံးအကြိမ် ချစ်မိသွားတဲ့အခါ ကြောက်ရွံ့ထိတ်လန့်မှုတွေ မသေချာမရေရာမှုတွေကို ရည်ညွှန်းထားတဲ့ ဒီသီချင်းနဲ့သူ့ရဲ့တေးသွားလေးက ချစ်စရာကောင်းတဲ့ သီချင်းလေးတစ်ပုဒ်ပါ။

FIFTY FIFTY – “Cupid”

“Cupid” ထဲက သီချင်းစာသားက တစ်စုံတစ်ယောက်ရဲ့ မထိုက်တန်တဲ့ အချစ်ကို ဖော်ပြထားတာပါ။ ဒစ္စကို၊ ဇင့်နှင့် ဘူဘလ်ဂမ်ပေါ့ပ်တို့ကို ရောစပ်ထားတဲ့ ဒီသီချင်းက အိမ်မှာ အေးအေးဆေးဆေး နားထောင့်သင့်တဲ့သီချင်းပါပဲ။

TWICE – “Alcohol-Free”

“Alcohol Free” က အရက်အစား အချစ်ကြောင့် မူးလာရတဲ့ခံစားချက်ကို ဖော်ပြထားတာပါ။ ဘရာဇီးဂန္ထဝင် Bossa nova အမျိုးအစားအောက်မှာ ရှိတဲ့ဒီသီချင်းက ပေါ့ပေါ့ပါးပါး တေးသွားလေးနဲ့မလို့ ကမ်းခြေမှာ အပန်းဖြေအနားယူရင်း နားထောင်လိုက်ပါ။

f(x) – “4 Walls”

“4 Walls” သည် မမျှော်လင့်ဘဲ ချစ်မိသွားတဲ့ တစ်စုံတစ်ယောက်ရဲ့ခံစားချက်ကို ဖော်ပြထားတာပါ။ နူးညံ့သိမ်မွေ့တဲ့ တေးသွားကိုနားထောင်ချင်တယ်ဆိုရင်တော့ “4 Walls” မှာ အပြည့်အဝပြသထားပါတယ်။

Red Velvet – “One Of These Nights”

R&B နဲ့ Ballad Single အမျိုးအစားဖြစ်တဲ့ “One Of these Nights” ရဲ့ သီချင်းစာသားက ကိုးရီးယားရိုးရာပုံပြင်တစ်ပုဒ်ဖြစ်တဲ့ မင်းမျိုးမင်းနွယ်နဲ့ ချစ်မိသွားတဲ့ နိမ့်ပါးတဲ့နွားထိန်းကျောင်းအကြောင်းကို စိတ်ကူးယဥ်ဆိုထားတာပါ။

TZY – “Trust Me (MIDZY)”

“Trust Me (MIDZY)” က ITZY ရဲ့ပရိသတ်များအတွက် ရည်ရွယ်ထားတဲ့သီချင်းပါ။ ဒီသီချင်းက K-pop ပရိသတ်တွေနဲ့ ပျော်ပွဲရွှင်ပွဲတွေမှာ ဆိုဖို့အတွက်ဆို ပြီးပြည့်စုံတဲ့ သီချင်းပါ။ Idol တွေက သူတို့ရဲ့ပရိသတ်တွေကို ချစ်ကြောင်းပြတဲ့အခါ ဒါဟာ ကမ္ဘာပေါ်မှာ အနူးညံ့ဆုံးနဲ့ အလှဆုံးအရာပါပဲ။

(G)I-DLE – “Put It Straight”

လမ်းခွဲပြီးနောက်ပိုင်း အသည်းကွဲတာကိုဖော်ပြထားတဲ့ “Put It Straight” သီချင်းက ပရိသတ်အကြိုက်တွေ့စေမယ့် သီချင်းတစ်ပုဒ်ပါပဲ။ (G)I-DLE ရဲ့ အနူးညံ့ဆုံးတေးသီချင်းတွေထဲကမှ တစ်ခုဖြစ်တဲ့ဒီသီချင်းက လမ်းခွဲပြီးနောက်ပိုင်းမှာ နားထောင်ဖို့အကောင်းဆုံး သီချင်းတစ်ပုဒ်ဖြစ်မှာပါ။