သင်မသိသေးတဲ့ သရုပ်ဆောင်အပြင် အကပိုင်းမှာပါထူးချွန်ကြတဲ့ KDrama မင်းသားမင်းသမီး (၇) ဦး

ကိုးရီးယားဖျော်ဖြေရေးကဏ္ဍရဲ့ အကျော်အမော်တွေက တစ်ခုထက်ပိုတဲ့ အရည်အချင်းတွေ ပိုင်ဆိုင်ထားကြတဲ့သူတွေဖြစ်ပါတယ်။ အဓိကအနေနဲ့ Drama ဇာတ်လမ်းတွေရဲ့ နာမည်ကြီးမင်းသားမင်းသမီးတွေဟာ ကျရာဇာတ်ရုပ်ကို သရုပ်ဖော်နိုင်ကြတဲ့အပြင် မတူညီတဲ့အသစ်အဆန်းတွေကိုပါ လေ့လာလေ့ရှိကြပါတယ်။ ဒီတစ်ခေါက်မှာ Drama ပရိသတ်တွေကြား သရုပ်ဆောင်ကောင်းတာကြောင့် ရေပန်းစားတဲ့အပြင် တကယ်တမ်း အကပိုင်းမှာပါ ထူးချွန်ကြတဲ့ မင်းသားမင်းသမီးတွေအကြောင်းကိုမျှဝေပေးလိုက်ပါတယ်။ ကိုယ်မထင်ထားတဲ့သူတွေပါလာမလား ကြည့်လိုက်ရအောင်နော်။

၁။ Park Yoo Na

Sky Castle, Hotel Del Luna နဲ့ True Beauty အစရှိတဲ့ဇာတ်လမ်းတွေနဲ့ ပရိသတ်တွေချစ်ကြတဲ့မင်းသမီး Park Yoo Na ဟာဆိုရင် ငယ်စဉ်က Idol သင်တန်းသူတစ်ဦးအနေနဲ့ ပါဝင်ခဲ့ဖူးတာကြောင့် အဆိုအကပိုင်းနဲ့လည်း မစိမ်းတဲ့သူ ဖြစ်ပါတယ်။ သူမဟာ “Happy Together” ဆိုတဲ့အစီအစဉ်မှာ သူမရဲ့အကစွမ်းရည်ကို ပြသဖူးပါတယ်။ မင်းသမီးအနေနဲ့လည်းကြည့်ကောင်းတဲ့ Yoo Na ကတော့ Idol အနေနဲ့ပွဲဦးထွက်ခဲ့ရင်လည်း လူကြိုက်များမှာအမှန်ပါပဲ။

၂။ Park Min Young

K Drama ပရိသတ်တိုင်းသိကြတဲ့ မင်းသမီး Park Min Young ဟာဆိုရင် ပရိသတ်တွေ မထင်ထားတဲ့ သူမရဲ့ အကစွမ်းရည်ကို Dance Video တွေနဲ့အတူချပြတတ်သူတစ်ယောက်ဖြစ်ပါတယ်။ သရုပ်ဆောင်ကောင်းတဲ့အပြင် ပေါ့ပေါ့ပါးပါးနဲ့ ကပြဖျော်ဖြေနိုင်တဲ့သူမရဲ့ပုံစံကိုတော့ အောက်မှာပါတဲ့ Video မှာတွေ့နိုင်ပါတယ်။

၃။ Kim Min Jae

လတ်တလောထွက်ရှိထားတဲ့ “Dali And Cocky Prince” ဇာတ်လမ်းတွဲရဲ့ အဓိက သရုပ်ဆောင်မင်းသား Min Jae ဟာဆိုရင် သရုပ်ဆောင်အပြင် Rapper အဖြစ် Idol သင်တန်းသားတစ်ဦးဖြစ်ခဲ့ဖူးသူပါ။ Idol အဖြစ်နဲ့ အချိန်အတော်ကြာ အဆိုအကပိုင်းကို လေ့ကျင့်ခဲ့ဖူးတာကြောင့် အက ကျွမ်းကျင်တဲ့ မင်းသားတစ်ယောက်ဆိုလည်း မမှားပါဘူး။

၄။ Lee Sung Kyung

Model တစ်ဦးလည်း ဖြစ်သလို သရုပ်ဆောင်လည်းကောင်းတဲ့ “Weightlifting Fairy Kim Bok-joo” ဇာတ်လမ်းက မင်းသမီး Lee Sung Kyung ဟာလည်း အဆိုနဲ့အကပိုင်းမှာပါ ဘက်စုံတော်တဲ့သူတစ်ယောက်ဖြစ်ပါတယ်။ သူမဟာ မင်းသား Min Jae နဲ့တွဲဖက်ပြီး Dance Project Video တွေနဲ့အတူ အကစွမ်းရည်ကို ပြသခဲ့ဖူးပါတယ်။

၅။ Shin Hye Sun

“Mr. Queen” ဇာတ်လမ်းရဲ့မိဖုရားကြီးအနေနဲ့ ပရိသတ်တွေချစ်ကြတဲ့ မင်းသမီး Shin Hye Sun ကတော့ သူမပါဝင်သရုပ်ဆောင်ရမယ့် “Angel’s Last Mission: Love” ဇာတ်လမ်းရဲ့ ဘဲလေးအကပညာရှင်ဇာတ်ရုပ်အတွက် ဘဲလေးအကကို ခြောက်လတာ လက်တွေ့သင်ယူပြီး ကပြဖျော်ဖြေနိုင်ခဲ့ပါတယ်။

၆။ Song Kong

မင်းသား Song Kong ဟာလည်း “Navillera” ဇာတ်လမ်းက ဘဲလေးကတဲ့ ဇာတ်ရုပ်အတွက် လူစားထိုးအသုံးမပြုဘဲ ကိုယ်တိုင်သင်ယူခဲ့သူဖြစ်ပါတယ်။ စိတ်နှစ်ပြီးလေ့ကျင့်ခဲ့တာကြောင့် သူရဲ့အကဆရာကိုယ်တိုင်က အချိန်အတိုအတွင်း ကိုယ်ခန္ဓာပျော့ပြောင်းပြီး တက်မြောက်လွယ်တဲ့သူဖြစ်ကြောင်း ချီးကျူးခဲ့ပါတယ်။

၇။ Lee Joon Gi

K အနေနဲ့ လူသိများတဲ့ ဝါရင့်မင်းသား Lee Joon Gi ဟာဆိုရင် သူရိုက်နေကျ ဇာတ်လမ်းတွဲကာရိုက်တာတွေနဲ့ကွဲထွက်ပြီး ပရိသတ်တွေအတွက် ချစ်စရာကောင်းတဲ့ ဟန်ပန်နဲ့ ကပြဖျော်ဖြေတတ်တဲ့သူဖြစ်ပါတယ်။ သူ့ရဲ့ချစ်စရာ ကကွက်တွေကိုတော့ ‘Twice’ အဖွဲ့သီချင်းနဲ့ ကပြဖျော်ဖြေထားတဲ့ Video မှာတွေ့နိုင်ပါတယ်။