ခြောက်သွေ့တဲ့အသားအရေက ကိုယ့်မျက်နှာကို ပုံမှန်ထက်ရင့်ရော်စေပါတယ်။ တချို့ဆို ဆောင်းတွင်းမဟုတ်ရင်တောင် အသားပတ်နေတတ်ပါတယ်။ အဆီပြန်သူတွေနဲ့လည်း မတူပါဘူး။ ဒါကြောင့် အသားခြောက်တတ်သူတွေအတွက် ပြန်လည်စိုပြေစေမယ့် ရိုးရှင်းတဲ့နည်းလမ်းတွေကို မျှဝေပေးလိုပါတယ်။

မျက်နှာသစ်ဆေးခပ်ပျော့ပျော့သုံးပါ

အသားခြောက်သူတွေက မျက်နှာသစ်တဲ့အချိန် ဆပ်ပြာမသုံးသင့်ပါဘူး။ အမွှေးနံ့ပြင်းတဲ့၊ ဆိုးဆေးတွေများပြီး အယ်လ်ကိုဟောပါဝင်မှုများတဲ့ မျက်နှာသစ်ဆေးတွေကို ရှောင်ပေးပါ။

ပုံမှန်ချေးချွတ်ပေးပါ

ချေးချွတ်ပေးတာက ဆဲလ်သေတွေကို ဖယ်ရှားပေးပါတယ်။ ချေးချွတ်တဲ့နည်းတွေကတော့ ဘရပ်ရှ်နုနုလေးနဲ့ပွတ်တာ၊ Scrub သုံးတာ၊ Alpha -hydroxy acid ပါဝင်တဲ့ ဓာတုချေးချွတ်ဆေးတွေ ဖြစ်ပါတယ်။

အစိုဓာတ်ထိန်းခရင်သုံးပေးပါ

နေ့တိုင်းပုံမှန် အစိုဓာတ်ထိန်းခရင် လိမ်းပေးရပါမယ်။ ဒီလိုလိမ်းပေးတာက အချိန်ကြာတာနဲ့အမျှ သင့်အသားအရေအတွက် အလွန်အကျိုးရှိပါတယ်။ အသားအရေခြောက်သွေ့သူတွေဆိုရင်တော့ အဓိကသုံးပေးရပါမယ်။

အစိုဓာတ်ထိန်းသိမ်းခြင်းကို သာမန်အသားအရေထက် ပိုအားစိုက်ပေးပါ

(ရေဓာတ်ဖြည့်ခရင်) တစ်မျိုးကို အမြဲလိမး်ပေးရပါမယ်။ ညဘက်အိပ်ရာဝင်တာနဲ့ အစိုဓာတ်ထိန်းခရင်ကို လိမ်းပေးရပါမယ်။

ရေချိုးတဲ့အချိန် Essential Oil ထည့်ပေးပါ

ဒီအချက်ကတော့ ဖြစ်နိုင်ရင်လုပ်ပေးသင့်တာပါ။ တကယ်လို့ မလုပ်နိုင်ရင်လည်း တခြားနည်းတွေနဲ့ ထိန်းသိမ်းနိုင်ပါတယ်။ ရေချိုးတဲ့အချိန် Essential Oil ထည့်သုံးပေးတာက အသားအရေကို စိုပြေစေပါတယ်။

လက်အိတ်ဝတ်ပါ

အသားအရေခြောက်သွေ့တတ်သူဆိုရင် လက်အသားအရေကို လက်အိတ်ဝတ်ပြီးတော့ ထိန်းသိမ်းပေးနိုင်ပါတယ်။

ရှားစောင်းလတ်ပတ်သုံးပါ

သင်က ရှားစောင်းလတ်ပတ်နဲ့ တည့်တယ်ဆိုရင်တော့ ရှားစောင်းလတ်ပတ်ကို အပြည့်အဝအကြံပြုလိုပါတယ်။ ရှားစောင်းလတ်ပတ်က အစိုဓာတ်ဘုရင်တစ်ပါးပါ။

Source: Herbeauty.co

By MyStyle Myanmar