Disney က ထုတ်လုပ်တဲ့ဇာတ်လမ်းတွေထဲမှာ တချို့နေရာတွေ၊ လူပုံစံတွေက လက်တွေ့ကို မှီးယူတာတွေပါဝင်ပါတယ်။ ဇာတ်လမ်းထဲမှာပါဝင်တဲ့ နေရာရှုခင်းတွေက အသက်ရှူမှားလောက်အောင် လှတာမြင်ဖူးမှာပါ။ ဥပမာ Moana ဇာတ်လမ်းထဲက သစ်စိမ်းကျွန်းကြီးဆိုရင် အံ့သြဖွယ်အတိပါ။ Moana ဇာတ်လမ်းကို ရိုက်ကူးတဲ့ဒါရိုက်တာတွေက ဒီနေရာတွေကို ကိုယ်တိုင်သွားပြီးလေ့လာခဲ့ကြပါတယ်။ တခြားနေရာအများစုဟာလည်း အပြင်လောကကို အခြေခံပြီး ကာတွန်းထဲမှာ ထည့်ထားတာပါ။ Disney ဇာတ်လမ်းတွေထဲမှာ ပါဝင်ပြီး အပြင်လက်တွေ့ကို အခြေခံထားတဲ့နေရာတွေကတော့-

၁။ Mulan ဇာတ်လမ်းထဲက တရုတ်နိုင်ငံ

ဒီနေရာကတော့ ဘေကျင်းမှာရှိတဲ့ the Forbidden City ကို အခြေခံယူထားတာပါ။ ဒီနေရာဟာ တရုတ်ဧကရာဇ်တွေ ဟိုးနှစ်ပေါင်းများစွာထဲက နေထိုင်ခဲ့တဲ့နေရာဖြစ်ပါတယ်။

၂။ Moana ထဲက Motunui ကျွန်း

Moana ဇာတ်လမ်းထဲက နေရာတွေဟာ Samoa နဲ့ Tonga ကို ဒါရိုက်တာတွေကိုယ်တိုင်သွားပြီး လေ့လာထားတာပါ။

၃။ Tangled

Tangled ထဲကနေရာဟာ Normandy မှာရှိတဲ့ Mount Saint-Michel ကို အခြေခံထားတာပါ။

၄။ Brave

Brave ဇာတ်လမ်းထဲမှာပါဝင်တဲ့ Merida ရဲ့ ရဲတိုက်ကြီးဟာ Scottish Highlands ရဲ့ Eilean Donan Castle ကို အခြေခံထားတာပါ။

၅။ The Little Mermaid

ရေသူမဇာတ်လမ်းထဲက မင်းသား Eric ရဲ့နန်းတော်ဟာ ဆွစ်ဇာလန်နိုင်ငံက Château de Chillon ဆိုတဲ့နေရာကို အခြေခံယူထားတာပါ။

၆။ Sleeping Beauty

Sleeping Beauty ထဲက ရဲတိုက်ကြီးဟာ ဂျာမနီနိုင်ငံက Neuschwanstein Castle ကိုအခြေခံထားတာပါ။

၇။ အာလာဒင်

အာလာဒင်ဇာတ်လမ်းထဲက နန်းတော်ကြီးဟာ အိန္ဒိယနိုင်ငံက တာ့ဂျ်မဟာ ဘုရားကျောင်းကို အခြေခံထားတာပါ။

Source: Herbeauty.co

By MyStyle Myanmar